琴晚打完個Blog之後2點幾鐘,
明明都已經好眼訓嫁啦走去訓,
點知又係訓唔Q著真係激死=.="
結果3點左右又起左身=.="
之後係到度下星期五presentation D gag位,
度左幾個都夠用啦之後MSN同人chat下,
吹下吹下都天光6點幾鐘啦=.="
其實我都已經係極攰嫁啦=.="
但係訓到落床個腦都仲係好多野諗訓唔到=.="
結果去到alarm響我都仲未訓得著=.="
問題又真係好眼訓所以係到掙扎=.="
最後10點幾11點鐘起身=.="
個人已經虛到忽冷忽熱腳步浮浮=.="
執好野之後換件衫都出門口番campus=.="
出門口一直都好大個太陽好熱=.="
先去禁一禁錢之後去post office買D野,
之後真係爬番去campus咁爬=.="
番到去library已經熱到成身汗=.="
但係我都堅持唔除褸迫自己著住=0="
因為我知除左就真係會死=0="
12點幾meeting頂Helen唔黎=.="
話琴晚趕第二科assignment趕到今朝訓得果一個鐘,
我琴晚訓都冇訓過都未出聲啦=.="
係唔黎既早講我都唔洗咁早番去可以訓下啦=.="
之後就同Janey 2個meet番我地果2 parts先,
一見到佢個ERD又無名火起=.="
完全係亂黎亂做既=.="
最火係明明果part我係有信心屈佢機嫁嘛=.="
但係分左果到唔係我做依家同佢做埋我條氣又唔gur=.="
但係為左鬥拎自己D分黎較飛我又唔gur=.="
結果meet完差唔多一點我上左去level 5搵個自閉位=.="
自己自閉係到幫佢做左個ERD佢=.="
做一半又覺肚餓但係又唔想熄機走去食野番轉頭再做=.="
因此去到果到都好smooth差唔多完嫁啦,
結果做到3點半多D做完又唔肚餓=.="
anyway都係library間cafe買左D野食迫自己食左佢=.="
因為我知唔食我又係會死嫁啦=.="
食完之後都差唔多4點又到另一個meeting=.="
真係沒完沒了唉攪完一大輪5點幾先走得=.="
之後我拖住呢個沉重既步伐離開=.="
本黎都唔係好想去買野嫁啦=.="
但係屋企又真係咩都冇=.="
掙扎左好內結果都係去左中國店入一入D貨=.="
發現好彩今日有去因為花生油得番最後一枝=.="
老闆仲話黎緊呢兩三個月都冇貨番=0="
買完之後去左chicken treat買個外買番歸law=.="
到步未到6點好攰先去沖番個涼=.="
之後食個chicken treat law不過都冇咩胃口=.="
食左半個多D都已經超飽番房=.="
講左個電話依家先8點已經想死=.="
但係又唔想咁早去訓因為唔想半夜起身=.="
所以趁早上黎打左個Blog先一陣話訓就訓=.="
唉我都真係已經得番個驅殼=.="
個靈魂都已經唔知去左邊=.="
點解每個sem都總會有幾日咁既日子=.="

PS  仲係到考慮緊聽日堂CIB seminar好唔好走堂=.="
       因為聽日唔洗上MM lecture唔想因為當CIB咁早起身=.="
       真係好想好好咁昏迷番一日=.="

琴晚打完個Blog之後,
閃左去睇"家有囍事2009"睇到差唔多4點,
睇完之後冇咩野做都走去訓嫁啦,
點知呢期忙得太緊要日日睇日出=.="
攪到個生理時鐘都唔慣咁早訓=.="
輾轉反側碌到天光6點幾都未訓著=.="
結果最後唔知幾多點終於訓左=.="
今日set左alarm 2點起身,
掙扎左一陣啦起身之後食早餐即食撈麪,
食飽之後先黎熨番件裇衫law因為今晚present要用,
其實已經想熨好多日只係一直忙冇時間=.="
熨完之後去沖番個涼番房都已經4點有多,
突然收到個SMS話今日meeting,
即刻呆一呆明明記得係聽日嫁嘛,
因為今晚我要present所以同人話今日唔得,
之後即刻打去搵另一個groupmate confirm下,
好彩原來我都未忙到癡左真係人地記錯唔係我記錯=.="
之後又再打聽話約番聽日D group meetings=.="
冇錯係有"s"嫁聽日2科都group meeting呀=.="
SAD同埋CIB law真係麻煩=.="
忍耐下啦過埋呢幾日就神仙=0="
約好晒人之後都已經5點幾鐘啦上下網hea下,
差唔多6點執好晒野等Jacky開車過黎,
出門口去雪櫃拎番罐Red Bull啪先=.="
冇計因為真係好眼訓唔知點解=.="
番到去遲左少少啦好彩都未開波,
條友成日開頭係到講廢話=.="
不過唔知咩事真係好攰成堂lecture都冇心機聽=.="
係咁係到發夢同傾計=0="
落堂之後就到左tutorial堂啦,
挪威仔先present嘩呆左啦=.="
因為條友平時不嬲都係講野講得好快=0="
所以我係完全聽唔到佢講咩野=.="
聽左佢咁內只係記得一個位=.="
就係條友甩咀都甩得型過人=.="
有個位佢講完個"red"字之後load唔到後面講咩,
於是佢係咁"red red red"問題係佢超smooth,
完全係人肉捽碟機笑到傻左=.="
佢present完之後就到我地果group啦,
Jacky條友講得好慢拖長黎講=0="
之後佢唔知咩事present一半教然"嗝~~~~~~~",
成班笑到傻左tutor都笑死=0="
佢講完之後我得番4分鐘唯有極速狂飛=.="
好可惜最後都係超時冇計啦我地份野做得太完善啦,
完左人地都冇咩好suggest係得一個有用既遲下加番law,
present完之後tutor又係到教referencing=.="
9點幾落堂閃人"開心茶餐廳"食晚飯,
今晚食到一半得番我地果枱,
之後係到同老細吹下水,
佢見到著裇衫打呔又攪gag問我係咪畢業=0="
之後我話"你居然望我畢業 我畢業你又場個客啦",
佢話我都傻既畢左業會留係到嫁嘛,
我話一定唔會啦此地不而久留,
佢又話依家香港都唔係好景番去做咩,
我話今時今日緊係番祖國撈嫁啦,
佢話唔會撈得內喎之後問我讀緊咩科,
對話間發現佢以前係香港都係做物流,
之後佢依家識D fd係上海做呢行,
佢話D新人入職都有萬幾二萬銀,
佢仲話呢行有得攪愈黎愈好做,
大佬呀萬幾二萬入職仲要人仔唔係正啦,
直情係掂tim啦依家人仔大過HKD嫁~~~
之後又係到同我吹下佢以前做呢行要識D咩,
講完一輪佢話我冇揀錯科呢行依家掂,
番祖國好掂有得發圍之後話留係澳洲冇鬼用,
都話唔留係到番祖國嫁啦佢都唔知我揀咩科哈哈哈,
今鋪掂下冇揀錯科啦遲下走果時,
叫佢介紹我去佢fd果邊撈都好喎哈哈哈,
吹完一輪水之後閃人番歸今日早D到步都未11點,
hea下煲下歌睇下野law都係咁,
依家都已經2點幾鐘啦有D攰都係時候訓,
希望今晚訓得著啦唔好又睇日出=.="
聽日仲要早起身番學校meeting=.="

琴晚打完個Blog之後,
結果閃左去煲2集"補習天后",
睇完都天光6點半有多,
take個bath吹乾個頭訓覺,
訓到2點幾醒左一醒,
問題仲係好鬼攰結果係再繼續訓=0="
一覺訓到6點幾鐘先起身@@
起身之後整番個早餐黎食=0="
問題好懶唔想煮結果整左個即食麪,
食飽之後講左個電話番房上網check email,
結果收到MM個lecturer reply,
做埋最後果個sub-question,
終於完左份MM既individual assignment啦~~~~
距離我光明既日子愈黎愈近!!!!!
做完都已經10點幾鐘啦print野,
之後又吹左個電話差唔多一點再睇多集"補習天后",
剛剛睇完都就黎2點啦問題完全冇倦意=.="
睇下有D咩攪下眼訓先去訓啦唯有=0="

琴晚打完個Blog之後開工開始寫,
寫左一半左右啦都已經差唔多7點嫁啦,
其實又唔係好攰不過因為今日要早少少起身,
所以都附迫自己去左訓覺lu,
訓到2點幾起左身之後上下網繼續做份野law,
再做多一part之後都已經3點幾鐘,
見肚餓整lunch食琴晚剩左碗冷飯炒黎食,
食飽之後番房再繼續做下law,
點知做做下Jacky突然開車到門口=0="
叫左佢出門口打個電話比我先嫁啦=0="
之後好匆忙咁換衫執野走人=0="
又係去Jacky到做CB group assignment law,
一黎因為星期二要presentation,
二黎上次問完個tutor佢比左D suggestions都未改,
到步5點左右啦即刻開波做law,
先黎執好左個power point先,
之後再開始改份野一直改到9點幾鐘,
又到左煮飯食既時間啦@@
今晚整左"北菇蒸雞" "蒸水蛋" "蒜蓉白菜仔",
之後再交比我地既西廚Jacky,
煎左D牛扒同埋龍脷柳law~~~~~
食飽飯都已經11點鐘啦繼續工作,
改完份野之後又耍再改番個power point=0="
最後攪到2點幾鐘先解決晒番歸,
到步都已經3點鐘有多執一執野law,
之後開機MSN搵一搵Victor睇下佢既進度,
發現已經解決左video既問題,
於是就攪番CIB個presentation個video先,
攪完都已經4點幾鐘啦=.="
之後再繼續番今日晏晝未完已CIB final report,
攪到依家都已經就黎5點鐘啦,
其實已經好攰好想訓覺問題又想等天光沖埋個涼先訓=0="

琴晚打完個Blog之後,
走左去睇"第28屆香港電影金像獎頒獎典禮",
睇到今朝天都光埋6點幾7點先去訓@@
一覺督昏迷到差唔多4點鐘先起身,
起身之後講左個電話收線都已經5點,
食早餐law整左個炒麪王黎食,
番房MSN吹到6點幾鐘,
之後開左"CHANCE!"黎睇,
睇完第一集都已經7點半,
開始上ProQuest search下CIB final report既資料,
點知發現今個月已經爆左limit極慢=.="
唯有就係開左一堆IE由佢load,
之後走去繼續睇第二集既"CHANCE!",
睇左一半左右8點幾鐘整晚飯食,
今晚食呢個煎三文魚law,
食飽之後take個bath番房都9點幾鐘,
開始繼續搵CIB既資料law,
搵搵下都10點見佢load極都冇起色=.="
結果就係等到訓著左=0="
唔知幾多點係醒左一醒,
但係真係超攰所以完全冇理到繼續訓=.="
結果訓到2點幾先起身=0="
起身之後咪繼續做law一直搵料搵到3點半有多,
睇完一輪都覺得夠做所以唔再搵lu,
之後又走左去hea下上下網咁依家都就黎5點鐘啦=0="
但係又唔多覺眼訓anyway只係上黎打左個Blog先姐,
依家應該開波正式寫嫁啦寫到眼訓咪訓law=0="