尋晚 到我成晚都瞓得唔好,11點左右諗住喂完姮姮飲奶後就準備出門口去阿珮度,點知姮姮瞓著左,咁我就同佢一齊再瞓多陣,瞓到12點半我就起身洗頭&收拾好姮姮出街用既野,正當我想叫姮姮起身時老豆同阿媽就過左黎,呢個時候姮姮亦都被佢地既門鈴聲吵聲左,老豆同阿媽知我尋晚好唔開心咁走,所以今朝佢包左d餃子攞過黎比我食&幫姮姮洗白白,我真係好幸福呢 ,點零鐘我地就一齊出門口,我同姮姮最先上到阿珮度,無見巧巧兩星期又大個左好多,真係越黎越靚女呀,但已經識得呷醋既姮姮唔比我抱巧巧 ,無耐阿mei同阿yan亦都買左壽司上黎,真係辛苦佢兩啦,大熱天時出到旺角攞過黎,之後阿明同瑤瑤都上埋黎,好耐無見瑤瑤啦,佢已經識行lu,仲識得做好多唔同既動作,最鍾意就係佢扮可愛,真係好攪笑呀 ,因阿敏佢唔食壽司,所以我地就開餐先,3點幾阿敏同雙軒上黎後阿堂就出去買kfc,阿珮你老公真係唔話得,走上走落幾次.雙軒今次已經無咁怕人啦,叻仔左好多呢 ,我地食完壽司& kfc後無耐就食阿珮整既朱古力 mosse cake同木糠布丁,總之成個下午都食過不停,阿珮整d cake真係好好味呀 ,超飽ar今日.食飽飽我地就當然傾下計啦,但一時無留意下姮姮就被瑤瑤打左把,唔怕痛既姮姮都叫左兩聲,抱起一睇,右邊臉紅左,仲留有指甲印,其實姮姮都唔係善男信女,只係佢未懂得反抗,我諗再遲d佢地打架都似呀 ,到時巧巧&雙軒就真係要小心d啦 ,快樂既時間過得特別快,7點零鐘我地就走lu,我同姮姮返左阿媽度洗完白白坐左陣,到9點幾我先死死地帶姮姮返TKO .
|
- Get Your Own
