今日好早起身，睇gundum seed,忍風戰隊仲有踢出我天地~~~好正，跟住就整頭，著3，出發入去tko，去孫峰屋企"做project"，我地次次都打機架啦，邊會做架~12點半入到tko，跟住同阿昌周圍hair，秋左軍曹果d公仔，秋左3隻，有一隻重複，俾左阿昌囉咪，真係好人丫我!!! 跟住就去吉野家食野，食食下，孫峰,大杰,銘琛都黎哂喎，同阿昌,孫峰玩左幾局moz，梗係輸啦我= =then就上左孫峰屋企，打機!!!!!!!!!三國= =羸左一兩局丫我都，跟住玩we9 ，阿昌輸比我1比0丫，算啦阿昌，我都係勁過你架啦，跟住到孫峰，輸2比0喎佢，到77分鐘，佢勁樣衰，走去識機，勁冇體育精神囉有d人，跟住又玩番三國，俾人笑，講錯名= =阿溫啦，mary啦果d上左黎，不過佢地幾悶，唔准聽英文歌~~阿昌唔俾，跟住我又跟阿昌咁講= =跟住魏果D又上左黎，向度抄功課，我雖然冇帶黎抄，但係都寫左d geog既，有人整爛左阿昌本geog作業，究竟係邊個衰人呢?? then抄抄下，孫峰話佢阿媽返黎，要散水= =跟住成渣人三秒走哂= =落到孫峰樓下，忽略左阿溫丫我，連佢走左都唔知，對唔住丫阿溫~~跟住走左去搭地鐵，打左個電話俾阿溫道歉囉 = =原諒我啦，冇下次 then返到屋企，勁無聊，冇哂人，做番geog同is果d功課，then打機，俾老豆鬧= =話我成日都打機= =

今日九點幾就起左身，睇viva!club disney丫媽，勁正，跟住就做左一陣功課，雖然係一陣，但係都做左一大大半~
跟住阿媽起身，返工!!!!好野丫，freedom黎啦，跟住就開ps2打，勁開心播，然後我就落左街買M記&幫老母買野，冇辦法啦，鬼叫佢出糧俾我咩= 返到屋企，狂食野，食到兩點幾，繼續做下d功課，3點要補習丫，補數同geog，勁正，因為 教e兩科既老師都唔知教緊d咩，so一定要補下，補到五點幾，又繼續打機，部腦唔知點解用唔到winmx，勁可憐，e+部mp3 d歌勁舊丫陰公= =then老豆六點幾返黎，話要落街食，同佢個fd，向黃大仙，佢有勁多fd喎，食完就返屋企睇hp啦，睇到決鬥社，就返房溫書，溫左中文同英文，呵呵，勁乖丫我，呵呵......
p.s今日打三國超爽，下下都殺1千人

今日唔洗留校，好早就放學，但係我就諗住等埋阿溫放學，so就去左基地度同Mc煜，大杰，鴻爺佢地捉棋，但係臨去既時候，竟然俾ms lee鬧左一餐，勁衰格，然後就一齊過去啦，去左先發覺副圍棋勁多白膠張，實係馬嘉麟果個死kid子做架啦，唔係佢仲會係邊個姐，跟住我同Mc煜勁on居，竟然走去跑細圈，勁白痴我地，我梗係輸啦，勁tired，可能著校服掛，跟住又同Mc煜捉象棋啦，以我既水準，仲諗住輸添，點知大杰教錯棋，攪到Mc煜輸左喎 勁攪野，捉完之後，發覺成手都俾蚊咬過咁，勁大粒丫!!!! 食屎大的，佢地個個都冇，得我一個有!!!! 捉到五點幾，阿溫終於放學啦，跟住我就同佢&Mary&沉穎南去左M記啦，食野，勁肚餓，唔知點解，食完之後，去左奇趣，佢地要買choir d野喎，咁我就走去睇gundum啦，strike freedom好型丫!!!勁想買，destiny又係，無限正義又係，三部都好想要 跟住就離~開~左奇趣，搭地鐵，去到坑口，完本想送埋阿溫返屋企，點知奪命追魂call(我阿媽)就打電話黎啦，問我咁夜點解都未返到屋企，勁仆街，勁想爆粗鬧佢!!! 咁就要走啦，冇送到阿溫返去，返到屋企俾人狂鬧，勁仆街!!! 跟住都係果d野，睇電視，打機.....

今日要練波，完本唔想練，但係阿溫話想睇，咁咪勁辛苦咁練一次囉，但係之前要去english room，勁悶，勁白痴，跟住就去練波啦，一開頭，冇得打，向場邊射波，今年d f1勁廢，仲衰過阿唐，大五分都打成世，我同李健榮(籃球隊隊友)悶到死左，跟住阿sir俾我地打先，因為之前冇打，成場波都打得勁衰，射得果一球三分，仲要射得勁樣衰，可能知道有人望住掛~ 跟住打左勁內，有一次俾人打快攻，阿sam走籃走失左，小白(b組隊長)搶到籃板，正當佢想射既時候，我突然之間有一個衝動想打走佢個波，跟住我出著九牛二虎之力，兜野就打落去，結果，店左!!!! 第一次封到波丫我，好勁丫，仲要封到一個大自己兩年既人，真係勁爆啦~~

今日九點幾就起左身啦，睇viva!club disney媽，睇睇下就走去開電腦啦，同阿溫chat左一陣，我阿媽竟然起身，俾佢話我，勁衰播，都放假啦，輕鬆一下都唔得，變態的，如果唔係佢有俾錢我，我早就走左啦，仲留向度咩?好啦，唔講呢D唔開心既...跟住我就收到兩個電話，一個係漫畫店打黎，話我聽hp6返左黎啦，叫我去攞，另一個就係阿溫打俾我，話佢已經到左啦，聽到佢把聲勁開心喎，然後佢又話我聽阿昌同孫峰都跟埋去喎，咁我又點可以唔去呢?跟住我就講左幾億個大話令到我阿媽俾我出街(去馬鞍山，阿溫佢地要去馬鞍山攞獎喎)我話阿昌教我打羽毛球丫，真係好醒丫我，咁跟住我就用九秒九既速度跑去地鐵站啦，好猶豫囉果陣，都唔知搭咩車好，搭馬鐵又慢，但係搭鑽可山果d巴士仲慢，我企左向地鐵站勁內，跟住就決定搭馬鐵啦，搭到去九龍塘，又用九秒九既速度去轉車，去到大圍，又要狂跑播，真係勁慘，架馬鐵勁慘囉，超慢，都唔知搭左幾內，終於到啦，一出個車站，就見到成班女仔坐向唔知d咩地方，跟住我就跑入去，見到好多人，又見到2A果個賴尿蝦喎，跟住阿昌佢地就落左黎，然後又向度打下牙交，等到3點45左右，就走啦，黃碧華同孫峰輪流向度帶路，帶左勁內，又唔理果D真係識果D(我話哂都向果度住過一兩個星期)，咁跟住就成班人都唔見哂，得番我啦，阿溫啦，黃碧華啦同埋黃珮瑜囉，都唔知發生咩事，向我英明既領導之下，幾分鐘就帶到佢地去到89D既車站啦，上到車，成渣人都坐向下層，但係阿溫同黃珮瑜都話要坐上面，咁我咪陪埋佢地，點知，黃珮瑜突然走番落去，得番我同阿溫坐向上層喎，咁我咪走左向佢隔離囉，傾下計囉......
坐左陣車，到左藍田，有人話要買朱古力喎，咁咪走左去百佳囉，點知黃碧華get錯左個意思，以為朱古力係m巾喎，勁無奈囉，兩次同阿溫去百佳都要走去呢d既地方= =，黃碧華變左朱古力掌門人丫= =跟住就咩都冇買，走番上去果個商場，見到阿昌果渣人，向度揪公仔喎，咪走埋去囉，跟住阿溫又話想揪，酩咪揪左隻俾佢囉，我自己又揪左兩隻，跟住就走人啦，搭地鐵。送到阿溫同陳麗珊去到坑口地鐵站既時候，佢地話想去買真果d朱古力，我又跟埋去，又走到去果d野到，成日都見到，好煩丫~
跟住我就搭地鐵走啦，搭搭搭，突然之間有個唔知咩人打電話俾我，話自己係我fd(仲知我個名添)，問我有冇同女朋友出黎玩，嚇到我死，以為邊個變態佬，跟住就及左佢線，佢又打黎，完來係我阿媽d fd，佢幫我剪頭髮架!!嚇到我死囉，冇啦啦問d咁既問題.....跟住又係果d野囉:食飯，睇電視，狗狗震好好笑丫!!