| |
|
|
| |
| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| ．影 誌 歸 月 |
|
|
| ．影 誌 分 類 |
|
|
| ．影 誌 聊 天 |
|
|
|
．好 友 名 單
|
|
|
| ．網 誌 群 組 |
|
|
 | |
 |
2006 年 9 月 16 日 星期六 晴天  | |
| |
|
星期陸的午校和夜校正式開始  | |
今朝嘛本來係要6點起身睇超音鼠嫁,
點知積落既攰實在太多啦=.="
於是決定睇少一日訓覺好過=.="
結果一訓就訓到十點鐘,
起身之後睇高智能方程式,
睇完食個麪之後上陣網睇下新聞咁啦,
12點睇gundum接住食lunch,
一點出門口搭巴士去九龍灣,
2006至2007年度既星期六日校連夜校正式開始=.="
一點九先黎一個上源堂,
不過未入得既時候係門口排隊,
見到係課室有2個熟悉既面孔出現左喎,
一個係彩天form 5個肥仔另一個係周益行呢.........
入到課室咦咁日居然有live...........
之前又話冇既@@
真高興上左一堂好精彩既堂,
3點落堂之後冇咩野做,
先上去德福新開間HMV打躉,
係門口見到好多人呢攪到有D唔想入去=0="
吹漲既野接住黎一行入門口,
佢個防盜機係到"BBB"=0="
大佬唔係咁玩野丫入去都有得偷野=.="........
anyway佢話唔關我事係個新system有問題未set好,
入到去好擠擁呢接近水洩不通.......
完全係寸步難行好唔容易咁係入面兜左個圈,
結果都有斬獲喎哈哈,
就係買番劉亦飛第一隻日文碟先,
因為之前出果時我未知有冇買到........
不過好快又要出錢買佢第2隻呢=0="
因為好似係19號出啦我的錢噢..........
買完出門口望下隻錶咦已經4點鐘@@
估唔到係一個細得黎咁擠迫既地方兜一圈係咁time consuming@@
冇咩做啦番左去center到,
坐係到做番啱啱堂源堂比既homework,
做完5點鐘有多,
落番去淘大走個圈精神下先,
5點半番上去上貴sir堂,
今日超左時落之後都已經7點搭3多D.........
出左center又遇見大袋@@
做咩2個weeks都見到佢嫁......
之後去左日月星食飯,
食飽左已經8點2行番過去modern找卡sir,
上到去又一O咀事原來搬左center@@
上卡sir嘛好多gags呢,
本來9點搭10落堂但係今日超超時,
攪到成10點3先落堂=0="
落堂之後冇咩野做同eric,
李耀龜同陳翱然去左間新開既糖水鋪食糖水,
間野叫咩"滿滿甜品"野食只是一般啦,
吃了個什麼"芝麻糊豆腐花",
可是有一個女侍應卻要靚得很呢!
食飽去打左一陣槍game,
10點8搭車番屋企,
番到屋企已經成11點4,
休息一會兒沖涼,
就這樣11點9了,
黎緊一年的星期六也要這樣過呢.......
不得了這星期的功課多得很,
已經12點搭7還是快快去睡,
明天才有足夠的時間和精神去完成功課=0="
| | |
|
|
|
|
2006 年 9 月 15 日 星期五 雨天  | |
|
|
今朝嘛6點鐘既時候好勉強咁先起到身啦,
可能真係琴晚太攰啦,
就算起左身對眼都好似張唔開咁=.="
睇完左超音鼠我係張sofa到訓著左@@
去到7點鐘比無線香港早晨D新聞既"嘟嘟"聲嘈醒左,
好彩姐如果唔係就大獲=0="
草草食完個早餐之後先係到執番D校服,
換好晒之後諗住著襪走人,
點知發現左櫃入面冇晒襪啦=0="
於是走去廳個窗睇下有冇D曬得七七八八既,
點知隻隻都濕到可以揸得水出咁濟=.="
開頭仲諗住如果有少少濕就由佢照著,
係食家呢個moment我無奈地發揮我緊有既physics,
就係mircowave係會吸收物質之中既水份子,
所以我將對襪放左入微波爐到丁=.="
丁左2mins之後拎出黎不單只係乾晒,
仲要暖暖的著上去好舒服~~~~
之後望下個鐘大碌啦已經搭4,
快手即刻出門口,
正常係搭3就要出門口嫁啦嘛,
不過好彩我平時都係預早左到學校XD,
再好彩既係落到巴士站啱啱比我上到車,
如果MISS左呢部就真係大獲哈哈=.="
出到觀塘之後見未有車,
而個人就仲係好眼訓於是又係破費既時候=0="
去左SEVEN ELEVEN買左罐red bull,
上到3D坐低慢慢歎呢罐15蚊既野哈哈,
呢D都唔係第一次飲啦,
不過多數都係真係支持唔住先飲,
費事成日飲飲到好似啡咁冇晒效=.="
飲完之後成個人都醒晒啦,
番到學校上課室頭2堂係UE,
都係果D野咁啦之後上第3堂中化,
呢堂就O咀啦=.=.........
果個repeat帶討論問問題,
佢講完一大堆野之後成班30人得佢自己一個知道講緊乜=.="
就連佢自己果組都唔知佢講咩@@
之後有幾位同學嘗試努力去答,
點知仲要比miss話答埋晒D費話=.="
之後咪成班唔鬼答law,
miss又話成班都唔尊重人又呢樣又果樣,
大佬丫咁我聽唔明佢問咩點答=.="
之後仲要話我地成班人唔努力去get佢條問題問咩=.="
努力答又話浪費時間講費話,
唔努力答又我地唔用腦=.="
照計機會率都唔知啦.........
一個人既表達能力有問題,
一定大過29個人同時接收能力有問題啦=.=!
上完呢堂咁無奈既中化之後就小息接住2堂pure maths,
好似都冇咩聽書係到搵字做班Tee,
lunch去左Fairwood食,
拎野食果時居然見到Cinda=.="
我同個職員話唔要咖哩汁轉個黑汁比我,
點知佢照比咖哩汁比我,
我同佢講佢居然型到就咁同我加上去=.="
不過食落個味道又真係唔錯喎,
下次都要黑汁溝哩汁先得XD
食飽番學校玩UNO,
今日冇懲罰啦玩完上不知所謂堂,
有個新既牧民助理上黎派野食,
最後2堂physics都冇咩點聽,
因為佢主要講pass paper既解釋,
我連做都冇做聽都唔會明哈哈,
成堂係到做埋D無聊野=.="
無聊得黎比我諗左個好型既班logo,
不過唔知最後會唔會用個啦哈哈,
個integration條蛇就代表"S"加埋後面個exp function就係"Seven",
之後再加埋個Beta就係"Seven B"啦~~~~
而點解要由一in到三十呢就代表我地班30個人,
而用數式logo代表我地係maths group~~~~
放學既時候IT prefect開頭諗住逃走唔去開會,
點知咁黑仔就係張sir負責=.="
係班房一落堂就比佢叫左跟落去@@
逃走計畫失敗之後唯有無奈地聽佢講左半個鐘頭費話=.="
聽完走人等緊巴士既時有個女仔走黎問我有冇十蚊散紙@@
不過見佢著住校股應該唔係警訊果D黎既,
於是就係褲袋到搵左十蚊散紙比佢搵左張十蚊張,
幫到人之餘個褲袋又輕左啦一舉兩得lol
番屋企之後睇網球王子同遊戲王,
6點幾鐘拎左部相機落去巴士站借比Eric,
之後去左買支光管,
番到家食晚飯之後主要都係hea,
8點半睇天外飛仙,
完左之後Trricky班友打黎叫我投票@@
仲叫我整個封面,
之後就開左工係到整law,
整到成十一點幾打Blog~~~~~
今日係TV見到D台灣人好團體呢,
呢個圍城行動好成功,
都唔明點解陳水扁仲唔落台,
依家每次睇新聞我都係到嗌下口號啦=0="
阿扁下台!~~~~~~~~~~~~
台灣同胞加油噢,
不要停止倒扁要爭取一個清廉的政府~~~~~~~~~~~
| | |
|
|
|
|
| 2006 年 9 月 14 日 星期四 雨天 | |
| |
|
智能身份證中心之旅  | |
今朝起身睇完超音鼠食完早餐出門口,
番到學校上班房,
頭2堂係中化做listening,
不過唔知係點好眼訓既關係,
勁冇心機聽同勁唔想做=.="
一路聽一路打呵欠.......
好唔容易捱完呢2堂之後就係UE堂,
依然係打住呵欠的過,
小息實在頂唔順啦走左落去canteen買啡飲,
番上去上computer,
呢2堂主要係到講番今日放學去灣仔入境處既事,
lunch去左Fairwood,
食完番課室玩UNO輸左比人掟粉刷,
不過我冇輸到哈哈,
lunch之後pure maths x 2,
呢2堂出奇地勁專心,
完全係聽足晒2堂law都唔知咩事=.="
最後一堂physics反而冇咩心機聽=.="
可能係因為2堂pure maths集中得濟=.="
攪到D倦意又番黎@@
堂physics打住呵欠捱著過,
終於到放學先去OK買多個啡黎飲,
完左同鳴哥出發搭MTR過灣仔,
本來諗住成班去,
點知有5個seven仔話要搭鰂魚涌果邊去,
我當然唔會陪佢地做傻仔啦=.="
於是就同唔係傻仔既鳴哥搭金鐘呢邊去,
結果4點搭2已經去到灣仔,
上到去入境處門口join左班A班,
之後係到等丫sir同班傻仔,
結果班傻仔4點23分先到,
不過連班傻仔都到但丫sir未到,
於是搵人打電話比佢,
點知打左話打錯既..........
最後丫sir成4點27分先到,
點完名搭半落去地下join番個職員,
點知個職員已經係到打緊電話諗住找sir,
之後見到我地仲問佢係咪改左電話,
丫sir好無奈咁答左可能係我打錯左個number,
死得啦連自己個電話號碼都唔記得=.="
開始往不對外開放的禁區進發,
就係呢個人民入境事務總處智能身份證中心,
上到去先聽一個好短既present,
負責present既係一個女職員,
個樣都OK靚嫁,
個名先頂引=.="
望到佢個名寫住"李小喬"@@
幾有衝動想問佢係咪有家姐叫"李大喬"哈哈,
聽完個present之後問左10mins既問題,
過左去睇部機印身份證,
呢個位因涉及到私隱,
故只有得看沒有得影相,
所以冇相放比大家睇,
只可以講部機好壯觀下~~~~
睇完呢到又問左大概10mins問題,
接住係去睇成部e道既實物,
即係放係羅湖果D,
不過唔同既係羅湖果到被列為禁區,
一律不準攝影但係呢到比呢~~~~
睇完之後就開始一連串既問題,
都冇人問既得我問=.="
不過我當然唔會咁易罷休照問,
狂問左一大堆問題之後,
番去聽madam做個總結,
再問左2條問題都真係諗唔到啦,
之後就聽佢講入職既要求同人工,
呢個正啦我夢寐以求的工作,
就係"人民入境事務處"因為實在太舒服啦~~~~~
最後出去門口影番張大合照,
相中的女士就係小喬啦=0="
不過唔知點解影左出黎又唔太靚喎.......
完左走人睇睇錶已經6點鐘啦,
本來係5點半2的不過比我問到佢over run半個鐘,
賺廿億啦Wakaka,
講起問問題最好笑一樣野就係,
4G係去之前再3強調去到唔會問野,
結果又係忍唔住要開口問~~~~
走左人之後就行過去搵HL,
唔知點解飲左2罐啡仲係好眼訓=.="
一路上堂都一路打呵欠,
口都快要裂了><
落堂番屋企邊吃飯邊睇天外飛仙,
睇完沖個涼send番D野比人,
睇遊戲天王完左番房,
上左陣網唔夠廿mins,
feel到真係好鬼攰,
已經支持唔住啦所以就去左塊書包準備訓,
點知一塊就發現左一件大事=.="
就係我仲未做功課呢=.="................
What the HELL?!
我已經快要支持唔住了,
唯有高速亂瞭比佢,
用左2.5mins做左3張UE Worksheets,
已經係接近神grade啦=.="
做完放落書包校服都唔執啦,
因為已經係攰到連企係到都訓得著=.=
一訓落床就訓著左啦~~~~~~~~~~~ | | |
|
|
|
|
| 2006 年 9 月 13 日 星期三 雨天 | |
| |
|
| 2度掛黃雨可惜不合時 | |
今朝一早起身既時候出面個天仲係黑色既,
我諗住係我早左起身點知望下個鐘又唔係喎,
出左房門就知咩事啦,
原來出面落緊勁大雨D雨聲大到不得了,
我房因為開左冷氣所以聽唔到~~~~
即時滿心歡喜心諗今次唔黑都紅啦,
點知一開電視唔好話咩紅黑雨=.="
佢離譜到連黃雨都冇.......
睇完TV食埋個早餐仲係咩都冇,
開電腦上左陣網睇下天氣圖,
7點3仲係冇迫於無奈換衫出門口=.="
出到去都唔算太大雨,
不過上車之後就一路愈落愈大,
到左觀塘落車既時候前面D人個個開遮都反晒=.="
我索性唔開lu哈哈..........
3D等左好內都冇好彩最後黎左部冷氣姐,
如果黎部熱狗就大濟=0="
上到車之後D雨仲係愈落愈大,
就到學校既時候D窗都變晒瀑布=.="
一落車冇開遮飛奔番去,
務求將身既濕度減至最低,
不過最後都係好濕下......
番到課室個個都濕到成身係到滴水=.="
之後好多人隻鞋同襪都濕晒,
D人除晒就咁赤腳,
又有人除埋件裇衫之後著件街褸,
將D衫掛晒係窗到吹乾,
攪到間課室變左屋企咁哈哈~~~~
頭2堂上UE唔記得做過D咩啦,
第3堂中化好似過得好快,
小息同學們紛紛用手機check天氣,
發現左已經掛左紅雨,
大家都熱切期待放學既宣佈,
唔知點解今年好似好多次紅雨@@
點知過左小息都冇@@
唯有上多2堂睇下點啦,
之後2堂physics比D天氣攪到勁冇心機上,
半班人係lab到行黎行去冇聽書,
好唔容易等到12點2,
宣佈黎啦"本校下午將會停課"lol
執野走人去fairwood食lunch,
食緊lunch既時候發現左天文台係12點16分改掛黃雨,
我地係12點15分放學哈哈哈,
真係好彩到冇得再好彩,
差果幾十秒就要番多一個晏晝,
更何況今日晏晝唔係少野,
足足3堂數.......
所以唔洗上超開心哈哈,
搭巴士番屋企,
去到觀塘既時間上左去裕民中心買碟,
今日買左隻國語碟only日文果隻未有貨,
之後順手去探望一下故人,
番到屋企都成點十,
個人好鬼攰換左件衫就攤左係張床到,
就咁攤一攤訓著左,
訓到4點3先起身哈哈,
真爽呢唔番學既時間用黎訓覺~~~~
起身之後睇網球王子接住遊戲王再落麪包王,
睇完6點鐘做功課,
本來諗住今晚做pure maths,
點知晏晝一訓之後就唔想做啦,
算啦都係留番星期六日先做啦哈哈,
食飽飯又落去超市入貨,
買左一百七十幾蚊=.="
番到家睇飛仙沖個涼,
之後執房執左成個鐘,
唔知點解晏晝訓左依家仲好攰,
都係去訓覺算數啦~~~~
PS PC WEEKLY個比賽拎左季軍呢~~~~ | | |
|
|
|
|
| 2006 年 9 月 12 日 星期二 雨天 | |
| |
|
我要食星米丫做咩唔比我食=.="  | |
琴晚計完D pure maths之後身心疲累,
一合埋眼就訓著左啦@@
今朝起身時都仲係好眼訓.......
睇完TV食完早餐出門口,
伉朝唔知係咪因為落雨攪到隧道有D塞,
出到觀塘等左成10mins先有車呢=0="
仲要黎一部非冷氣既=.="
番到去先去搵曾sir交簿,
上到課室等宣佈,
今日係首次以國語宣佈既早會,
聽到D先生既國語都唔知佢講緊咩=.="
好似D幼稚園學講國語咁=.="
宣佈完齊閱讀睇"徐霞客遊記",
之後頭2堂上不知所謂堂,
佢講左成堂廢話不知所謂=.="
之後睇明日之後........
第3堂中化堂嘛,
miss一上到黎話做咩咩都唔開,
之後有人話好鬼凍所以唔開,
miss就話今日得果廿幾度凍乜鬼,
大佬就講左句"我地D脂肪唔夠你多姐"
之後就..........
要出去交D實物製作,
鈃爺果個屈機丫佢畫左幅山水畫,
靚到開頭以為係佢買番黎.....
其實係佢自己畫的..........
之後于子龜果組整左個"指南龜"@@
隻龜又整得幾似喎.........
之後小息無無聊聊周圍行,
見到于子龜又做埋D低B野=.="
就係將枝遮排係條冷氣喉到=.="
之後2堂pure maths終於聽番堂半書哈哈,
lunch同seven chan去左新發,
去完呢次之後應該會正識解散新發團=.="
以後都唔去間野啦....
間野價錢貴左 品質低左 環境差左 侍應柒左=.="
去到我同佢話要B餐佢寫左隻B字落張紙,
之後過左一陣拎個A餐黎=.="
我同佢講多次我要B餐,
佢答左"哦"之後拎走左一陣又過黎問我話係咪要A走汁=.="
我大大聲同佢話要星米都廢事同佢話要B,
佢轉個頭拎碟A餐照燒汁黎=.="
我同佢再講多一次我耍B餐星洲炒米,
佢過一陣拎左碟牛肉過黎,
之後話牛肉好食食住先啦=.="
之後就拎黎食住先啦,
點知一食凍既.......
之後佢又過黎問我要唔要湯,
我話要左一個,
佢又拎黎之後就邊飲邊等個星米,
點知過左好內我問佢我之個星米呢,
佢先答我"哦"先拎比我=.="
頂佢係接收能力有問題定成個人都有問題丫=.="
lunch之後番到學校打雀,
好內冇齊腳係到打啦,
不過今日唔係幾好手氣食極都食唔出=0="
lunch完左UE堂,
過得超快呢.......
最後2堂係computer堂,
聽左一堂書玩左一堂
放學搭MTR過去灣仔找HL,
今堂冇咩gags,
放學番屋企食飽飯沖涼睇飛仙,
9點半做功課嘛,
做完係到洗番相機張SD入面D野,
同埋Charge番2舊電,
準備好係星期四去入境處到用,
KO左之後就上下網接收新資訊,
發展左劉亦菲出左第一隻個人國語大碟,
試聽左成隻disk10隻歌10隻好聽!!!!
所以決定聽日或者後日買左佢先,
之後仲有佢就黎出一隻個人日文大碟同一隻個人韓文大碟=.="
死得啦一次過出咁多.....
如果隻隻好聽我咪要破產=.="
不過佢又係屈機左D既,
邊有人D語言天份高得咁交關=.="
anyway隻國語同隻日文都應該會買嫁啦,
隻韓文就真係要等佢出左聽聽先得@@
不過隻國語同隻日文既封面都影得好靚就真哈哈~~~~~
呢2隻都應該會係日內買嫁啦~~~~~
今日就打到呢到執埋D野都要去訓啦~~~~~ | | |
|
|
« | 292 | 293 | 294 | 295 | 296 | 297 | 298 | 299 | 300 | 301 | ... | 398 | »
 
|
