好唔俾面囉…上兩篇咁長既Entry都冇人留言…唔滿意-v- 今日生日… 明天放榜…承你地貴言啦=] 我要既只係一張靚既成績表…有6個A 1個5* 1個4/5 夠嫁喇-v- 多謝你地d生日快樂同放榜好運： MSN: Ada, 冼立然, 一峰, 楨楨, 肥彤, 莊, 陳緻蓓, 丘宛, 戴允謙小朋友, 星軒, 德華 SMS: 德華（早左幾粒鐘XDDD）, 映君（早左5分鐘= =）,謙（最準時XD 好茅呀）,又係德華-v-,呀花, 傻匡-v-, 吳家豐, kwan, Ada, Singhin, Huitung, 潘國棟（賤人分10個msg逐隻字打 剷哂佢先XD）, 林家寧, 植彥昕,小樂, Ada第二次- -, 呀媽= = 少過上年…唔高興-v- 今日食完山卡啦既暴肥-v-正…朱古力噴泉終於有士多啤梨=v=
咁點知佢要我著左件衫先報名= = 咁就著俾佢睇囉… 著得都幾麻煩 因為呢幾年高左會穿崩= = 著完打算行過去填form果度…點知俾人影左3個字先行倒過去… 報完名之後…d人又捉住我影相… 點知個「食蕉」話我企果度影阻住條路…結果愈行愈遠… 然後…行行下撞倒個好樣衰既垃圾膠袋無面人…= ='' 去踩佢場XD d人叫我同佢一齊影相XD 好大對比… 個個話我隻野可愛-v- 同埋話我行得好似… 果條友用垃圾膠袋 個頭又整得樣衰 仲要係咁講野= ='' 低b-v- 最後就過左一個鐘倒先入倒場… 錯過左Stephy= = 只係見倒廖碧兒=0= 好多好可愛既公仔 唔值得o徙錢= = 睇青年音樂祭…好勁@@d人跳break dance好屈-v- 買倒我想買大部分既野啦 之後睇online game 見倒新既賽車online game- - 好似mario kart 叫crazykart…download o黎玩下先… 睇跑…d野果然呃錢… 10點幾睇完…再去出口俾人影無面人…更加走唔甩-v- 玩到11點3夠鐘收工=v= 返閨… 7月31號… 當然係上IMOt…[發奮中= =] 之後就join小學同學dinner… 同呢一刻已經走左既RUBY farewell… 去左食pizza hut…一人都係70蚊o者-v- 找左7蚊拎去夾糖… 再去Rainbow食糖水… 簡單的一天… 8月1號 今次係同潘梓敏farewell… 有我 臻凌叔 白膠彰 同10幾個女仔= = Neway-v- K lunch… 唱到3點 返屋企打機… 打左12個鐘= = 8月2號 又上IMOt… 又係無聊的一天… 8月3號… 出發去深圳集訓… 出左門口去到新街市既時候發現冇帶con= = 司機停車= = 仆去大埔墟搵 平時買開果間逢星期5休息= = 搵左幾間先搵倒一間有得散買= = 很大頭蝦>< 遲到啦當然…好彩冇乜事… 之後就上大陸…有酒店住…都OK…幾新-v- 呢個camp 300蚊人仔好抵=v= 之後去食少少野…換衫…去比賽… d隊伍轉哂既- -'' 對大人…好x勁= ='' 我認為大家踢得比平時好好多喇-v- 不過都仲係輸波… 我唔係踢得太耐…不過不失啦… 主要係唔夠跑…企位應該ok啦-v- 踢完去食野…d野食都ok -v- 之後返酒店沖涼 檢討 之後自己「加操」 人肉襟綿胎…我完全冇事… MC killer…未做過killer= = Uno 阿璋輸左40下掌上壓 潘國棟36 肥熙7下…[非常好的鍛鍊XD] 8月4號… 上午一課操練= = 想踢死人= ='' 不過呢課操練我好積極嫁！ 上前助攻果陣入波XDDDDDDDDDDD(我真係射唔係斬嫁= =） 漸入佳境… 返酒店沖涼…去食.COM食飯…隔離果間野叫廣源腸粉王XD 夜晚既對手又唔同左… 整左隊全X第2既球隊…好似大我地少少… 完全輸速度… 肥熙又首名入球喇XDDDD不過都輸… 肥狗今日最勁…抽6條筋… （連續兩日都踢足90分鐘 點會唔死= =） 第3節打賭鵪鶉幾時抽筋…賭10蚊XD 我話5分鐘…明明就我贏既… 我不斷叫鵪鶉走…佢話「我唔可以輸俾佢地嫁」XD 結果佢14分幾鐘先舉手出去… 佢舉手果陣全場o係度笑XD 搞到我輸左喇\ / 第三節都好好氣氛… 都踢得好好丫… 所有人都好有進步… 返酒店沖涼…去食飯… 買生果…買左80幾蚊= = 之後去Miss Leung房briefing 好似只係冇講璋謙曾嘉榮= = 之後文威講野…Miss Leung講野…好有啟發性既-v- 不過唔知最主要既目標接收倒幾多… 晚上又加操… 8月5號 最後一日…最後一課操練 冇人有貨…死撐落去… 表現都幾好啦大家… 反正都已經唔再係為練波而練波… 返酒店沖涼食飯check out 去左劉智屋企briefing同總結… 有d人講下感受咁啦… 過左呢一個camp…所有人都進步左好多… 就算輸波其實都踢得好左好多… keep得住既話…學界一定大有作為… 劉智話依家過左咁耐大家第一次咁團結… 我唔認同…學界B grade果陣大家都好團結… 踢得好好但輸左果場波 有人喊 不過仍然係咁耐最值得高興既一刻… 但係過左學界…大家又冇左回事… 可能今次都一樣啦…輸緊波果陣會令我地好團結咁努力追… 過左今個camp之後…希望大家唔會再一次打回原形啦… 呢個camp真係可以睇得出所有人都進步好多… 雖然輸左兩場…但係所有人都更有信心… 例如陳權…好大膽咁出迎…好大膽咁指揮後防… 比起以前唔出聲…要人叫先出迎 好得太多喇… 仲有所有人都係… 可能有d隊友係勁過你…但係一樣夠膽提…夠膽出聲… 終於可以互相合作…唔係一兩個人帶住一隊波… 終於似一隊team…等左兩年… 好唔希望大家只可以咁樣夾多一年… 更唔希望兩年後既學屆…會o係對住靈風或者官中果陣…對返你地… 甚至…靈風比自己隊更多呢一班隊友… 希望大家俾心機讀書…依家要準備會考仲未遲嫁… 呢個camp學左好多…但可以睇倒仲有好多野要學… 大家一齊加油… 今日係8月6號… 我第一次唔想生日快d到… 好驚… 即使我冇計果條probability…同埋計左都唔會準= ={果次純粹無聊} 不過簡單地估計…都知道拔尖既機會唔會大過一半… 早已經有心理準備… 怕既只係令好多好多人失望… 又怕中六唔可以盡興地同大家玩… 怕下年做SU做唔o黎… 最可怕係要o係hall宣判…唔駛等自己睇成績表… 唉……… 好怕… 聽日…好想有人陪同有地方俾我通宵… 唔想訓… 請祝我好運… 求天賜我、吳楨同爛jer多一d運氣… 都祝大家好運…
係時候打下好耐都冇打過既日記…
23-7-07 同棟、鄔智、星軒、巧喬、梓華 一行六人去書展… 以後都會坐船過海…來回慳左10幾蚊= = 去到自己行hall 1行左五個鐘倒…不過梓華同星軒仲行得耐過我…收獲只有一本柯南小說同一大張想買既list 撞倒小樂佢地= =" 之後去hall 2…買左d海報…我從來未試過書展買得咁少海報… 買左d謝拉特既野>v< 之後去hall 7@@ 文儀…真係平得好吸引… 買左一疊彩色防水A4 Printer紙 幾支筆（將會同我o係A Level並肩作戰既筆=﹏=）同埋一個筆袋 呢一日洗錢洗得最多係o係hall 7-v- 24-7-07 上晝去左書展…今次醒目…買定糧食… 好早就出去…271+船 去到就先去買左想買既書…本來想買齊d金田一佢…我仲差幾本… 結果... 舊版+新版 $100/5本 我差6本齊 佢只有4本 短篇集 $100/4本 我差4本 但佢只有3本 復活版 $25/本 我差3本 佢只有1本 廢事買喇- - 動漫節再算= = 買左偵探書同物理+宇宙十萬個為甚麼= = 儲書- - 然後早走 去睇波 利物浦 0收獲 =='' 要回水…竟然唔出F.Torres同Gerrard= = 26-7-07 鵪鶉生日...竟然又踢波...唔知點講佢好= = 27-7-07 再一次睇利物浦... 今次收穫非常豐富…影左好多相相… 呵呵…我去完集訓返o黎post… 上半場係北看台…我係南看台飛 但黐鵪鶉同璋蒙混過關 入左去… 呢邊有球員通道…又坐倒第2行…真係好正… 第1場富咸vs南華…利物浦同Portsmouth d人無啦啦企出o黎睇波…正=v= 更正既係…利物浦開波後…非常近地見倒F.Torres o係我地面前行過>v< 好近>v< 很幸運利物浦上半場先攻呢邊仲禁住人黎砌 好多野睇>v< 下半場當然唔執書同kwan去返南看台…幾經辛苦先搵倒位 大概第5-6行掛… 今次見倒既係Gerrard、高治同禾路連o係我地前面熱身 仲正面見倒Gerrard>v< 正！！！！！！影相拍片=v= 利物浦攻呢邊 不斷見倒Torres同Kuyt 好野-v- 最後利物浦被逼和輸埋12碼… 影低左F Torres射失既一刻=v= 最後利物浦既人掟波衫…拎唔倒添>< 30-7-07 今次係第1次自己去動漫展…（冇記錯的話） 因為只有呢日得閒又冇人去…（我悶得滯...即興叫唔倒人-v-） 帶左無面人既衫 打算俾件衫佢睇就免費入場 （去集訓 待續）
今日終於去書展… 好多想買既野買唔倒… 同埋唔夠錢…聽日有排捧去球場=.='' 出去時有3舊幾水…回程時只剩唔夠20蚊…-v- 行hall 1行左5個鐘…其實自己一個行應該可以快少少… d野食好貴@@ 今日收穫大多係文具…海報…書就聽日先… 晚餐去茶餐廳…野食OK=] 走果陣見倒…一個外國佬飲醉左… 俾條女拉住… 佢話「燒賣好好味…我要食燒賣」勁得意XD 條女推左佢上的士之後…返轉頭… 「痴線嫁佢！」 有趣-v-
尋日朝早去祝德華生日快樂…食早餐=]…送禮物… 我想見倒德華著下粉紅色衫=v= 冇同巧喬踢波… 算啦…德華生日大哂…反正咁多人同佢踢-333- 去左我家鋤D…德華玩左十幾廿鋪都冇得結XDDDD 等佢結倒先走XDDD 成粒鐘喇XD 尋晚同璋一齊去荃灣睇安安… 應該係支持安安…（冇期望過有野睇XD） 最後…我地去到做既野…（去既目的之一？）…去接安安{放學}XDD 而今日我同璋所作出既結論係…安安變聲喇><唔可愛=.= 仲有…安安實在好高… 之後就去左許留山啦… 就食完見倒Terry=.= 排緊73X（我眼力驚人XD） 咁就即刻埋單衝過去[打尖] 車上面安安玩Terry部PSP…好勁喎-v- 之後terry講一句「係我就返屋企訓覺喇」 安安就冇去德華果度-v- 哈 返屋企打機…玩跑online…踢kickcs online 暫時仲好廢…唔好玩=] 不如玩返阿給算-v- 今日四點半起身… 冇去拎我份生日禮物…=v=
