琴晚結果成3點幾鐘先訓,
今朝set左alarm 7點起身,
結果掙扎到8點半左右先起身=.="
換完衫就已經飛出門早餐都冇食陰公=.="
9點鐘SSCM堂今日冇咩人番喎唔知咩事,
10點幾放break去左libray買D野食下,
11點幾落堂之後搭巴士去左呀榮果邊,
hea左陣啪左罐Red Bull,
因為我係佢地果邊都有存貨哈哈哈,
12點幾同佢地去左新屋到試野,
之後再去agent到再去埋攪租車=.="
就咁走左堂MR tutorial哈哈,
其實根本一早就打算今日果堂唔番=.="
攪掂晒D野都已經3點半有多直接番左去上IM tutorial=.="
就咁連午餐都冇食真係好陰公既一日=.="
IM一開始presentation超攰冇心機聽=.="
之後講case study例行公事當然我又係冇做=.="
對完之後再交最後一份individual assignment,
有個鬼妹同佢講數話最後一份不如唔洗present就咁交算,
之後全班馬上和議就咁交左之後拎番上次果份,
拎到2.74/3繼續都係全班最高分冇引=.="
走人之後去左Yummy House食唔知算係咩餐=.="
食飽去左呀榮果邊先去IGA買一買野law,
之後用Jacky部laptop係到做住IM份presentation先,
係youtube勁搵廣告搵到8點幾鐘,
走人番到屋企take個bath之後都攰hea左陣=.="
之後10點幾開波做SSCM份group assignment,
做到差唔多12點做完hea一hea MSN,
點幾鐘又再繼續一直做到依家都已經2點半鐘有多=.="
終於做完左我分配果2題題目暫時終於叫做有得抖一抖氣=.="
問題份group係有7題3個人一人分2題先,
最後一題係要等全部人都做晒再做既所以下星期仲要再做=.="
真係好鬼攰都係時候去好好訓番覺=.="
問題我睇都幾難因為Susan兩個孫黎左聽朝一定一早就嘈唉=.="
anyway聽日冇得做IM份presentation住,
因為Jacky同呀煤聽日搬屋Irene聽日番工=.="
所以最快都要星期日先做得啦=0="
maybe聽日訓醒冇野做去幫佢地搬下屋law@@

今朝唔知出面咩事嘈到拆天=.="
比佢嘈醒左但係實在太攰冇起身=.="
一直都係係到掙扎到出面靜番又訓著左,
12點半有多又醒左但係仲係好攰=.="
一直掙扎到點半鐘先起身@@
lunch因為屋企冇晒野食煮左個出前一丁,
食飽之後番房2點幾鐘開波繼續QM份individual,
一直做到6點半停左換件衫出左去Coles買餸,
因為今日星期四night shopping所以咁夜仲未閂門@@
買完之後順道買埋個chicken treat番屋企,
食飽都已經7點半有多繼續做埋份野=.="
最後做到8點半有多先做完份野print埋之後執一執D野,
9點鐘take個bath之後MSN左陣咁law
依家都已經12點半鐘有多啦,
一直本黎諗住今日可以開SSCM份group,
點知份死人QM攪到咁夜所以仲係到掙扎緊開唔開=.="
不過應該都係唔開嫁啦因為聽朝仲要番9點=.="
hea多陣去訓覺好過唉D assignment真係沒完沒了=.="

今日本黎set左alarm 8點既,
結果掙扎到9點幾先起身=.="
早餐煮番個出前一丁超正~~~~~
食飽換衫執野出門口預左遲到嫁啦=.="
點知個lecturer比我更遲=.="
成堂又係超悶係到做埋D無聊野=.="
11點幾落堂去左Coles買一買餸,
不過都係完全冇ideas買完番屋企,
lunch整左"日式煎餅"不過因為實在太眼訓冇咩胃口=0="
結果食唔晒果D拎左去餵狗@@
食飽順手醃埋D三文魚又出門口,
3點番去上lab點知個lecturer著左草=.="
收番風先知今朝D中國同學終於都頂佢唔順同佢開火=.="
走出去問assignment條友叫佢自己睇書,
詳細唔講啦之後愈戰愈激law=0="
晏晝結果又係個助手上堂之後話比我地自己做assignment=.="
問題係最後一題果課完全未教下星期就deadline=.="
即係又要自己睇書研究真係唔知講咩好=.="
成堂係到坐發呆3點落堂去左搵一搵IM lecturer,
問番問presentation果到到底要做D咩,
問完走人番歸一路上吹左個電話咁law,
到步收線之後又打左比老媽子同佢話買左機票lu,
之後超攰都無咩做野只係係到hea=.="
6點幾沖個涼煮晚餐"煎封三文魚扒配薯菜"超正~~~~~~~
食飽番房開始研究題死人QM=.="
本黎係打算今晚可以完晒佢嫁=.="
點知依家都已經3點鐘啦超攰真係頂唔順支持唔到落去=.="
唯有去訓聽朝起身再作戰過啦=0="

今日昏迷到12點幾就已經起左身@@
沖完個涼見有太陽順道洗一洗衫,
晾好晒2點幾鐘再hea一hea出門口,
出門口之前放左部laptop係門口鞋櫃頂到,
之後番入房拎D野點知成部laptop跌左落地下.......
好彩後尾都冇咩事開到機姐,
年尾睇黎都係入一入廠check check好D=0="
先同呀榮佢地番一番campus到,
因為佢地要報summer course,
攪完一輪都已經4點幾鐘出左去city,
佢地本黎諗住申請條電話線既點知攪唔到=0="
之後我就去左樂仕買機票啦wakaka,
終於又等到可以番香港既日子啦~~~~
個職員都唔知係未訓醒定係趕住收工=.="
一入去坐低同佢話買機票佢問我9月幾多號=.="
我勁無奈咁答佢都已經10月啦喎仲9月=.="
之後到我話要2月28號番黎Perth,
佢居然答我即係2月29號朝早番到黎,
我又勁無奈咁答佢唔係3月1號咩=0="
鐵定11月20號番香港太正啦~~~~
攪掂晒之後都已經5點幾鐘開心茶餐廳食"早餐"=.="
餓左幾個鐘超肚餓食飽又去左呀榮果邊做assignment,
繼續係到做下份IM既presentation,
可惜真係完全毫無頭緒10點幾決定放棄,
等搵左tutor問一問應該要講D咩再做過~~~~~~
番到屋企11點幾沖個涼之後都係到半hea@@
依家都已經點幾鐘啦其實都冇咩攪=0="
應該差唔多去訓覺嫁啦聽日仲要番早=.="

高錕獲諾貝爾物理學獎

　　前中文大學校長、七十六歲的光纖之父高錕及另外兩名美籍科學家，榮獲今年諾貝爾物理學獎，表揚他們在光纖傳導研究的成就。
　　高錕，美籍華人，生於中國上海金山區。中學就讀於香港聖若瑟書院，1957年畢業於帝國理工學院電子工程系。
　　高錕六六年發表論文，提出如何實現以玻璃纖維作為導體，令 光代替電流傳遞訊息，引進光通信的時代。光纖令信息流量更多更快，促進現代通信以 至全球互聯網的發展，因此被譽為「光纖之父」。