自姮姮出世到而家9個幾月我兩母女都未試過單獨相處,因我有位偉大既媽媽,所以姮姮9個幾月黎都無同佢婆婆分開超過24小時,但今日就有個幾會可以比我同姮姮兩個相處,因阿大伯兩公婆陪奶奶上深圳整牙,咁我就當然叫佢帶埋老爺去啦,唔係就唔使指以我會留係tko等佢地返黎呀,10點幾當佢地出晒去,老公又去左返工後就剩下我同姮姮兩個係間屋度啦,今次我專登唔講比阿媽知,唔係佢又會走過黎tko陪我地ga啦,原來得自己一個照顧BB時確係唔容易ar,由其係姮姮而家識得爬黎爬去,真係睇小陣都唔得ar,就連想去個toilet都唔方便呢,所以真係服左阿珮呀.2點幾同姮姮落左樓下商場行,係百街買左d野食後就返上樓,喂姮姮食左d粥後就同佢玩玩具,玩完就同佢一齊瞓左陣,到5點零奶奶佢地就返黎lu,而我同姮姮既二人世界亦都結束啦