琴日同前日放左2日假期,
今日終於要番學啦,
一出起身出面個天已經灰灰地,
出門口既時候開始落雨毛,
番到學校早會完左之後要check校服喎=0=
由佢啦反正我都唔會犯規,
本來搭八上第一堂攪到成搭十一先有得上,
頭2堂係physics堂啦,
專心到不得了,
上堂上到一半我問左個問題有關virtual object,
張sir就即刻好驚訝=0=
話咁多年黎只有佢問學生呢個問題,
我係第一個學校調轉問佢=.=
又話呢個係高層次既問題喎@@
之後成班又嘩晒咀咁=.=
第3堂倫理堂,
原本成班諗住整鬼個丫sir,
熄晒燈之後哩晒係角位到,
等佢諗住冇人係到,
點知燈都未熄完佢到左......
唉成堂悶到喊丫=.=
又係到講埋佢果D咁既死人歪理=.=
小息出左去走廊到兜個圈,
成個天黑到丫媽都唔應得,
但係得個黑字又冇雨喎,
心諗一陣就大雨啦,
咁黑都冇雨落肯定儲埋好多一次過倒,
之後番入課室D同學又唔知係邊到收風番黎,
知道左已經掛左黃雨,
小息之後係2堂applied maths堂,
第一堂applied maths翟sir上黎睇堂,
曾sir表現得好唔尋常=0=
同平時完全係2馬子既事,
佢係咁問同學問題,
突然之間走黎問我=.=
大佬我連堂都未準備好@@=.=
好彩隔離個同學捉左我少少,
之後果D都記起係問咩野=.=
成堂既學習氣氛好濃厚,
第一堂完左翟sir走果時,
拍一拍曾sir肩頭同佢話唔洗咁緊張=0=
哈哈我坐係前面聽得勁洗清,
成班笑左一陣,
第2堂上堂既時候,
外面既天色已經黑到咩咁,
剎那間爆發啦,
D雨好似倒水咁倒,
仲要加埋行雷同閃電,
我地班同學同出面D雨好似同步咁=.=
忍左成堂冇出聲,
翟sir走左就爆發啦,
隨住落雨既同時,
我地班又變番平時上堂既氣氛啦,
突然一個閃電,
成間學校停電,
曾sir好似當冇回事,
繼續教書一於賴理,
不過佢見班人太嘈,
所以停左之後bear住D燈,
D電即刻番黎=.=
完全就係超乎人既能力@@
其實可能係巧合姐哈哈.......
去到lunch之前差唔多15分鐘,
個個都開始執書包,
同埋勁多人舉手去洗手間,
好似預左會宣佈因為紅色暴雨警告,
所以晏晝停課咁@@
12點15分鐘聲一響,
接住既就係一個宣佈,
亦到係我地預期中既一個,
成班同學興高采烈地歡呼,
執埋D無用既野放晒落locker,
走人不過因為好鬼死肚餓,
所以同D fd食埋飯先番屋企,
唉停課好似係一件幾好既事,
問題係佢停得唔合時=.=
前2日假期番得果幾個鐘又放2日,
點解唔早D紅色放埋今日呢=.=
去到大家樂居然見到PC陳=.=
條友仔唔知係咪得閒得濟,
就算保一停課都唔洗走落黎彩虹食咁誇張嫁=.=
食完lunch番屋企,
番到屋企差唔多一點半,
出面都已經冇咩雨lu,
見早放又唔想做功課,
所以走左去format部電腦,
攪左勁內=0=
差唔多5點先install完晒d software,
正當諗住上網windows update既時候,
點知又突然間connect唔到=.=
見差唔多時間出去搵卡sir,
都係放棄先番黎先攪,
完左番屋企食晚飯,
之後都成九點鐘,
繼續攪埋佢先,
一路睇TV一路攪,
攪到依家成十二點多D,
都仲要差少少,
希望十二點半前攪得掂啦,
聽日希望可以做晒D applied maths功課=.= | | |
