前排係She.com幫姮姮參加左個小小model比賽,經過我地一星期既努力投票後終於勝出左,今日就帶左姮姮去佢地既影樓影相,total影左3套衫,我睇d衫既價錢牌件件都千幾2千蚊,其中有兩件係Hysteric Glamour呢個品牌既衫褲,真係好靚呀,呢d衫即使減價我都唔會捨得買呀.今次影相都好順利,姮姐都無發脾氣好合作,所以好快就影完3套衫啦,今次影左既相遲d會放係she.com,而一個月左右佢地就會send番呢d相既CD比我,到時再post比大家睇啦.老公知道我地今日係灣仔影相,咁佢就早d放工同我地一齊返屋企,所以影完相後就同姮姮去接老公收工,順便約埋standy嫂拎隻賤兔,因姮姮好鍾意打nds果隻瘋狂賤兔game,所以我就諗住買隻賤兔公仔比佢,但原來呢隻公仔唔係好多地方都有得賣,咁岩我同事既女友見到就幫我買左,姮姮見到不知幾開心,真係唔該晒standy嫂;姮姮同老公d同事玩左陣(其實都唔可以話玩,係阿sam既同事逗姮姮玩,而姮姮就兇人)7點幾我地就一齊返屋企啦.