今日係最後一日留堂呢，都幾hapi啦，5點零鐘先走得，跟住去練波，點知個仆街阿isr唔俾我鬥波喎，陷街橙丫，仲攪到我換埋3添丫，勁仆街•••練完波，要幫阿媽送野俾人，做郵差喎，去寶林，阿溫陪埋我喎，然後一齊去左間文具店買野，然後就諗著一齊搭地鐵走啦，點知，向行去戲院果條路都好似見到ms lee咁既~~，點解會咁，咁靜既路都撞到，跟住梗係急急腳走啦•••然後我就自己一個走囉跟住•••

今日隻腳好番好多啦，起碼坐向度，同行平路都唔痛丫，但係落樓梯都仲好痛丫，又係果d，上堂，勁悶囉我想講，係speech有d睇頭，阿溫presentation得好好丫，跟住都好悶啦，今日係都要留堂架，留個半鐘，上完va，落到去，mm好搭11，留完堂，就可以同阿溫返屋企，不過果個過程就陰公囉，要寫50句「我要勇敢地，快樂地，精神奕奕地，瀟灑地站起來。」超痛苦喎，抄到手都軟= =跟住先有得做功課= =then就走啦，同阿溫一齊走，好hapi，送左去佢屋企樓下，跟住就返屋企囉= =都係果d野，食飯(杯面，今晚老豆老母都要開夜)打機etc.

今日係本大爺既13歲生日，不過咬左柴就係美中不足既一樣野，一朝早起身，隻腳痛到仆街 跟住食野，著3，搭地鐵，去到坑口，落車囉，約左阿昌同鴻爺一齊搭的士返學校，我俾哂，勁慘，不過算啦，豪d丫媽要，向學校門口見到mm，佢個頭成日都咁亂既... 跟住返到入去，見到老孫，佢俾我搭電梯播，超爽，返到去課室，都幾多人同我happy birthday，加上又跛左腳呢~~跟住去左搵ms lee，俾佢罰= =仲俾佢發現到我立左頭播，好在訓導組果d on九婆未返姐==如果唔係又食違規紙，跟住上成日堂，勁悶，由期是係pe堂，冇得跑啦梗係，今日跑大圈丫，阿唐勁快丫，超勁，跟住上中文(同ms鄭轉左，中文最後一堂上)，要默書，得52分咋，真黑仔，跟住我突然之間好急尿，好左廁所，返到黎，d人企哂向身，以為佢地俾人罰，冇咩野，點知個個都笑笑口咁，勁古怪，然後佢地仲唱生日歌添，係就係幾感動既，不過預左啦= =比起六年班既時候，王子果d仲驚喜= =班會送左一個勁假既adidas護碗，真係假到冇得再假= =返左學，要去留堂，但係ms lee俾我去半句鐘就算，勁hapi丫 跟住就去左metro city2果度d會所慶祝，係阿溫佢地幫我慶祝，勁好丫佢地，love you forever...阿溫...d歌勁舊丫，鴻爺唱歌超勁，mary都係，最勁梗係....阿溫啦，佢把聲同關心妍差唔多，不過肯定唱得俾佢好勁多啦，我唱得勁難聽喎，走哂音，勁樣衰，跟住班男仔冇啦啦全部disappear哂，阿溫同mary就送禮物俾我啦果時，mary既係一條基路亞既電話繩，阿溫既係真既adidas頭帶，係我由細到大都想要，但係阿媽話冇用，一路都話唔俾買，e+終於有啦，爆hapi，跟住阿溫仲送左一份好特別既禮物俾我，係...
然後就有好多人都黎哂，阿昌啦，魏啦果d勁多人都黎左，愈玩愈high，跟住有人話要玩遊戲喎，點知係要睇我同阿溫kiss= =勁衰喎班人，仲玩左勁多次....
跟住阿媽又打黎吹我返去，正仆街....
返到屋企，做功課啦，睇電視啦，跟住老豆幫我草草咁剪下個頭，勁樣衰，成個阿旺咁....

今日爆唔開心，因為有好多唔開心野發生，is堂做ms lee d罰抄俾人發現左，肯定係某d賤人啦，跟住練波，成場波都坐向場邊喎，勁慘，到最後幾分鐘，終於到我啦，點知，一走埋去搶籃板，就俾個a組既撞開左，仲咬柴添，超痛，慘過俾人打一身，隻腳腫哂，跟住就出左場邊療傷，咁岩俾阿溫見到播，仲走過黎睇我，雖然係感動，但係實在爆痛了，跟住練完波，ms lee話要見我，九成係罰抄單野啦，但係老孫就叫我返屋企休息，第二日先見，咁跟住就幾廿人帶我去地鐵站，阿sir啦，誠哥幫我攞pe袋，本仔哥同麒哥幫我攞書包，真係大陣仗......搭到去黃大仙(得番阿sir一個送我啦梗係)，阿sir話送埋我返屋企，但係我又點可以麻煩人呢，so我叫阿sir走囉，不過勁痛，好難頂，勁痛，好想死......

今日向好多堂上面都睇漫畫，maths啦,geog啦，eng都睇左少少= =三點幾放學，要練波，不過要去左mmlc先，勁衰，上次做果d全部冇哂紀錄喎= =，理得佢啦，走左去練波囉跟住，勁tired喎，臨尾鬥波，yeah，我勁爆丫今日!!!!入左勁多球三分，我諗我終於搵左岩我既射波姿勢啦，呵呵，入左勁多球架真係，d form1仔嘩嘩聲喎，勁白痴= =不過我都明既，我又型，又勁，冇辦法啦，佢地尊敬我都冇法架，鬼叫我咁勁咩，六點幾練完，成身汗喎!!! mary話我聽，ms lee唔俾我同阿溫一組丫project learning，勁仆街喎佢 ，攬到阿溫勁唔開心(睇佢個樣)跟住咪走人囉，去到metro2，見到成渣人向M記播，咪同阿溫兩個人走先囉，送左佢返屋企丫我，跟住就梗係返屋企啦= =又俾老豆鬧，話我遲返喎，麻鬼煩，我幾點返關你咩事，又冇阻到你，你老子丫，管著哂，扮哂蟹 跟住一路同阿溫chat，一路睇漫畫，bleach真係勁好睇丫!!! 一護好鬼型，斬月又係丫，超型丫，睇哂啦終於!!!(18期)夜一小姐好勁丫，不過佢勁黑喎d皮膚，勁樣衰= =跟住就又係果d野，沖亮果d囉......