老公放假,我地決定帶姮姮出TST行街,6點45分我就企左係TST佢地落車個站度等,其實起初我都唔係咁想得老公一個人帶姮姮出黎,因我怕佢拎住咁多野又要抱住姮姮會攪唔掂 ,但老公又堅持話要帶,咁我就唯有比佢試下啦,佢搭車途中我打電話問佢時,姮姮都乖乖咁同佢玩緊,但到佢地落車時,我就見到狼狽既阿Sam抱住喊到收唔到聲既姮姮 ,見到個囡喊到咁真係心痛死呀,老公話姮姮落車前3個站就開始喊啦,佢點逗都攪唔掂,其實姮姮係摟眼瞓,但老公就以為佢肚餓 ,我抱過手後拍左佢一陣就瞓左啦 ,諗起老公落車時抱住姮姮之餘又拿住d奶樽個無助樣真係唔知好嬲定好笑呀,之後我地就行去海港城攞隻結婚介指,生完姮姮後肥到介指都戴唔落呀,所以就叫左阿珮搵佢d舊同事幫我改大半號,之前我自己去門市問改size要收$200 ,咁貴我就硬係無整啦,後來阿珮幫我搵佢d舊同事攞番公司改,只需$80而已,唔該晒兩位靚靚媽咪呀,攞完介指後就行去海洋中心間和花亭食野,呢個時候姮姮都瞓醒lu,對眼四周圍望,之後就好開心咁笑,佢個樣真係好攪笑呢 ,行到去和花亭勁多人呀,咁我地就決定行完玩具反斗城後再算,買左兩樣玩具&一盒餅餅比姮姮後就走lu,最後晚餐係kfc攪掂,因太累唔想再行,食完野後就帶姮姮返smp.
|
- Get Your Own
