今日阿wing生日,放工後約左去九龍城neway唱k,由於book左8點幾,所以同carrie, 阿may係旺角行左陣先過去,當我地去到時,阿敏,阿盧同家怡已經係度等緊,差唔多有兩年無唱k既我真係無咩歌識唱,唯有唱番d舊歌啦,9點幾阿wing同大玲黎埋,玩左陣等埋阿yan就齊人啦,因我約左老公返深圳,所以食埋蛋糕後就走先.諗一諗,係地呢班中學同學裡面有好幾個結左婚既都已經做左人地媽咪啦,阿敏經常都話好快我地就可以帶埋自己d小朋友一齊去海洋公園玩,但我覺得呢一日都仲要等下,因除左阿敏兩個仔比較大d之外,阿明同我個女都仲係細,而阿珮果個女就月底先出世,如果阿敏你今年追多個女既話,咁最小要等多幾年先可以一齊去海洋公園玩呢