可能琴日晏晝訓得太多啦,
琴晚去到好夜都訓唔著@@
今朝起身番學,
落大雨=0="
攪到成身都濕鬼晒@@
番到去派成績表丫,
派完D分數不過不失啦,
唯一唔得既就係,
physics又fail=.=
成張成績表唯一既一個括弧><
不過另一樣開心既就係,
中化成功衛冕全級第一位置,
文化篇章再創新高八十二分,
Wakaka,
再一次證明左我既張無忌理論lol
放學番屋企,
冇咩野做,
好眼訓又走左去訓,
訓到成4點先起身.......
之後睇TV,
依家係到搵緊2本書做功課丫,
呢2本書分別係,
"棋王" 同埋 "中國古代文化知識趣談",
如果大家有既就留一留言,
睇下可唔可以借我用用,
咁就可以唔洗買啦哈哈~~~~
唔打咁多繼續搵書先得,
一陣間睇"神鵰"~~~~~~

琴晚睇世界盃決賽啦,
開波冇內施丹就射出個技巧高超既12碼,
先開紀錄,
諗住冇死啦施丹可以捧盃退休,
點知比人入番個,
輸唔夠高喎=0=
真係激死,
一路落去都非常精彩,
世界最高水平既賽事係唔同D,
雖然冇紀錄,
但依然好好睇,
去到下半場,
施丹傷左要求換人,
個教練又唔比=0=
之後頂左個勁靚既波,
差D入.....
比個死人保方救左=0="
去到加時,
施丹終於沉唔住氣><
走去頂人個肺=0="

攪到要紅牌出場

冇計可能真係傷得好痛,
教練又唔比走,
唯有自己搵個方法出場休息哈哈~~~
之後個教練仲正,
走去踢水樽,
個球證見施丹最後一場,
都走過去問佢得唔得,
得比佢踢埋唔趕佢走哈哈,
不過施丹鬼彩你咩,
佢根本就係唔想踢........
最後法國係冇左3個主將既情況下,
互射12碼輸左比意大利><
施丹真係好慘,
冇一個完美既結局,
之後丫叔又退休啦,
唉..........
就咁係呢個咁唔愉快既氣氛下,
結束左今年既世界盃賽事,
下屆又要等4年啦,
希望丫叔同施丹退休之後,
都可以身體健康愉快啦~~~~
之後望望個鐘都成5點幾=0="
點訓丫.....
訓唔夠2個鐘就要起身,
仲辛苦過唔訓=0="
所以索性唔訓lu,
hea到番學@@
今日係結業禮丫,
番2個鐘就放,
讀左7年中學=.=
今年係第一年,
第一年唔洗坐係台下面睇人攞獎哈哈,
因為我有獎攞=0="
不過係D九唔搭八既獎咁解姐~~~
完左典禮有獎攞既同學可以去享用茶點=0=
依家D人咁惡既=.=
冇獎拎冇得食哈哈,
啱晒啦我早餐都冇食......
凌晨3點果餐如果唔算既話,
食完咋咋淋番屋企,
第一件事訓覺,
之後唔知幾點屋企D人出晒街,
得番我一個,
有個電話入攪到我醒左要起身聽><
之後一聽點知係打錯既
大佬睇左2晚波,
訓唔夠丫
心火盛加熱氣,
你呢個鐘數玩打錯底你死=.=
我仲火鬼過施丹=0="
係咁勁話佢仲要勁大聲,
攪到佢收左線=0=.......
之後我索性成條電話線拆左佢,
再去訓過lol
一訓就訓到7點半啦,
成個人精神晒~~~~
食完飯就沖好涼,
睇期待已久既"神鵰俠侶"~~~~~
睇完一未既之曰"好"
之後就上下網,
打埋呢到都十一點啦,
好眼訓=.=..........
睇黎都差唔多可以去訓過啦哈哈,
聽日浪成績表啦,
希望唔洗repeat啦=0=
攪完GAG走人~~~~~~~~~

琴晚睇波啦,
德國對葡萄牙,
最後德國贏左啦,
總算對國家有個交代啦,
我坐係電腦前面一路食通粉一路睇,
幾寫意丫哈哈~~~~~~

不過最無引就係我房部冷氣機琴日壞左><
好鬼熱丫,
攪到我琴晚睇完波,
托左成張床褥出去廳到訓地下=0="
之後開住廳部冷氣,
都真係幾爽嫁哈哈~~~~

今朝早訓到成一點半先起身丫,
早餐同午餐變左一餐哈哈,
食完lunch之後睇左陣電視,
上左陣網,
睇左陣書=0=""
5點鐘,
睇電視,
6點半鐘有條友仔上黎整冷氣,
攪完一大輪發現部野無得救,
死亡時間6點50分certify,
要買過部=0=
睇黎呢幾日我都要係廳到訓先得啦哈哈,
今晚食飽飯,
睇TV=0="
九點半開始冇野做,
所以打鬼左個Blog先,
等緊11點世界盃party,
今晚丫叔最後一講,
希望法國贏波啦,
因為丫叔想施丹同佢一齊"榮"休,
好頭好尾,
我希望丫叔望到啦,
由細細個聽佢講波講到依家,
雖然冇咩關係,
始終有D唔捨得,
希望第日久唔久客席出黎見下觀眾啦哈哈,
無線唉.......
伍生林生都走,
睇黎要好好陪訓過一班講波既主持lu~~~~~

PS  我就黎比無線激死啦,
      每十五分鐘都有一次神鵰廣告,
      好彩聽日終於有得睇啦,
      快D黎到啦,
      短短二十個鐘我都就黎等唔住啦,
      真係熱切期待金庸巨著~~~~~~~~

今朝丫,
一早起左身....
都唔明做咩事琴晚作完篇野成3點,
都仲係訓唔到=0="
可能係個冷氣壞壞地=.=
開極都唔涼既><
起身之後睇"高智能方程式",
嘩,
令人懷念的童年耶,
記得我第一次看已經不知是小二還是小三時,
今日再看實在興奮,
完左之後hea下,
上網同人chat,
同玩丫鳴哥新開個forum,
12點有呢個唔太鐘意既gundum,
不過唔鐘意總好過冇野做,
所以就走左去睇哈哈=0=
食克個lunch都成差唔多1點,
執好野,
解決D網上餘業,
就出左門口,
去九龍灣英皇聽JUPAS講座,
落到巴士站,
今日唔知做乜鬼野,
一部車都冇=0=
等左勁內先有車,
出到去發現因為道路維修,
改左個車站位置,
行左我勁遠><
去到既時候,
2點9多D,
個talk 3點鐘開始,
見差唔多索性入去坐住等,
居然可以入到live間房,
好耶可以聽BT Chen live gag show~~~~
BT Chen真係好鬼正,
講野既聲線已經夠好笑,
之後仲要一路講talk一路攪gag,
如果我有讀account,
真係想上下佢堂,
可惜冇呢,
短短2個鐘聽左好多有用既野,
完左5點鬆D,
走人果時見到簡浩維同Amy,
佢2個感情真係好好,
可以維繫咁內,
Amy成年冇見都仲係咁靚哈哈,
之後同Eric過左去傢私鋪打槍game,
打左唔夠半個鐘爆機走人,
番到屋企都成6點半,
上網check番D information,
計埋2條數,
食完飯之後勁無聊,
依家亞視又將野豬轉左去11:50先播,
冇野睇=.=
迫於無奈唯有睇港男=0="
睇完左就係打Blog law,
冇計等睇野豬,
睇完野豬,
今晚仲要睇世界盃季軍戰,
在於個人黎講好想葡萄牙贏,
不過德國始終係高一線既~~~~

PS  依家無線每15mins就有一次神鵰廣告=.=
      真係想打爆部電視=.=
      實在太過吸引,
      成日狂播廣告吊住人地條引,
      快D星期一啦~~~~~~~

很久沒有揮筆了,
今天晚上不知幹麼在床上久久不能進睡,
也許是這兩天看世界盃,
弄壞了生理時鐘,
也許這幾天過於空閒,
所以又再一次胡思亂想........
早幾天高考放榜,
朋友們考得好的高興,
考得差的哀傷、哭泣、悲鳴,
看電視的新聞,
得知今年的英文科合格率又再下跌,
更是十一年來的新低........
想到自己的英文多年來也平平無奇,
分數更加不值一提,
來到此時,
發現英文的重要,
但奈何好像太遲了,
太遲了?
是否太遲了我就不知道,
但我只知道即使遲,
總好比什麼也不做,
坐以待斃,
遲起步雖然不能追到突出得成績,
始終老骨頭難免沒好記憶,
不過至少不用被人拋離得太遠,
眼見一個又一個的高考生,
成績不俗,
卻就正正因為一科英文不及格,
於是就壯烈地把大學之位拱手讓人,
面對著美好的大學之門亦唯有望門輕歎,
歎一句何必當初不努力,
歎一句早知後果必用功,
就這樣如此,
多年來的努力皆付諸流水,
十八年的光陰,
寒窗苦讀,
終淪入落第之列,
嗚呼!
何其性之忍耶.....
十八年不是一段短短的時間,
人生五分之一不亦乎,
難道十八年後又一條好漢嗎?
如今已經二十一世紀,
沒有這支歌唱了.....
不要說十八,
八年後人都不再有著良好腦力,
力不從心,
有心無力如何奮鬥,
難得吾今遇見好老師,
當應把握機會,
開托命運之門,
應把不明白的好好問清,
可是英文解決,
數學未成,
昨夜得知一消息,
哀傷忽然剎那間充斥在心頭,
未幾久久不能平伏,
想到受難之日離我不遠矣,
何策可予我施?
心頭感觸萬分,
慨嘆歲月欺人,
壓力弄人......
不知不覺間,
又再一次詩興所至,

春風化雨不易成,
桃李滿門談何易,
滿腔熱誠終心淡,
眼見學子痛滿心,
奈何不想輕放棄,
可惜行為令痛心,
無奈希望終盡失,
待到何年安慰心?

唉........

吾今願君可留下,
同步走過最終路,
他朝願以高中報,
共勉過去同心悅,
最終得以老懷安,
安心放下繁囂事,
回家安享晚年時,
天倫共聚陶潛夢,
想起學生心滿足!

世事不如意總是十常八九,
難得多年學業不如意,
上天給予好老師,
最終功業未能成,
卻要拜別,
心中無言.........
唯有瀟灑揮去悲痛心,
努力面對餘下崎嶇路,
望得他朝金榜提名報.......
中國人說得好,
天下無不散之廷席,
可是實在令人哀痛,
雖不捨君離去,
但得尊重君決定,
有緣千里能相會,
但願他朝於道上相遇時,
可以見君生活愉快,
吾亦是乎,
最後祝君身體安康!

                                                  帶著哀傷的心情
                                                                        殘影隨筆
                                                                                 2006年7月8日