今日終於開學啦，6點20起左身，睇新聞囉，跟住刷牙洗面囉，然後換3，勁眼訓，個黑眼圈勁大喎今日，跟住去左面包狼買早餐，食左個豬佬包，同埋一罐咖啡，飲完之後超精神，早左一班mtr丫今日，見到個f3(舊年f2)，一齊返囉，到左寶林，跟住同佢一齊去左欣明苑間ok，買咩jully sandy(唔知有冇打錯)，總之就有少少酒精啦，跟住返學，果時都未開門，見到阿唐，佢有架新車喎，跟住就上班房，好懷念返學既日子，跟住就愈黎愈多返，愈黎愈多人抄考功課喎，我呢d一早做哂，勁hapi，跟住就見到新班主任─李婉婷，個名同魏差唔多喎haha，佢勁犀利，一黎就整過下馬威，但係又頗風趣播，跟住又去咩早會，校長個頭又光左d，同阿昌玩幫校長配音，我地話校長諗左成個暑假，炒唔炒青蛙好呢，炒左佢就好啦，但係就梗係冇啦，跟住又選科長丫果d，俾鴻爺做左pe科長，一定有d唔開心，不過算啦，佢pe真係好勁丫媽，然後放學囉，過左坑口食飯，去南風囉，食左d飯唔似飯既飯，然後打道回府成日都睇電視，勁悶丫.....

今日好緊張丫，開學啦就快 ，向度溫書喎我，勁爆啦，科科都睇過，除左pth，我最憎，跟住夜晚勁緊張，成晚都鼻塞，12點都未訓著，真係抵死啦我，平時又唔早d訓，陰公囉，抵死.....

今日真係好悶，勁悶，爆悶，一起身，睇電視，開腦，食早餐，食左四件餐蛋治(午餐肉+雞蛋)，跟住阿媽出街，去見果d咩爛鬼營養師喎，要從一個正確的方法去減肥喎，勁白痴，咪又係咁既樣，將d錢扔落咨水海都冇咁浪費，俾我好過啦，跟住我就好似以前d人食鴉片咁，成個人訓向張梳化到睇電視，平時阿媽唔俾架haha，跟住就真係無聊到冇野做，走左入房溫書，都唔知點解，溫左勁內，成句鐘，睇英文教科書，傻左丫我，竟然咁乖喎，真係連自己都有d唔信，老豆突然之間轉死性，竟然俾部腦我打機丫，好驚，跟住又打左一d劍之冒險記既野，但係第二集都係未打完，所以唔up上黎著，相信開學前應該得架啦haha........

p.s.好期待9月1日既來臨，好想快d返學，就黎悶死啦XDD

今日都幾無聊，冇咩做，今朝11點半起身喎，勁眼訓，琴晚三點先訓丫= =""跟住就睇電視同打機囉，全日都係咁，然後就六點幾去左裸相，返到屋企，阿媽向度追台，果個死人DVD機囉，追左勁內，跟住去左沖亮囉= =""今晚又係食果d連名都唔知係咩既飯喎，跟住睇oc，幾好睇，然後又睇妙手淫心(阿媽一個fd改既)= =""跟住就睇肌肉雷台=.=勁傻丫我，然後返入房諗住訓，但係又訓唔著，睇hp囉又= =""睇睇下聽到尋秦記首主題曲，原本諗住早d訓都得唔啦，咁吸引= =""睇到一點左右就訓囉

今朝起身既時候，突然之間心靈一動，想睇下將做功課既通告，一睇就見到原來我份中文功課有一樣仲未做完，係要做三份文章既閱後感喎~但係懶得做添，跟住就吃早餐加睇電視囉，睇踢出我天地同埋家燕媽媽XDD，勁白痴，跟住就打機，打機，再打機，然後阿媽起身，佢話要同我去影學生相喎，點知佢話要幫我化妝喎，佢仲話我個黑眼圈勁大，跟住我就去toliet睇下，一睇之下真係嚇左一嚇，個黑眼圈真係大得可憐，我已經訓足八九句鐘架啦，點解會咁大架=.=跟住就去龍展中心果度影囉，幾分鐘之後又再向屋企部腦前面出現啦haha，跟住又打左一陣咁大把，阿媽返上黎，仲買左一部DVD既錄影機，買黎把春咩~~老豆又叫左一個收買佬上黎，靚仔到佢，以為見到八兩金添丫陰公 coffee猛吠佢喎haha，笑死，勁吠，然後阿媽就向度追台，追左幾句鐘，又唔俾我睇電視，咁我咪睇hp囉= ="
但係追左勁內都追唔到，give左up囉佢，然後就食飯，食果d唔知叫波仔飯定咩叮仔飯既野，個盒就好靚啦，但係入面就真係有點兒嚇親人囉，d薯仔十足d雞皮咁，嚇死人咩，食左兩個，唔好咪又係一餐姐，算啦，鬼叫依家咁既身世咩= =""原本諗住早d訓，點知俾eason套戲吸引，e個plan徹底失敗播，套野都幾好笑架haha跟住又睇左一陣一套勁舊既戲，叫咩"唔公咒"喎，笑死，都唔知講咩鬼，三點幾先訓丫......