夜半風聲拂無痕
舉目明月黯無光
慨嘆時光早已去
逝水長流影半生

琴晚可能真係太攰啦加上空調既舒適,
一躂落張床即刻呼呼大睡~~~~~~
今朝6點半就起左身,
邊食早餐邊上網睇下人地Xanga,
我終於明白點解到考試既最後5mins,
出面條友要講一大臺野係到提人咁鬼煩=.="
因為D人提完係一樣唔寫題號=.="
8點9出門口行到去試場9點都未到,
見到李民兄講左2句上得Hall,
個個都係係到tune台冇咩特別,
當然我緊係醒水早幾晚係屋企已經tune定,
之後出面條友叫人唔好tune住..........
因為要點名同check收音機,
我先係到入緊粒電=0="
9點3出面條友仔叫我地可以開機聽住等,
周圍既人都開晒機我仲係到攪緊條線,
到我開機啦一開完機蚊埋條三十幾cm長既天線出黎,
左手前方第2個位舉手收唔到XD
之後我周圍望下發現有同我一樣既4條天線陸續出現,
之後亦都陸續有人舉手話收唔到XD
結果有17個人因為突然收唔到去左特別室考試哈哈,
開始有點唱聽啦當然正路都預左唔會有人點比我既,
點知聽左5mins左右聽到Sunny既點唱,
不過我係唔識呢條友既哈哈哈,
佢點唱比所有"Examfighters Club"既成員,
作為呢個club既成員即係有我份啦~~~~
雖然唔識呢條友不過都真係要多謝番句,
因為聽左之後係真係幾高興既個人都精神左,
之後keep住聽下其他既點唱啦,
有條友將"奪命四式"寫錯左做"奮命四式",
笑到我半死真係頂佢唔順哈哈哈~~~~~~~
10點鐘正式開波啦~~~~~~~~~
一黎發現又係果條咁既"@#$!%^*&($"係到講野=.="
真係好唔鐘意聽到佢把聲哈哈哈,
今日既theme係我都唔知算係咩既哈哈哈,
不過咩theme唔重要最重要係識唔識做嫁姐,
係睇題目既時間當然又係用枝好醒目既橙色highlight pen間啦,
睇左人都冇咁易訓~~~~~~~
發現今年既綜合題又係一個新既題種喎,
正式係開始聲帶啦,
開頭非常之專心咁聽既,
點知聽左之成個字都係廢話冇answer出=.="
差D比佢攪到訓著好彩出面太平照住我張枱攪到D橙色反光醒醒神~~~~
我都真係一世夠運連天都幫我XD
聲帶唔係好長啦唔夠一個鐘,
做完覺得唔係好難咋喎好似仲易過舊年~~~~~~
幾好唔錯最後一份中化卷既表現滿意lol
收卷啦收左我份卷之後亦代表住成個A-level最易最舒服既一科真式考完,
同時亦代表住我中化既光輝年代要畫上一個休止符,
至於我中化既光輝年代可唔可以畫上一個完美既句號就真係要睇彩數啦,
因為始終A同B鬥既唔係實力而係運氣~~~~~~
番到屋企之後都係上網既活動啦,
12點半落左街食茶食lunch,
食到好鬼飽番屋企睇功夫足球,
完左hea一hea 2點半鐘,
本來個programme係UE既section,
不過真係支持唔住啦好眼訓丫=.="
於是就走左去訓覺一訓訓左4個鐘啦................
不過冇所謂啦反正我當初填UE落個programme到,
都係預左有休息既成份哈哈哈,
起身之後冇咩胃口食飯隨手扒兩口草草了事,
7點半一網打盡見到八達通果個真係勁無奈=.="
8點半"全城盡興殘酷一叮"哄動回歸點可以唔睇丫,
首集一小時加長版有示範單位,
王飛鴻師父真係超勁睇到呆左..............
9點半"奧運玩得叻"叻哥唱歌真係正=0="
10點半海猿Evolution 9依然係幾好睇既,
完左之後上去TVB個網發現"一擲千金"將於4月22號回歸,
好啦唔經唔覺又到12點就咁又一個月啦,
距離我同physics永別既日子仲有24日真係愈來愈興奮~~~~~

自從睇左絕望真相之後真係好想為地球既環保多盡一分力,
所以上個星期26,27度都爭扎左好內決定唔開冷氣,
但係去到琴晚雖然只得24度,
但係為左我既前途問題終於決定2007年第一日開冷氣訓覺,
因為如果訓得唔好今日冇精神就大獲=0="
琴晚的而且確訓得好好一訓就到天光~~~~~~
今朝6點半彈左起身非常之精神,
依完個早餐之後沖杯奶茶係到歎住睇新聞,
7點9出門口5mins就行到試場啦,
結果發現勁多識既人............
彩天既有銳兄仲有俊賢兄,
保一既有七人Elle、詩龍、張偉健．．．
唔想打咁多太煩啦XD
之後唔係呢2間既都仲有6個,
早左去係門口企未有得入,
又見到有人係到做問卷調查,
最好笑係成班4個彩天係到吹水,
有大客佢又唔拎過黎比我地做........
仲好慳番8點3入得直上Hall~~~~~~
一入到去先發現Peggy做正係我前面果個..................
唔係真係咁有緣丫化=0="
中六七兩年都冇見過突然考中化oral又見,
今日中化又見仲要坐正前後=.="
吹漲完一輪之後得開波,
如常都係要聽出面班人講廢話,
可惜今年既廢話多左好多=.="
比我舊年retake CE果時足足多2倍有凸=.="
有幾個仲係好鬼唔合理=0="
如果考生帶有任何電子通訊物品如手提電話、傳呼機、mp3機 ............... =.="
當時我幾有衝動想舉手：
"以我讀左4年comp既知識,
目前係未有一部mp3機可以用黎通訊,
如果你拎到一部示範比我睇我走唔考"=.="
如果你既手錶帶有文字顯示功能請將手錶放進手提包=.="
呢一刻又幾有衝動想舉手：
"數字唔係文字丫?
邊有手錶唔顯示文字嫁,
你搵到隻錶冇文字既我走唔考=.=
一係你就拆埋個hall clock,
同你前面個計時器=.="
考試局D人個腦真係愈來愈有問題=.="
仲有一句仲好笑,
如考生帶有計算機請馬上將佢放進手提包,
又好有衝動想問：
"HKEAA Approved嫁喎,
又冇講明一定要係咩科到用,
我依家用黎計字數係咪唔比先,
加上目前HKEAA Approved既所有型號計數機,
冇一部係可以入中文,
如果個考生咁勁可以用數字係代替中文咁勁,
咁你就由佢啦抵佢高分嫁~~~"
另外有一個好得意既就係唔比用隱形墨水筆,
心諗咪又係筆樣一枝,
我真係拎出黎用你都睇唔出嫁啦=.="
anyway8點半正式開波先黎既係實用文,
明顯我自己既目標已經中左,
即刻唔洗諗其他2題題目馬上出手,
因為我原先未考之前我自己同自己講,
報告、建議書同評論呢3樣我可以屈機,
我就唔信佢3樣都唔出一題,
如果真係既話我認命唔考,
當然我做得出咁既野當然好有把握,
結果出了建議書哈哈咁就唔洗諗啦,
雖然第2題投訴信聽人講蕭源貼中左,
但係明知我係不嬲唔溫書嫁嘛鬼記得咩,
加上投訴信我本身唔勁所以都唔會作,
揀完題目再睇晒個data file已經用左20mins=.="
之後再用左成10mins黎切一個勁靚既開頭,
都係得果半版原稿紙,
就咁半個鐘冇左三份一既時間啦~~~~~~~
當然黎緊果一個鐘就係爆氣出招既時候,
一番去第二頁既原稿紙(第一頁得半版),
一舉手狂爆殺丫~~~~~~~~
起勢勁作筆氣有力氣勢迫人,
用左差唔多40mins已經去到答題簿最後一頁既一半多D,
快上繼續寫再舉起左手加紙,
周圍既人呆左一呆望左一望,
當佢拎到張紙番我都正好去到最後既一行,
加紙係單行紙黎唔鐘意><"
一換紙寫完個考生編號正好枝筆無墨,
當然我一早已經入完2枝,
一啪轉左枝新既藍Hi-Tec-C再爆,
用左最15mins喪爆又KO左一版單行紙,
一行寫左25,26words左右,
一頁有25行唔好諗住完,
再開版新既再爆,
但呢個時候既我已經係嚴重脫水,
口腔極度乾涸而且有苦澀既味道,
但無論如何都要頂住支持落去,
已經完全聽唔到出面係到講得番5mins堆廢話既干擾,
飛多半版之後望下隻錶得番20秒,
寫完個下款得番8秒,
爆快寫個日期已經好攰啦我隻手,
D字亦都已經變得開始好核突,
隻手彷彿已經唔受我控制寫丫,
當我一寫完日既既最後一橫,
耳邊傳黎明亮既聲音"時間已經夠啦",
當堂腦海一片空白隻手已經唔知幾時垂左係到好攰好渴,
之後收完卷話走得第一時間飛落去買水飲~~~~~
一口氣半枝750ml既嘩爽丫,
之後都真係好攰坐左係canteen休息下吹下水,
手癢無野做計下寫左幾多字,
結果係粗略估計超過二千一字,
因為後面原稿紙果到冇準確既數值只有估計,
之後係到諗緊收我卷條友點解咁面善,
諗左勁內先醒起佢原來係Derek Liu既助教................
hea左半個鐘終於到第二節啦,
再番到試場周圍仍然係果D人,
但係我隻手仲未完全後完呢..............
好彩第二個section係閱讀理解,
可以有一個緩衝區休息下,
派完卷之後發現係速讀,
只得4篇?!
我早知考試局班衰人冇咁好死,
於是我花左5mins一次過睇左成份卷先再做,
一睇果然有"景滾"原來係4篇既互動式,
即係要揭黎揭去同2,3篇會溝埋問一題果隻,
然之後我先將第一題有關係既題take晒出黎,
之後睇多次問題先做第一篇,
而如果係同其他篇數有關既我就先underline,
當然一個鐘除四梗係限自己15mins內要完第一篇啦,
15mins過後好順利將第一篇有關既做晒,
差一題因為同第三篇有關既,
之後同一個方法到第二篇既15mins,
之後到第三篇好順利咁可以即刻填埋同第一篇有關果題,
到尾2果頁有2分4個要解文言文既字,
當然呢D係我既弱項亦唔會花時間去估,
因為估多都係多數錯唔會有分,
唯一除左"箸"我係知解筷子之外,
其餘3個都亂填D解釋落去,
之後最後到第4篇既問題,
而最後一題既答案係"社會性",
當我寫完"性"字既最後一橫又試啱啱好夠鐘,
不過呢個section唔會好攰,
因為我寫得好慢,
加上要搵好多時間比隻手休息,
收完卷之後聽到好多粗口,
因為好多人都做唔切,
因為D人諗住佢真係4篇順序做,
當做到第4頁先知死左=.="
但佢地起初係expect冇互動式一篇15mins咁做,
所以結果係做唔完,
當堂覺得自己好醒水哈哈哈,
考試局班人點會咁好死丫~~~~~~~
lunch同詩龍&Boinne去左魚米家食lunch,
發現間野勁唔好食又貴=.="
成個半鐘既lunch真舒服慢慢黎,
一路亦聽到Boinne講佢見到既趣事,
因為佢係隔離間學校所以我見唔到=0="
佢話見到佢前面條友帶左勁大個既座枱鐘放左係到,
點知行到一半停左哈哈哈笑到半死,
完左個lunch之後番到試場,
同時亦係要面對最多percentage既一份卷,
"文化篇章"最多人擔驚受怕既一份卷,
對我黎講亦意義重大,
大不在於佢既難因為我覺得好易,
大係在於今次係我最後一次出招,
使用我自創獨步天下既"張無忌理論",
過左今日應該以後都冇咩機會可以再用到,
早15mins上到hall都係果堆廢話,
為左迎合呢份卷高速既需求,
轉左用枝old version既Hi-Tec-C~~~~~~
派完卷都係咁啦等開考,
一打開份卷見到第二題勁多字即刻唔揀,
一黎冇心機睇,
二黎諗住如果我睇左之後先黎唔揀晒成個字去睇咪好蝕水..........
於是就咁用左唔夠10秒揀好左做第一同第三題,
先黎第一題一望發現蕭源貼中左=.="........................
雖然我冇溫但係我有我既張無忌理論,
一早聽完左之後再令自己唔記得晒佢,
發揮極之流暢係咁起執寫,
因為做2題個半鐘平分,
所以一題限自己用45mins要KO,
高速地狂寫我揭去第二頁既時間,
瞟見隔離條友仲係第一頁既一半未到=.="
當然一於好少理continue my work gogogo!!!!!!!!!
超左少少時用左50mins寫完第一題,
用左3頁紙以一行26隻字一頁25行計算,
總數為一千九百五十字表演理想,
已經係超出左我mock既極限,
當時我只係寫左千四左右,
當然今日快咁多係有原因,
我轉左枝old version既Hi-Tec-C枝杆冇咁肥,
手感好好多所以我寫得會更加快呢,
第一題非常好既成績哈哈,
到依家有2個points勁到我都唔知點解我當時諗得出=0="
Seven Chan話我轉左去讀文科=.="...............
之後hea一hea望下周圍,
見到考官係前面開始check緊準考證,
好開始做第三題睇下題目先,
天丫蕭源又貼中左啦=.="................
我幾想真係跳落地向東面跪拜,
因為佢之前上堂果時話如果到時入到試場,
見到佢貼中左就要咁做.
當然係攪gag成份多啦~~~
再係咁落去我真係要安個神主牌當佢神咁拜=.="
anyway唔好理佢要快手答埋佢先得,
開始寫唔夠幾隻字聽到前面個考官既頂引野=.="
你停一停筆台高頭等我望一望你個樣先=.="
當堂無言一條友代考成功姐洗唔洗咁麻煩=.="
要人放個電話係地下已經好麻煩=.="
比佢攪一攪笑一笑冇左5mins><"
前後得番35mins=0="
死啦又要爆氣啦哈哈哈,
喪寫喪爆係10mins之內已經寫完左第一個page=.="
之後唔好比佢停keep on going,
用多唔夠10mins寫完第二個pages,
不過第三題因為都幾難下,
所以開始冇咩野寫於是決定埋尾,
最後以2版半作結,
即係有一千六百二十五字頗滿意,
望下錶仲有十幾mins可以比我轉筆wakakakaka~~~~~~~~
最後一次使用"張無忌理論"終算順利,
3點完場第二日既戰士亦已完場,
執野番屋企番到去都係3點半左右,
之後所有野都用左手做=.="
因為我隻右手一定要好好休息下,
如果唔係真係跛左就大獲啦=.="
之後緊接既3個鐘頭不繼收到電話=.="
手提未完既時間屋企又響,
屋企都傾完手提又響=.="
就係咁連續講左2個幾鐘頭既電話=.="
內容主要都係好多人見我平時咁勁,
打黎問下我咩環境,
係邊講電話既同時邊睇番今日D問題,
發展我太夠運啦=.="
因為就算我當時睇左第2題文化題都真係唔會揀=.="
原因唔係因為蕭源貼唔中,
而係因為我睇唔明佢講咩=0="
又一次LUCKY爆呢~~~~~~
之後見到速讀最尾一行,
材料的出處將於稍後公布...........
醒水左喎考試局又未蠢得晒哈哈哈~~~~~~~~~~
攪到我隻左耳都熱到紅晒=.="
之後非常攰去左沖涼醒下個人,
之後又上網係到喪chat MSN,
不過因為得番左手打字,
所以打得好慢=.="
今晚呢個Blog都已經打左成個鐘=0="
不過我又唔想留聽日打,
因為我驚聽日會唔記得咁D精彩既情節,
7點食完飯睇埋個電視,
9點半依然係MSN,
發現N年冇online既李民兄online,
當然要問下佢咩環境啦,
佢話我知原來佢番到屋企先有人話佢聽佢同我同一個試場=.="
我即時O左咀law=.="
因為我都唔知佢同我同一個試場,
今日係同一個hall足足成日都可以見唔到面真好波=0="
10點半向世界出發最後一站以色列既苦路,
睇完之後就走左上黎打Blog=.="
依家已經12點半啦....................
一隻手打字結果用左一個鐘打完今日既精彩之旅,
好啦執埋野都要去訓啦=.="
因為聽日仲要考listening要早起身~~~~~~~~~~~~

自programme運行以來從未有過的爽,
一早9點幾起左身早餐係N年冇食既m記,
不過真係愈來愈唔抵食=.="
10點開波做pure maths,
今日既target係完左課continuity姐,
邊上網MSN邊做下咁law,
用左2個鐘左右做完就收工啦,
之後出中化ソ最終奧義,
呢一招都有好內冇用過啦哈哈哈,
就係聽"般若波羅蜜多心經"同"六字大明咒",
有人MSN見到諗住我讀到short左=.="
傻啦我唔讀嫁=0="
之後去左食lunch,
食飽上網MSN同人吹左成2粒鐘有多,
之後走左去煲片一氣睇左3集亂世佳人,
睇完冇咩野做落左街行下買下野,
晚上依然好得閒睇電視講電話都係咁,
依家都差唔多9點啦,
今晚早D上黎打完熄機,
一睇完向世界出發就訓~~~~~~
明日最後一次用我既"張無忌理論"啦,
希望順順利利啦~~~~
各位戰友都好運啦哈哈~~~~

PS  今日好多人打電話黎問點讀中化=.="
      講多次係唔會讀既唔好再搵我~~~

今朝一早比人叫醒左整電腦=.="
攪到個人好眼訓><"
不過都好都差唔多要早D起身嫁啦~~~~
食完個早餐10點9開波中化哈哈哈,
即刻休息冒時間啦lol
一路上住網MSN一路睇埋果本notes,
好成功咁已經唔記得晒啦~~~
點9去左食lunch,
2點改左做pure maths嘛,
不過真係好眼訓啦攪到轉數低晒=0="
計到4點幾仲走左去上forum玩左成個鐘哈哈,
D人post問話篇章答幾多先夠,
我手痕打話我平均做開一題5頁原稿紙,
之後居然冇人信=0="
仲話除非我隻手係machine=.="
又咩打字都唔夠我快唉........
心諗佢一定未見識過咩叫打字=.="
彩天之光烈嘉兄哈哈比佢地見到肯定話佢係機械人=.="
大佬寫字快姐唔洗講到咁出奇丫=.="
依家香港D細路真係大驚小怪~~~~~
最頂引既就係個post玩下玩下撞番個保一的舊相識,
真係世事無奇不有啦今次,
玩左個幾鐘之後又走番去計數~~~
6點半收一收工去食晚飯同睇TV嘛,
7點半再黎一直去到10點正式收工,
今日清埋上次差3題既calculus theory,
之後仲KO埋第七課既limits,
依家既pure maths只差一課continuity,
co-geo果part同complex numbers,
基本上2日內都一定解決完嫁啦,
完場睇同事三分親接住10點半向世界出發,
11點勁歌金曲今晚好野啦,
又有Stephy又有Elanne哈哈,
之後連煲2集既亂世佳人,
成點lu但又未好眼訓,
上多陣網先哈哈~~~~~~

PS  今日睇完個新聞真係唔知比咩反應=.="
      個老豆陪個女追明星攪到傾家蕩產仲跳海自殺,
      唉真係可悲希望可以向D瘋狂追星既人警覺下啦~~~~~~~