尋晚唔知點解成晚都瞓唔著,10點零起身食完野後就帶姮姮去屯門探sandy & B囡,12點半係樓下join埋阿mei後就一齊搭車落觀塘轉巴士,阿珮& stella就係九龍灣上車,姮姮第一次搭長途車,好在都無摟計,坐完個幾鐘巴士後我地仲要再轉的士先去到sandy屋企,已經個幾月大既b囡好可愛,個樣好有褔氣,姮姮都好鍾意BB,但對幾位Auntie就唔係咁友善啦,唉...我都無晒辦法呀.我地係sandy屋企食完野坐到5點幾就搭小巴直接出旺角,呢段車程真係好慢長,搭到大家都呆滯晒,出到旺角我就先帶姮姮比老豆阿媽接返屋企,姮姮一跟阿媽上小巴就大喊啦,因佢一直都話要跟我去街,但我知阿媽好快就會攪得掂佢,之後我同mei,珮就去打邊爐,stella就返屋企湊仔仔,我地食到8點零鐘就join埋阿廬行街,可惜行左成晚大家都買唔到想買既鞋,10點幾我已經累得很所以就走先,希望今晚會有覺好瞓啦.