10點幾起身食完個杯麪換衫出門口,
去沙田考車牌路試law=0="
早左少少到周圍行下睇下環境,
發現左小瀝源道既整路工程又改位=0="
點幾鐘番左去學校hea,
差唔多點半試車冇咩問題,
之後2點開波考先黎係中期試,
S型泊位窄路掉頭斜坡停車開車,
冇問題做到晒啦之後出街考路試,
出門口叫我直行住先即係唔係考銀城線,
之後keep住一直行個考官都唔出聲=.="
過左多石街都冇出聲即係唔係考安睦線,
最熟果兩條線都唔係就大大地獲啦=0="
之後keep住沿沙田圍路一直行,
個死人考官一直唔出聲=.="
行到沙田路都過埋個考官都唔出聲=.="
我估都應該係考大桶橋線嫁啦@@
點知個死人考官係過左沙田路,
過埋天橋係花園城對開既位置,
距離沙角街個燈口唔夠20M,
突然打破沉默"同學你係前面轉右呀"￣▽￣|||
心諗轉佢個死人頭呀真係=.="
沙田圍路開3線我用3波行緊左線4x km/hr,
要係呢唔夠20m既距離轉2波之後再過2條線再轉右=.="
條友即係分明有心玩我有心fail我姐=.="
點解咁講因為如果我唔聽佢講轉右直去,
即係唔聽指示fail我=.="
如果我唔落2波就咁3波轉線,
佢又會話波段唔啱fail我=.="
如果我轉得2波黎又得番好少位過線,
佢又話我強行轉線fail我=.="
如果我唔過2條線而揀過一條線轉左右再過線,
佢又話我冇一早選定合適既行車線fail我=.="
如果我開口講粗口鬧佢又係fail我=.="
即係點都係fail我=.="
但係佢開到聲我冇得唔做唯有焗住做=.="
踩break轉2波之後靠右少少等機會過線,
比後面D車過晒先點知條友突然踩得break=.="
都唔知佢係咪腳抽筋玩野=.="
之後先火條友仲要話"冇事嫁繼續啦同學",
你又踩左break仲話冇事=.="
咁同殺左人講我唔想對唔住冇分別=.="
我一定記住個死人考官.\/.
咁樣玩野黎陰我一獲=.="
終於明白點解人地話香港考車咁難=.="
原因唔係考車難係D死人考官xyz.\/.

古有李白"蜀道難"：
蜀道之難難於上青天 ，
使人聽此凋朱顏 。
連峰去天不盈尺 ，
枯松倒掛倚絕壁 。
飛湍瀑流爭喧豗 ，
砯崖轉石萬壑雷 。
其險也如此 ！
嗟爾遠道之人，胡為乎來哉 ？

今有殘影"考車難"：
考車之難難於考官狗，
考生見此怒黑顏。
高人應考不及第，
廢人倒街跪地泣。
狗官邪惡害死人，
人渣轉行專陰人。
其險也如此！
嗟爾學藝之人，胡為乎來哉 ？

考完番到去學校等results,
不過唔洗等都得啦我都知fail=.="
anyway就咁fail左個路試=.="
不過都叫做pass左個中期試=0="
唯有當係不幸中之大幸啦=0="
考完之後番屋企law,
番到黎都已經差唔多5點鐘lu,
hea左陣上下網MSN咁law=.="
呀媽今晚出左去飲晚餐自己解決,
8點幾take完個bath9點,
落左去Cafe de Coral到食晚飯,
已經成年幾冇食過佢酥皮湯鐵板餐,
驚喜地物價高左咁多都冇加價,
不過拎完份野就發覺金融海嘯既威力=0="
份野都真係宿左水喎@@
以下勁多配菜又西蘭花又紅蘿蔔,
又翠玉瓜又耶菜花又成=0="
依家得番幾條豆咋陰公=0="
個湯之前係龍蝦湯依家變左蘑菇湯＠＠
好彩件扒個size都仲係咁,
食飽番屋企9點有多等睇電視,
"珠光寶氣"緊接"我的2008",
再黎多個"筋肉擂台"~~~~~~~~~
睇完之後番房talk左個電話,
之後又係係到鬥地主law=0="
依家都已經3點半有多啦=.="
不過都仲係唔眼訓law唔知咩事=0="

今日昏迷到12點幾先起身@@
食完lunch之後就出左門口,
閃左去藍田周街逛下,
結果係冇收獲咁濟=0="
唯一既收獲就係食左好內冇食既冷麪@@
番到屋企4點幾take個bath,
之後又閃左去落超市買野,
番到屋企7點直落去到11點半都係TVB@@
今晚名人飯堂有"王子涵"真係好靚~~~~~~
剛剛睇完晒都已經12點幾啦,
唔知咩事好攰差唔多去訓啦=0="
都係好事黎既因為聽日考車,
早D去訓足精神law~~~~~~~

今朝一朝11點都未到,
比電話嘈醒左><"
呀媽叫我拎野落銀行比佢喎=0="
解決之後番屋企上網,
去pizza hut個網叫外賣@@
之後hea左陣12點,
J2"天才衝衝衝"真係好正XD
睇完之後都已經食得lunch,
食飽hea一hea換件衫出門口,
先黎閃左去東港城行下,
經過YMK發現左入面個職員超熟面口=0="
不過其實係佢發現我先=0="
居然係到遇到Cinda@@
佢仲話佢係到做左好內............
我住係將軍澳經過東港城間YMK N次,
都係第一次見到佢=0="
之後行逛又有收獲再買多件長袖Tee~~~~
買完之後見東港城都已經兜完,
就行左過去新都城行下=0="
最後6點幾先番到屋企,
睇范後感完左7點食晚飯,
食飽"係咪小兒科",
完左take個bath番房自閉=0="
依家都已經11點鐘,
唔知係咪今朝早起身既關係=0="
依家已經開始覺得有D攰=0="
反正今日天氣凍早D去訓都係一件好事=0="

12點有多先起身@@
起身之後就煮lunch食,
邊食邊睇"天才衝衝衝",
J2呢個台真係唔錯哈哈,
睇完點幾鐘出門口,
去沙田上最後2堂既駕駛course,
去到先去值日導師室申請去河畔先,
因為呢條線好唔熟,
而係日頭行係一定要申請既@@
攪掂之後就搵番部車等上堂,
呀sir黎左之後再申請掉轉2堂,
因為今日一堂出街一堂係學校,
照編排我係上左學校先出街,
不過我想出左街先上學校,
一黎我考試果日係2點,
出左街時個時間應該會幾match,
因為2點開波先考泊位掉頭斜坡開車,
咁就差唔多2點半出街law,
另外因為4點打後考試完晒,
所以考泊位掉頭斜坡開車既考場可以開放,
我想試下個環境呀嘛,
結果呀sir冇問題就good啦~~~~
出街先黎河畔線雖然行完都仲係唔多熟,
不過去左好過冇去就係事實,
因為星期上考線透視果時,
發現呢條線又多左2個整路位@@
所以行番一次有個印象好過冇,
and then行安睦唔覺意超左少少速52km/hr=0="
不過考試果日就一定唔會啦=.="
係平時先放膽開45-50km/hr@@
去到考試開番40-45km/hr算,
因為開40-45就算超過50機會都唔大,
考完番學校hea左陣,
到左校內堂先黎半個鐘普通練習場,
and then半個鐘殺入考場練,
呢半粒鐘真係正啦起碼對個場有印象,
4點半正式落堂完左我既學車生涯啦,
依家落黎就只係等星期一考試~~~~~~
考完試過左去第一城馬鐵站,
目的係換野mtrclub kubi USB手指哈哈,

其實我想換件Tee嫁,
不過白色果件太細件=.="
黑色果件太大件得黎我又唔鐘意個圖案@@
所以唯有就唔換law=0="
換完唔知點解兜肚餓=0="
去左愉翠m記整左個麻辣雞腿餐,
我覺得唔係太辣咋喎,
而且個麻味又出不過都算好食,
最正係個扭扭薯條,
搭車搭到觀塘唔記得落車=0="
結果去左總站行番出黎=.="
番到屋企都已經6點幾啦,
開機hea陣研究下隻kubi USB,
發現個插位唔多good,
之後又發現入面有"眼睛不能沒眼淚MTV sp",
不過都冇睇到哈哈,
7點幾食飯and then睇電視,
take完個bath之後睇番琴晚集"我的2008",
9點又到左"天才衝衝衝"既時間,
仍然係睇一半轉番去睇珠光寶氣,
完左今晚記得睇"我的2008"啦,
but今晚個topic唔多吸引,
anyway睇完之後番房MSN=0="
依家都已經2點幾鐘啦,
今晚天氣都真係OK凍,
睇黎都係適合早D去訓=.="

琴晚結果係唔知咩事訓唔著=0="
4點幾鐘都仲醒住冇訓=.="
今朝12點幾比人強行剷醒左食lunch=.="
可惜我一向都係訓唔夠就冇胃口=0="
食左半碗飯番房自閉發呆=.="
因為真係好眼訓個人完全仲係睡眠狀態=0="
噩左陣之後係到玩QQ鬥地主=0="
唔覺唔覺又食得晚飯=.="
食飽之後睇電視8點take bath,
之後hea到9點睇J2 "天才衝衝衝"又係笑到半死=0="
食一半9點半轉番去睇"珠光寶氣",
套野真係好正個編劇個腦真係完全唔知咩構造=.="
D情節真係愈睇愈估佢唔到好多線而且好複雜.......
睇睇下真係O左咀去到5X集已經玩跳時間.........
通常果D咩"X年後"係去到尾果一兩集先有嫁嘛,
西藏外景終於出場啦好有親切感@@
因為佢影既每一個地方都有我既足跡.........
今集係大昭寺對開八角街,
睇完左之後今晚唔知癡左邊條筋=.="
以為睇完左電視番房=0="
直到11點幾先醒起唔記得左仲有"我的2008"睇=.="
唯有就聽日起身先係電腦到睇留啦=0="
hea到12點幾鐘"國家跳水隊及花樣游泳隊慈善匯演",
睇完點幾番房睇番最新一集既"香港歷史系列",
依家都已經2點幾啦仲唔眼訓=.="
希望今晚唔會好似琴晚咁啦=0="