今日老公帶埋姮姮出銅鑼灣等我收工,當我搭公司車出銅鑼灣時已經擔心姮姮會摟計,所以心諗千萬唔好塞車,好等我快d見到佢兩父女,落到車已經見到老公抱住姮姮係對面馬路等我,姮姮無摟計wor,但完來老公話姮姮係車上已經摟眼瞓喊左陣,之後逗掂佢瞓,但到落車時因整醒左佢又喊左一輪,逗左好耐先係收聲,其實今次老公都有進步,起碼唔會好似上次咁攪到姮姮喊到收唔到聲.我地首先去sogo間hallmark babies join member,因阿珮比左張coupon我,只須買滿$100就可以做vip,買左件冬天衫比姮姮,仲送左條口水肩,買完野後就坐車過太古城搵bonnie剪頭髮,點知去到已經關左門,最衰都係老公,叫佢打個電話比bonnie先ga啦,剪唔到頭髮就帶姮姮去冒險樂園玩波波池啦,今次姮姮玩到唔捨得走呀,但無奈我同老公買左票睇戲,所以無時間同佢玩多次,搭mtr出觀塘,媽媽就係小巴站等我地接姮姮返屋企,我同老公就去apm睇色戒,套戲兩個鐘似乎長左D,但梁朝偉&湯唯既床上戲就真係好逼真,我問老公其實佢地係咪真係黎真ga.睇完戲去食埋老公至愛既煲仔粥後就返TKO啦.