今朝約左人踢波…
好想同巧喬巧楠踢波呀我><
我最後一次同巧喬巧楠踢波係上次o係風水…之後去左太和…
巧喬巧楠兩個都係好好既隊友…嗯嗯…=]
仲有恩主教果場…果陣我仲嬲緊你…=0=
其實唔係真係嬲既XD
再上一次就係CPU果次…
果陣…好緊張咁為你籌備最後一場friendly…=]

上年社足話我唔放水俾你搞到你冇波入…
今年社足送返俾你啦= =
我同阿謙既禮物…

想同你玩vip添= =
唉…

係喇…都唔記得左送你機之前兩個禮拜我仲嬲緊你嫁~
不過人要走…總係唔記得哂d恩怨…總係會唔捨得你…掛住你…

我唔迫你送生日禮物俾我嫁…
但如果我收倒英國返o黎既包裹我會好開心>v<
遲d你會收倒好多包裹嫁！

仲有好多野想講…
我應承過會寫信俾你嫁…一定寫>v<

尋晚…諗住搞掂個webcam就訓…
點知…一搞搞到成三點…
於是…索性唔訓…
驚起唔倒身送唔倒巧喬巧楠機…

本來叫人五點叫我起身…變左我叫人起身…
叫棟同埋本來叫我起身既謙仔…謙仔叫呀璋…
跟住又send個sms俾yuki…
點知…冇人通知呀花改左時間…冇人morning call佢= =
無奈…= =
只有我同丞軒冇訓…

本來打算去到有一個鐘見下巧喬…傾下計…
結果只有半個鐘…

呀！等人果陣…o係早我幾班既E41…見倒林家寧去緊機場…訓到成隻死豬咁

去到機場…見倒巧喬…好開心…好鬼掛住佢…
因為呀花遲左…時間無多…所以見倒巧喬好鬼感動…= =
佢一見倒我地就衝過o黎攬住我…>v<
之後一直都影相…唔知巧喬媽會唔會晒俾我地或者命人send俾我地呢…

巧喬媽請我地食薯餅……

之後班女仔就俾本自己整既野佢睇…
排斥我地班男仔…太過份…霸住我巧喬…
最搞笑Makao…「不如講本野邊個黐邊個整丫………」
跟住…「成本都係我黐嫁」= =
兜個圈讚自己…跟住班女仔推走巧喬…Makao好可憐咁話「真係成本都我整嫁~」

巧喬利用本野培養感情等自己喊…= =
最後…睇完本野冇幾耐…影多幾幅相…要走喇…真係喊左喇…
不過都預左…
逐個攬…男仔…女仔…冇乜機會同佢講要講想講既野…
佢喊呢個樣好可愛>v<
見過最可愛既巧喬…（其次就係足球機果個阿旺版巧喬…）
冇辦法影低佢呢個樣…
因為一直好似家長監護人咁搭住佢膊頭企o係佢側邊…或者掐下佢…或者攬下…都冇機會正面望住佢…
只好記住佢呢一刻啦…

我知道巧楠唔會喊…早兩日BBQ果陣佢話淚管塞左= =
可憐…喊都冇得喊…
臨走前留低好型好硬淨（其實好想喊）好靚仔既樣俾我地睇…=]

巧喬就衰…臨走都冇個靚仔樣俾我地睇下…喊到對眼紅哂><……
傻仔~~
又唔出聲…
我地仲個個俾佢最靚仔靚女既樣等佢記住…
點可以臨走都唔俾正常個靚仔樣我地睇…
o係我印象中既周巧喬…
只有上次悠然玩足球機果陣既阿旺版、o係機場攬住我既開心版、同臨走前既喊包版…
仲有平時既「Joh~n~son~」嗲版…
比較正常既樣就得佢唔開心、煩惱同以前同呀花拍拖個樣…
只有拍拖既周巧喬Man過…其餘都係阿旺咁樣~好可愛~
雖然白痴…但乜冇果種想扮唔識佢既感覺…

巧楠~徒弟仔~只有o係面前扮乖既小徒弟~
大概識左一年多一兩個月倒…一識我就認我做師父…其實都冇教過野…名o黎o者…
我記得既就係佢教我「行」冰…扶住我果陣…
蝦YE果陣…只有YE o係度先會o係我面前都唔扮乖…
仲有周巧喬式嗲版…不過係「師父~師父~師父~」
最後一個係臨走前既明星版…好型~

我一定唔會唔記得你地…
事實上我一定要將上面寫左僅餘零碎既記憶記住三年…
其餘…就係webcam見倒佢地既靚仔樣>v<
希望三年後我地仲會好似今日…同呢幾日咁好…
（我驚我會想自己飛過去英國…>v<等三年真係好鬼耐…）

遲d放相相上o黎…大部分都o係巧喬媽部機度呀其實…

走果陣自己一個坐…佢地傾緊我興趣傾既話題…
冇所謂…反正我就鍾意自己一個諗野睇風景…
坐窗口…望住機場…見倒國泰果三架…大概有一架係去London…巧喬果架…
十幾分鐘就訓左…
不過訓得唔好…因為我驚整到個頭o岩o岩起身咁既樣…所以就住…
之後半睡半醒…聽倒佢地講到我有興趣既野（兩個人）…就加把嘴…
返到屋企一直訓到夜晚8點…當然中途起過身…掛住過巧喬…打過1/4篇日記…

夜晚同家姐去KFC食…果度乜都賣哂= =
返緊屋企先醒起今日IMO Training Phase II截止報名…
掛住諗巧喬…唔記得左…
拿拿臨搵fax機…
最後去左媽媽屋企fax…
希望過左辦公時間佢都會照收…

返到屋企既時間…巧喬大概到在英國…未落機…
依家應該落左…大概就o係機場前往住所既途中…
或者o岩o岩返到…=]
我諗可能即刻訓覺啦=) 咁"支力"
早抖巧喬巧楠=]~我都要訓喇~

要留住呢刻既咁覺…（眼濕濕又唔想喊果種）
然後開turbo做哂功課…
快d有得寫信俾巧喬…
我鍾意寫信…
之後搞搞要寄俾佢既野…好多好多禮物…=]

我要叫巧喬巧楠由我8月17號日記開始睇~~~

我想聽I Believe I can fly…聽日搞搞個blog再post相先…
功課過左棟生日再開turbo…要加油…

主角又係你兩個…叻啦…
巧楠不嬲都係我首座弟子~我入室弟子第一人…
呢個唔駛講…
巧喬豬呢…係因為佢扮呀旺果陣…昫彤改佢名就piggy…
呢個時候巧喬無啦啦扮阿旺變扮狗仔= =

真係好掛住好掛住徒弟同巧喬
可愛聽話既徒弟同巧喬=]
希望過到去會適應倒啦…我諗冇問題…
希望過到去會好叻仔啦…我諗都可以…
希望過到去一直唔會忘記我地啦…一定要！
我都一定記得嫁><

丫~尋日唔記得講何建throw-in笠死自己龍own goal~我會記到form 7嫁~

今朝都幾晏起身呀~11點幾…
食早餐…12點幾去球場撞鵪鶉…冇丞軒既蹤影…
肥熙開唔倒齋…零入球XD
之後1點幾同肥熙去大家樂食野…吹吹水…
兩點幾返屋…訓左陣喇又…做下eng-class…
有d同媽媽做XD佢勁有興趣…
做左11篇最短果d…vocab...dialogue...grammar...listening
之後去大廣揀webcam同headphone…心大心細…
個幾鐘…最後買左$240…等人夾！

之後去明星請我老豆食飯…打冰爐…
好無耐…我老豆家姐唔俾我叫第三輪…
食完第二輪我仲肚餓…佢地話食唔落= =
無奈地埋單…$300…一人$150俾左…唉…我今個禮拜又洗多7舊幾水啦= =

跟住返屋企…約好就試webcam同headphone…
headphone就好簡單好順利…
至於webcam呢…煩死我！
搞到我兩點幾！放棄！
咁我係install唔倒唔知點解…
之後唔知點解無啦啦得左…唔知自己做左d咩…
之後裝左…最頂癮係uninstall唔倒= =
我諗我大概get倒點裝…
但要寫說明書俾巧喬佢先識囉…成家都唔識電腦…
原裝說明書虧既…

之後發現C:\WINDOWS有好多個webcam既野…!@#$%^&*()
唔俾巧喬住…寫好紙先寄俾佢…
加一個阿旺公仔…佢生日果陣去Langham買先~=]
呵呵…好彩今日月多收入…俾巧喬洗哂= =

俾十個凸個webcam…搞到我冇得訓…
6點要去送機喇…依家4:21…洗個頭先…

給巧喬同巧楠一個Goodbye飛吻先= =
「啜∼啜∼卜∼」

仲係呢個標題~太掛住你地喇>v<

今日大家都起唔倒身==?
尋日個個都玩到勁夜先有得訓啦梗係~
尋晚巧喬約我地9點陪佢去尖咀「才羅」野跟住同佢一齊玩~

本來佢淨係叫我同yuki同蔡河嫁（有我份>v<）
後尾話叫哂所有人~有BBQ果d既大部分…
但係只約左9點…一心打算o係魚柳包牌等既巧喬冇約地點=0=''

咁於是自己一個去啦…
冇落雨既話我要同我班踢波…
唯有早走…
咁12點半去到又一城同佢同謙仔食…
之後yuki同蔡河o黎左…
陪班路痴去左西九龍溜冰…（佢地溜冰）

之後又返九龍塘test…
一塌糊塗的說~= =
頭一個鐘中下中下咁囉…釣魚…
睇完6題題目用左1個鐘XD
俾鄭丞軒狂震先醒咋…
佢想搵巧喬就搵錯人…應該搵謙仔…
結果冇得出o黎= =

之後做啦…得返兩個鐘…做左4x半題…冇做過完整既一題…所以超低分= =''
我o徒左半粒鐘o係我睇錯題目唔識做既題目度= =
咁有好多廢好多既人都識做第3題啦…
我就諗都冇諗過既= ='''''''''''''''''''''耶！
差都冇人有…= =
平時廢過我9成既都高分過我= =
之後仲要填問卷！5點半先走！我要搵巧喬呀><

差d唔等我喇巧喬~
本來佢話趕時間唔等昫彤…
但我join左昫彤= =
點都要等我嫁！！

同時o係太子&九龍塘都撞唔倒= =
向左走向右走~
幾經辛苦o係大圍meet倒佢地…
感動！！　！ｏ！ !o!

陪佢上悠然…先發現佢都唔係真係趕時間…
走左架車都冇所謂既…
跟住仲玩到７點半…
巧喬玩個足球機屈哂我地３個機！＞＜可惡
仲扮阿旺串我地＝　＝
雖然好可愛…但好可惡∼
都係正常既巧喬好…

７點半終於分手喇…好似送機咁＝　＝
唔捨得走…
真唔捨巧喬同巧楠…

夜晚同家姐食完去左大廣睇ｗｅｂｃａｍ耳筒
我想買個靚ｗｅｂｃａｍ俾佢…之後可以ｏ係網上睇清楚佢個樣…
仲要買個耳筒同咪…我要同佢講電話！

夜晚又太支力訓左…

唉~開始感受倒巧喬同徒弟就走既失落~
每一次同佢地byebye都好唔捨得嫁~

今日訓到勁晏呀…
尋晚夜訓嘛...
咁到1點09分先正式醒哂~
冇食野~
搞下BBQ…日記…
潘國棟上左o黎打左兩鋪機~佢帶左部PS2 mini
之後4點過少少落去…一齊買野…
全世界都遲到…加上巧喬又話唔知o黎唔o黎得擾攘左勁耐…
6點幾先買完野…上到去透完爐係七點幾既事…
但勁開心~巧喬最後都o黎倒…仲帶埋巧楠~=]

其實係佢無啦啦叫我做師父所以熟既…（算係熟啦= =）
同巧楠踢波+出街總共都唔知夠唔夠10次~
不過都好唔捨得呀~我第一個徒弟~雖然唔係真係教過佢~><
其實第一次溜冰佢教我同捉住我…
佢先係我師父呀=]呵呵…
超唔捨得><
今日佢又叫返我做師父喇…做埋d平時巧喬先會做既動作…
好似小朋友捉住呀媽咁= =''
「今日巧楠話佢一定會戒粗口~我都唔知聽幾多人講過…佢都係同我講下嫁o者」

之後呢~
燒野食~我d雞全翼都仲係一貫既水準…好靚= =+

今日終於見識倒aunty~巧喬同徒弟個媽咪~
o係我地面前真係nice到爆~XD
「呢個又係邊個」<--指住我
巧楠：「呢個咪Johnson囉」
「Johnson?係咪就係呀哥成日『Johnson~你一定要o黎呀Joh~nson~』果個Johnson呀?」
=___=''

十點閂門呀會所…但搞到十一點幾先走~
個個玩足球機勁興奮…
我同棟送走左巧喬同徒弟都唔知~

我聽日唔想踢波喇~想陪巧喬~但約哂= =
食唔哂d野…YE真識幫我地o徙錢…
其實大部分人都冇心燒~個個食幾粒丸~食兩隻雞翼
我只食左兩隻全翼兩隻中翼~

之後夜晚同鵪鶉丞軒謙仔去大中…
本來話去Rainbow…因為鵪鶉遲o黎未食野…
點知佢話Rainbow貴~起身走人= ='''真衰~
之後去7仔…我飲下新既咖啡…佢地食下杯面零食果d…同飲Jolly
之後吹水吹到點幾…送鵪鶉返屋企= =
鵪鶉苦求左好耐的
丞軒屋企就o係對面馬路都唔返…最後坐我的士俾左$1.5返歸~
送埋去謙仔度…順路o者…俾左$5
太和返富雅…$18.5 o者…我自己俾左$12…差唔多啦=]

之後沖涼…巧喬又話聽日約…又冇約時間…玩咩= =
聽日唔可以走堂喇…本身走得多就唔好
聽日selection test 1…一定要去~
羅得一分得一分！o岩倒一題我都滿足喇= =''

真唔捨得巧喬同徒弟仔~><