2011年,對於我係十分特別 ,係7月之前我仍然相信嫲嫲可以見得到我寶貝女兒的出生, 可惜天意跟人願往往未能一致, 嫲嫲始終等不到9月14日的來臨便離開了我們..................

14号當日我係醫院等了超過了10小時, 當我進入產房的時候 , 已經講唔出什麼說話可以安撫一下老婆痛苦的情緒, 因為連我自己都緊張得手心冒汗, 我只好做些最老土的事情, 就係緊握著她的手然後聽從助產護的指示. 經過30分鐘左右, 重6磅3的 "梓瑩" 便誕生. 個刻真係開心得不能形容, 即使我已經超過30小時沒有休息, 但疲勞就好似敵不過 "梓瑩" 的喊聲, 消失的無影無蹤.

過了2天, 我便可以體會到父母對子女時時刻刻要擔憂的心情 , 本來我們開開心心的準備接2位美女出院, 但由於醫生驗到胎水中有細菌, 可能係因為穿了胎盤太耐才生的關係 , 小公主要再留院 , 個刻我同老婆真係緊張得不知所措 , 但其實醫生都解釋得好清楚 , 而且都係常見的問題 , 但我們依然放心不下, 心情忐忑了數天才開始平服, 老婆還因為這事, 哭了數次 , 咩叫養兒100歲長憂99 , 真係深刻體會. 過了10天(其實當中打了7天的抗生素,因為醫生話要打左會安全D) , 瑩瑩便跟我們一起回家. 大家一齊睇下我可愛BB 的相LA.