今日我約左朋友一齊去沙田現場睇聖火，我地去左沙田鄉事會路即沙田起點睇，現

場超級多人同佢地都穿著紅色的衫。等左好耐先等到，但原來佢唔係係十字路口開始跑

，令到我地失去預算。

      之後我地就係沙田賽艇中心後d等聖火。

      現在睇d氣氛係唔同d，每當聖火經過時，四周圍觀的途人都會發出熱烈的打氣聲。

      今日我約左朋友去踩單車，但係天氣唔係太好，落微微雨。我地有7個人，由大圍

踩去大尾篤，沿途都好順利，但當我踩到沙田馬埸附近，就抄左車。超級痛呀=(   ，而

抄車地點距離目的地仲有三分一路程。之後就繼續向目的地進發。係路上，我仲食左蜜

桃冰同菠蘿冰，超好味。總括來說，我今日都玩得好開心。

      今日本來有同學約我去游水，但係我拒絕左。我都唔知點解會拒絕，可能係我唔識

游水同未準備好，但當佢地去游水時，我又好想去游，不過   下次下次  下次大概可以，

下一次我一定會去，因為唔識游水會好蝕抵。

      今日7:00就起左身，準備去返學，但係當我換完衫褲之後，就突然肚痛，搞到要去

洗手間，一邊去一邊望住隻錶。時間一秒一秒地流走，但我還在洗手間，直到7:50分，

我先去完洗手間，但係距離學校打鐘的時間只係得15分鐘(要快D la，就黎趕唔切)，跟

住就衝左落樓去搭的士，好彩樓下有一架的士，返到學校都仲有3分鐘先打鐘。

(差D駭死)

      今日下午4:00-6:00，我同我哥哥去左屋企樓下個網球場打網球(第一次用這個埸)，

起初我唔係太慣(因為好耐冇打過)，要練幾球先熟悉。不過就係練習的過程中我唔小心打

左個網球出街(Bye Bye 網球)。大約1個鐘後，我爸爸就下樓同我地打左半個鐘，好累呀

，但係又好開心，現在的球技比已往厲害左好多。打完後竟然可以找回比我打左出街的那

個網球(當然要找回，因為1個網球要$11)。