到底何謂負責任呢,最近得知有位好朋友有左,已經係第三胎啦,呢個本應係開心既事情卻令到佢好煩惱,因佢屋企人覺得如果第時呢個小生命出世後會帶黎更多既負擔,未必可以比到最好既生活環境佢,要養育一個小朋友係要花好多心機,時間,精神,金錢去教導佢,佢屋企人擔心既就係將來出世後既責任,而我好朋友想負既責任係BB係佢個肚裡面已經係有生命,係佢地既親生骨肉呀,竟然帶左佢黎呢個世界,又點忍心就咁落左佢呢,我相信做左媽咪既人會好明白佢既感受.要將自己肚裡既小生命落左係好痛心既事,但生佢出黎又是否對佢好呢?會唔會反而害左佢呢?到底呢個責任應該點去負呢?希望佢可以同屋企人心平氣和解決呢件事,BB一日一日咁大,點都要有個決定呀.