今日會送部LCD TV黎,所以10點幾就起身收拾好個廳,掉左好多我認為係無用ga,野,一大堆老公儲左好耐既經典電視錄影帶,佢老豆果d過左期年幾既藥油,大伯之前係珠海買既vcd,有d仲未開黎睇ga,收拾左3個幾鐘,掉左好多野,客廳當堂闊左好多,等埋部電視安裝好後就返smp休息左陣,8點零鐘就出灣仔等老公收工返琛圳推油,10點半左右係皇崗等埋carrie,vincent,阿銘後就一齊坐的士去小肥羊打邊爐,食飽飽後就出發去推油啦,超多人ar今晚,按完腳後,vincent同個經理擾攘左好耐先有房比我地推油,推左兩個鐘後真係疲倦盡消呀.