難得今天沒有補習啊哈 所以揀左山長水遠翻學校自修室寫份吃人的Paper

由於自修室真係又大又輛又舒服 最緊要有個好環境比我專心做野 咁當然有時都會hea下

寫份literature paper唔容易啊 交埋份paper就真真正正無憂無慮咁享受sem break了

唔知點解上星期一出事之後 好快就冇事咁 可能真係冇事 因爲自己好勝所以好快就逼自己要冇事

同自己講 CPY你忙到PK邊有時間比你唔開心比你喊 收聲做好d野先 好似個時DSE咁 無論有幾多軟弱都要撐 要崩潰就考完先慢慢崩 壓抑到我

所以遇上咩好牽動情緒既事都好 永遠工作行先 專心做好手頭上既事再專心咁唔開心

面對排山倒海既工作或者課業 同自己講冇得揀 好大壓力就代表有人對你期望有人對你認真

情緒事都是垃圾 努力工作才是實在 講多都是淚 多年壓力下成長鍛煉了頗強的抗壓能力

沒有什麽是做不到的 都是心態問題 唔洗超樂觀 但要適當地理智 唔係自己害死自己 冇得怨

有人問 咁算唔算用工作麻醉自己 咁擺明啦 除非好得閑 咁咪去釋放下情緒

做人要識得生活 唔係淨係生存 咁樣會好浪費生命

覺悟永沒有太遲 年少心高氣盛 多闖多試 唔好咁快就話比呢個世界折磨得好累就話想安安靜靜過下半世就算

我就剛剛十八冇耐 再多不堪既往事 再曾經聲嘶力竭咁奔忙 再曾經咬牙切齒咁痛哭好多多個夜晚

都會繼續向前高速奔跑 因爲一直都好嚮往成功既滋味 所以要努力 努力唔到既就隨緣啦

生活素來都是溫柔的 在熟睡中錯過大雨睜開眼便是陽光彩虹 百忙中還是能感受到初春花開的美好 一切仍是充滿活力 讓你有堅持努力的原因

真正的英雄主義是處於紛亂時代 受著世界殘酷的摧殘考驗 仍能熱愛生活 奮不顧身地朝夢想的方向奔去