男易肥 女易抑鬱 成人愛打機

　　新力新版PS3將推出，但大家玩遊戲機仍應警剔是否過量。美國最新研究指出，喜歡打機的成年人較易肥胖，甚至可能患有抑鬱症。
　　該研究由美國疾控中心、埃默里大學及聖安德魯斯大學合作進行，主要研究成年人打機與健康風險的關係。研究人員在美國互聯網使用率最高的地區——華盛頓州的西雅圖-塔科馬，選了562名年齡由19至90歲的成年人作研究，當中有打機的佔45.1％。
　　研究發現，女機迷較不玩遊戲機的女性相比，更易患上抑鬱症，且健康狀况亦較差；至於男機迷的體重指標（ BMI）則較高。
女性作「自我治療」
　　疾控中心的醫生韋弗斯（James Weaver）亦指出，男女機迷的外向度也較低，傾向依賴互聯網作社交支援，而不是家人和朋友。該研究指出，女性會透過打機作為一種「自我治療」，令她們除去煩憂；至於男性則視打機為一種交際方式。

唔好話成人啦咩年齡都係=.="
想當年我瘋狂煲機果時咪係咁肥law=.="
個人仲要幾抑鬱下自閉咁樣=.="
好彩依家唔煲機姐@@

今朝掙扎左一輪8點半有多先起身,
整左個即食撈麪食飽出門口,
又係最無聊既Quantitative Modelling,
今堂終於唔測驗啦成堂係到睇佢做Excel,
超悶11點幾落左堂番屋企,
lunch煮正野啦"韭菜花炒雞肝鴨腎",
Bravo食飽之後又出門口去左library搵D野,
之後就去左lab到上住網等上堂,
今日lab終於教番D叫做有用D既野=.="
不過又係好快做完係到悶,
3點落堂去左Coles買一買野番歸,
到步hea一hea 4點"阿信的故事",
睇完一輪之後又hea下take個bath,
7點左右叮番晏晝個飯黎食真係超正,
食飽番房MSN一輪又係"阿信的故事",
依家都已經12點有多啦,
好多日都冇好好訓過黎緊都就黎冇咩機會嫁啦=.="
所以趁今晚hea開hea早D去訓訓番覺好既~~~~~

今日訓到11點幾突然出面有人拍門唔知咩事=.="
起身打算行出去裝下點知又開車走左@@
冇內之後又聽到門口有聲行去裝下發現有兩部車........
開始有D淆諗緊會唔會係黎爆格既..........
於是拎住個手提電話係咁係窗簾罅到裝,
冇入兩部車都開走左真係唔知攪咩=.="
煮lunch食"粉絲蒸扇貝"真係唔係講"小",
隻扇貝個殼大過我塊面粒肉大過得拳頭=.="
不過口講無憑所以我影左張相比大家睇下有幾大=.="

見唔見?!見唔見?!個殼直徑成21cm有多...........
粒肉直徑都成8cm有多真誇張=.="
因為太大粒結果要蒸成15分鐘=.="
anyway個味道係超正超好食既~~~~~~
食飽之後就係到處理D雞鴨內臟,
將D鴨腎切絲再醃左佢之後再切埋D雞肝,
足足攪左成粒幾鐘真係超麻煩=.="
番房hea左咁law睇左幾集"阿信的故事",
3點有多開工先黎就係做聽日QM既功課,
做完好攰hea左陣走去沖個涼@@
番房繼續做野睇左SSCM individuals既題目,
之後再睇埋IM group既題目再整埋個outline,
整完都已經5點半有多超攰hea左陣,
睇左幾集"阿信的故事"6點半左右去左煮晚飯,
"香煎龍脷柳"又係超正食飽先7點多D,
又係睇"阿信的故事"law睇左陣老媽子又話電腦有問題=.="
解決之後繼續睇8點半左右繼續工作,
SSCM individual assignment一直做到11點幾終於做完第一份,
本黎打算今日做兩份嫁不過見咁夜所以由佢=.="
anyway依家都就黎12點lu hea陣睇幾集"阿信的故事"都去訓,
聽朝仲要番早又係超無聊既QM=.="

琴晚做完左份assignment本黎都想去訓嫁啦,
不過因為啪左Red Bull D效力未散=.="
掙扎左一輪都係起番身睇左幾集"阿信的故事",
5點幾鐘先訓之後9點alarm響又掙扎=.="
最後9點半有多先起身早餐煮即食烏冬,
食飽換件衫執好野又要出門口去上lecture=.="
經過shopping mall順道買張電話recharge先,
11點MR lecture又係超悶冇聽書係到吹水=.="
落堂之後去左"為食軒"到食lunch law,
頂佢老細係馬拉人唔係香港人就係差D=.="
叫左杯凍檸啡結果拎左杯野黎錯晒既=.="
沖凍檸啡應該要用齋啡加少少糖就算嫁啦嘛,
係唔應該加奶有讀過chem既人都知咩事=.="
檸檬同奶加埋一齊會有化學作用出沉殿物,
飲左正路係會攪到人痾嫁嘛,
結果佢拎本野黎只係係一杯正常既茶餐廳咖啡到加幾片檸=.="
anyway我其實都一直好想試下凍檸奶係咪真係會肚痛=.="
而且都好想知會係咩野味道問題又冇想由刻意搵自己黎攪=.="
今次難得佢錯有錯著就一於試下law,
其實又冇咩特別飲完都冇事證明科學呢D野唔一定啱,
所以我唔再讀理科係明智既抉擇哈哈,
食飽之後出左去Northbridge入貨哈哈,
買完野番到屋企放低都已經4點有多結果又走左堂=.="
叫呀榮車我去一去Carousel Woolworth到,
目的係為左做SSCM份individual assignment=.="
兜完一轉去左呀榮到抄野之後6點幾車我番黎,
到步之後已經超攰撥個輪搵老媽子問一問D野,
點知佢咁啱正打算搵我因為香港部desktop又有問題=.="
唉真係好煩我個人又唔係部機前面成日都唔知咩事=.="
反正部機都用左7年有多睇黎年尾番去都係時候換過部,
加上年尾又剛好出Windows Seven索性買部廠機算,
一黎又有佢D原裝software二黎下年我唔係到有咩事有保癢,
解決左老媽子個問題之後check一check email,
都已經7點半超攰完全唔想整野食加上其實都冇咩胃口=.="
最後都只係熝左個出前一丁就算食飽番房,
睇完最新一集既"美女廚房"之後9點幾鐘沖涼,
之後再睇最新一集既"絕代商驕"真係超正~~~~~
睇完之後馬不停蹄即刻開"烈火雄心3",
一口氣煲晒最後3集終於又完一套野lu,
不過平心而論個結局真係好一般唔係話特別好睇,
做得最差既地方就係在於點解無線永遠死都係要整個大團圓結局出黎=.="
點解永遠都唔可以做得真實D永遠都係英雄主義唔會死=.="
係王喜拖番上黎話冇心跳果一刻我真係expect TVB可以有突破,
我真係想睇佢真係浸死之後葬浩園連升幾級襟國旗果隻結局嫁嘛=.=
點解佢一定要係唔死姐真係好失望law,
結局呢樣野TVB始終都仲係未突破到商業成份,
始終都仍然係為左迎合大部份觀眾既要求去做出黎,
在於一個讀marketing既人我好理解佢既行為亦覺得佢咁做完全冇問題,
問題在於一個懂得真正去欣賞電視劇真正懂得亦喜歡去欣賞藝術既我黎講,
佢既結局係真係好令人失望完全冇左果種surprise既元素,
完全表現唔到個編劇係一個編劇因為佢比唔到作家藝術家應有既風格,
佢只係表現到一個作為商家每樣每事都只係為左profit既風格,
anyway依家都已經2點鐘啦其實已經超攰只係想再捱多捱,
等聽日可以好好昏一昏迷因為琴晚啪左Red Bull想今晚訓番琴晚果筆,
聽日起身應該都係繼續做assignment T.T
冇計啦今個sem我實在實在係太多assignments啦=.="
再唔做我驚我真係會死唉.........................

今日又係訓到點幾起身,
lunch叮番琴晚個飯黎食,
食飽番房hea下煲左幾集"阿信的故事",
差唔多3點正準備開工既時候,
發現落左成日雨突然出太陽@@
之後望下個天見冇咩雲所以決定洗衫,
番房開工繼續做左好多日都未完既MR=.="
份野真係做左超多日完全唔係路=.="
做到4點半左右晾一晾衫再洗多機,
番房繼續努力打左幾隻字又聽到出面落雨=.="
真係吹漲都唔知D雲係邊到黎=.="
anyway唔理佢啦照由佢晾係出面=.="
一直努力至5點鐘再晾一晾衫,
番房再做到6點左右真係頂唔順=.="
停左hea下之後沖個涼7點幾煮晚飯,
今晚整"蒸餃子"超正食飽番房再煲煲"阿信的故事",
一直煲到10點半鐘終於完左第2篇"青春篇"啦,
完左之後就繼續份MR individual assignment=.="
唔覺唔覺做到一點有多啦都仲未做完=.="
我真係就黎死啦超攰問題又真係好想今晚做完佢=.="
因為真係已經拖左好多日唔想再晒多日時間係佢身上=.="
但係又真係好攰所以掙扎左好內=.="
最後都係決定要係今晚解決佢=.="
結果就走去啪左罐Red Bull之後精力番番晒黎繼續=.="
一直做到依家都已經3點半有多啦終於做完左份死人野=.="
太好啦不過由於啪左罐Red Bull所以依家仲龍精虎猛,
應該再煲多幾集"阿信的故事"先去迎~~~~~~~~~~