琴晚似乎唔係訓得太好=.="
今朝Susan出門口果時都聽到佢開車=.="
我估佢出門口頂多都係7點=.="
之後再訓過下起身望下個鐘都係9點幾,
唔想咁早起身再訓過,
結果10點幾又再起身=0="
算啦放棄起身之後上網,
check一check blackboard,
因為琴日都仲未出MM既notes,
check完發現有啦即刻download黎print,
print完之後hea下law,
11點半左右叮番個麪黎食,
食飽換衫出門口番到去Curtin先12點多D,
去左library搵一搵野但係搵唔到,
之後上左408 activate番張Student ID,
因為今年張ID加左printing呢個功能,
雖然都唔會點用不過都係activate左佢先,
攪掂左都只不過係一點鐘=.="
冇野做唔知點算好=0="
之後決定走去睇下一陣個課室有冇人,
結果發現係冇人上堂既,
於是就走入去坐等上堂=.="
真係一件好悲哀既事=.="
等到2點終於上全CBS我懷疑最冷門既一科=.="
全學期只此一班人數不足30只有27=.="
環顧四周只係得5個洋鬼子=.="
其他全數華人真係無奈=.="
而且仲要冇靚女最靚果個已經係Fioire=0="
開始上堂個lecturer叫Tertia Worst@@
個名真係唔多掂好姓唔姓姓"最差"=.="
先黎講番個unit outline law,
講完左2點半多D有個break,
break正式上第一堂既lecture,
一黎佢講野好悶而且個口音聽得好辛苦下=.="
二黎成個班課都係華人冇咩生氣=.="
三黎個課室既燈校到好暗=.="
四黎已經好多人死左係到訓=.="
開頭果段時間都仲OK既,
不過去到中後段開始我都已經集中唔到=.="
成個腦都已經係到諗緊其他野冇聽佢講書=.="
好唔容易捱到落堂3點半多D,
行到出門口成個人天昏地暗暈暈地=.="
完全唔知自己做緊咩只係一直向前行=.="
行左差唔多5分鐘先開始慢慢清醒=.="
死啦第一堂早左放已經上到咁樣樣=.="
下個星期上足既話要上到5點我咪會昏迷=.="
唉呢科真係唔知講咩好一定要一次就PASS左佢=0="
去左computer lab download少少野,
之後去左Coles入D零食啦,
之後發現左下星期一係勞動節,
差D都唔記得tim公假Coles唔開@@
番到屋企都已經5點幾就6點啦,
開雪櫃計下數睇下夠唔夠糧食先=.="
睇黎聽日或者後日都去補充番一轉,
如果唔係驚捱唔到下星期二,
番到房開機hea左陣上下網咁law,
7點鐘叮番個炒飯黎食,
食飽番房講左個電話,
之後睇左3集"百變小櫻Magic Card",
差唔多11點再講左個電話,
依家都已經就黎一點啦,
係時候去訓一訓覺=.="
因為聽朝番早要番8點=.="
即係6點半已經要起身啦=0="

琴晚打完個Blog之後,
本黎打算KO埋本Q版特工佢,
點知又係睇左兩章之後攰到頂唔順=0="
今朝訓到差唔多12點先醒,
係窗簾間見到天氣暗,
開頭以為我訓到好晏tim=0="
點知原來係落緊雨@@
好落唔落揀今日黎落=.="
梳洗完之後換件衫出門口,
目的係去買餸law屋企已經係乾糧啦=.="
再唔買野食就會餓死=0="
死人天係要同我作對=.="
唔出門口就毛毛細雨,
一出門口就落到倒水咁倒=.="
去到Coles收遮果時係成灘水咁係遮到流落黎=.="
入到Coles左度右度諗整買咩,
結果都係如常買左D肉同菜law,
係肉檔位發現Coles有進步喎=.="
因為依家有pork mince買之前係冇既,
買完比錢之後再去中國店,
好重要既一件事就係大手買入即食麪=0="
買完番屋企啦又係行兩步落到好大=.="
好唔容易行到番屋企成身都濕晒=.="
入屋換完衫第一件事先去沖沖對腳=0="
因為踢拖出去攪到成對腳又濕又污糟=.="
攪掂之後一點番去廚房到煮野食,
望到出面又同我落番毛毛細雨頂佢=.="
lunch又係煎牛扒既時間啦,
今次買左隻叫"Scotch Steak"既黎試下,
配菜同上次一樣law哈哈,
整完就馬上開餐食落我覺得都係上次個"Rump Steak"正D,
下次再試下其他試多幾隻先@@
食飽之後諗緊聽日番2點到5點,
起身都應該12點有多冇時間煮嫁啦,
之後聽日5點落堂番到屋企hea陣都6點,
應該係好攰又唔會想煮嫁啦=.="
所以決定煮定聽日果兩餐之後叮啦,
問題煮得聽日果兩餐冇理由唔煮埋今晚果餐嫁嘛,
但係我一煮又要煮雙數既餐@@
因為材料同用具既限制=0="
結果就一次過再煮多4餐=.="
切左D椰菜之後再醃一醃D蝦,
洗米著左電飯煲之後再漉一漉個麵之後過冷河,
之後就開始煮先黎係炒晒D菜同成Kilo蝦=0="
分2份其中一份就用黎炒麪,
攪掂左2餐麪之後飯都熟左啦,
之後就輪到2餐炒飯呢個就再豐富D,
落埋D ham同落蛋煮完5餐都已經3點有多=0="
之後再執番晒個廚房=.="
因為煮得太多餐既關係用左好多架生=0="
結果又洗又執攪到3點半有多先完=.="
好攰去左沖番個涼先law=0="
4點鐘打比老媽子就左一輪,
成日黎終於第一次踏入自己間房=.="
上左陣網6點有多,
決定埋齋睇後最後一章既"Q版特工-千面殺機",
睇完之左7點幾叮番個晚餐黎食先,
揀左麪食飽之後睇埋個天氣,
7點半番房hea一hea睇左2集"百變小櫻Magic Card",
9點左右開左"The Q- Files"黎睇,
一氣呵成睇晒成本書佢=.="
睇到依家都已經就黎2點鐘啦=0="
好攰係時候去訓啦聽日仲要番Uni~~~~~~~~

琴晚打完個Blog之後,
本黎打算去煲埋第20期既Q版特工,
點知睇左兩章之後實在太眼訓=.="
完全頂唔順所以放棄左去訓=.="
今日訓到12點幾就起身啦=0="
屋企D餸已經煮晒聽日先去買啦=.="
因為今晚果餐打算出去食=.="
所以lunch就係出前一丁解決,
食飽番房再check下portal同notes,
之後煲下歌上下網MSN咁law,
4點幾換衫出門口去食"晚飯"=.="
冇計啦因為今日上5半到9半,
上咁多個鐘仲要上到咁夜=.="
落左堂先食一黎會好肚餓=.="
二黎咁夜番到去都攰到唔想煮野食啦,
三黎去到果個鐘數想出街食都唔得=.="
因為D鋪頭已經閂晒門=.="
所以唯有被迫係4點幾咁早就食"晚飯"=.="
本黎打算去Chilliz食下飯,
點知去到中午半休市無咩野食=.="
結果去左好內無食既"Chicken Treat"到食,
真係超正不過太早啦都食唔晒個餐@@
食飽番到Curtin 5點鐘多D啦,
去library join番Wing Jacky同Marcus,
因為佢地之前已經係學校上緊堂,
join左佢地之後坐低吹左陣水,
5點半去左Pharmacy個building上堂=0="
上Communication in Business既lecture,
一入到lecture hall呆左=.="
個hall已經係300人果D房都仲要坐爆晒,
係爆得好緊要果隻=.="
望左好內先搵到位坐law@@
仲要上堂頭十分鐘keep住有人入黎=.="
最後爆到有人要坐樓梯同坐地下癡線=.="
不過多人得黎好失望law=.="
因為唔知咩事勁多CIC人咁我上CBS做咩=.="
之後仲要上個成個鐘都唔知個lecturer想點=.="
6點半落堂Jacky漏左D notes係車到,
同去過去拎順道將部車再開近D,
因為5點半打後係任泊連staff位都泊得,
咁就無為要自己行咁遠啦~~~~~~~
之後去左Nursing個building上堂=.="
Consumer Behaviour既lecture,
咩事呀玩咩明明我係商科生=.="
做咩係咁去醫科既building上堂=.="
今次好D啦350人既hall坐左around一半only,
而且仲要得果10個華人左右,
重點係有好多靚既鬼妹超正,
呢D先係我expect既外國大學生活嫁嘛~~~~~~~
個lecturer令到我地呆啦law=.="
摩打咀講野快到仲要唔停果下先大獲=.="
講講下佢唔知咩事突然問邊個係香港黎既舉一舉手,
舉完之後先發現條友玩野=.="
佢叫人認住呢3位香港既同學=.="
之後佢開始講故仔=.="
話說佢前年係香港campus教果時,
D香港學生好暴躁assignment講唔掂數,
幾個groupmate就打交仲要飛櫈=0="
大佬呀你咁講仲邊有人同我地一group=.="
之後講講下佢又玩野問邊個係UWA既學生=.="
我都奇怪係到諗果會有隔離U既人係到=.="
點知真係有人舉手即刻O左咀=.="
之後佢又係到串佢讚係到聽緊既UWA同學,
佢地做左一個明智既抉擇,
因為UWA個lecturer廢既完全唔識教書,
用埋晒D錯既教書方法=0="
真係一次又一次咁比佢吹漲law=.="
上左個半鐘lecture都已經8點鐘啦=.="
終於去番commerce building one到上堂=.="
Consumer Behaviour既tutorial,
成班得15人只係得我同Jacky仲有另一個華人=.="
其他全部都係洋鬼子,
經頭先堂lecture既觀察,
全班最靚果個鬼妹同我同一班tutorial XD
第一堂tutorial都冇咩特別野講啦,
好hea下介紹下D大概野,
之後就係分組group assignment=.="
個tutor係power point到寫3至5個人一組,
我同Jacky睇完都未郁去搵其他人,
已經4個4個5個咁group左=.="
得番我同Jacky兩條友=.="
一定係頭先個死人lecturer講果番說話啦=.="
之後個tutor行埋黎話如果我地唔介意可以2個人一組,
我唔介意既其他人同我地一齊,
我地又唔知人地做唔做野一陣遇著D唔做野既就死啦=.="
但係諗下諗下2個人咪要做好多野,
之後揭一揭unit outline頂原來得果2000字=.="
5個人組冇野呀一人寫得果400字玩泥呀=.="
肯定人多手腳亂啦咁少字既話=.="
我同Jacky仲專登叫個tutor埋黎問=.="
佢話係真係2000字我仲忍唔住講左句"Only?!",
分完group之後講左少少書9點左右已經落堂,
第一堂tutorial早放係預料中事,
落堂之後坐Jacky車番歸law,
下星期二上堂要帶件褸先得得=.="
因為星期二上夜晚堂出左buildings好鬼凍=0="
到步之後take個bath番房hea陣,
電話響又吹左陣電話啦,
收左線上網睇下新聞咁,
去到12點多D真係好肚餓=.="
已經係頂唔順4點幾太早食晚飯啦=.="
成間屋企得番一千零一個出前一丁食埋佢啦@@
聽日起身真係要出去好好入貨先得啦=.="
食飽之後再上網睇下有冇屋發現左目標,
又打比城叫佢望望佢,
之後就黎左打Blog依家都已經一點有多啦=.="

琴晚打完左個Blog之後,
走左去睇第19期Q版特工-叛徒,
一睇就一呵氣成睇晒本野=.="
結果差唔多3點鐘先訓覺=.="
訓左幾粒鐘今朝7點幾又要起身=.="
食個即食麪換件衫又要出門口,
番去Curtin搭75過左去Vic Park睇屋law,
睇完番左去Curtin兜左去Book Shop果邊,
入左去睇一睇D價錢幾多先,
之後去左408睇一睇D班房,
因為呢個building比較複雜=.="
睇完之後就打算過去Encompass果邊,
行到一半城打電話黎話佢都想過去,
於是就行番408等埋佢,
之後一齊過左去搵左好內先搵到間野,
呢邊買書真係平過學校Book Shop,
買左Material Management 201,
同埋System Analysis and Design 251,
呢2個units既2本書因為幾2本冇應該會死=.="
至於Consumer Behaviour 201,
同埋Communication in Business 100,
呢2個units就等上埋lecture同tutorial,
睇下lecturer同tutor點講再算,
如果佢地唔強制要我都唔買,
買完就番左去Curtin兜左陣law,
本黎打算去Chilliz食lunch,
點知買完個飯發現好多人,
於是索性拎番屋企食@@
番到黎換件衫食飯law...........
依飽之後check多次2本書有冇問題,
SAD果本書真係好SAD=.="
個cover係灰色仲要係陰雲密佈既天=.="
點解我要讀最"SAD"果個unit嫁=.="
個名sad本書sad攪到人都sad=.="
MM果本係咁隨手揭下=.="
點解management既書都要計數=.="
而且仲要畫flow chat同decision diagram=.="
hea左陣law 3點幾講個電話take個bath,
4點半左右開始pre-read第一課MM,
睇左一半左右hea一hea叮個晚飯黎食,
食飯番房7點半左右繼續睇埋果半去=.="
睇完左第一課我終於明左一樣野=.="
就係點解ACC ECON BIS MKT MAN係CORE=.="
因為一本management書入面居然會有晒呢5樣野=.="
bis既flow chat同decision diagram,
econ mkt同man既theories,
仲有就係acc既blanace sheet=.="
真係what the hell都唔知係唔係人讀既一科=.="
睇完晒都已經9點幾就黎10點啦,
煲下歌MSN咁law依家都已經就黎12點啦=.="
maybe hea多陣訓啦聽晚正式開學啦=0="

今日昏迷到差唔多2點先起身,
起身之後叮番琴晚個飯食啦,
唔好成日lunch都係即食麪@@
食飽之後番房hea左陣law上下網咁,
3點半無咩野做出去醃左D雞先,
攪開攪就順手切埋D翠玉瓜,
攪好左番房4點幾無咩野做,
見一直遲遲都未搵到屋,
而且後日就已經好開學,
所以點都要執執間房佢,
開頭我諗住如果好快搵到屋既話,
就唔好晒時間執間房等搬左先執嫁嘛=0="
由頭裝過個書櫃同執過張書枱,
令佢變番我之前係到住果個settings,
攪完一大輪都已經5點幾鐘啦,
take個bath番房hea左hea,
7點幾鐘出去煮晚飯食law,
今晚係翠玉瓜炒雞柳,
食飽番房繼續煲下野,
都停左好幾日嫁啦@@
繼續"百變小櫻Magic Card"law,
睇到依家都已經就黎12點啦,
唔知有咩攪hea多陣都去訓啦,
因為聽朝仲要早起身=0="
9點半要去Vic Park到睇屋=0="
希望今次可以睇得成啦=.="