今日我同老公帶姮姮去健康院打一歲針,登記完後就去磅重,姮姮而家有19磅啦,磅重後就出番大堂等見姑娘&打針,識行既姮姮無時停,我就同老公輪流跟隨佢四處行,D姑娘&其他家長睇到姮姮都話佢好叻女行得好好,而另一句我聽得最多人講既就係"呢個BB女似足佢爸爸wor"之前姮姮打針都唔會點喊,今次當姑娘打落去佢隻金華火腿時佢都無反應ga,姑娘仲讚佢好叻女,但當講完呢句後,姮姮就大喊啦,我同老公逗左佢一陣先收聲,真係心痛死我啦,攪好晒d野後我地就返TKO比姮姮瞓陣,到4點幾左右就去太古城剪頭髮,之後join埋細妹就去佢做野既中心逗留左一陣,跟住就帶姮姮去玩波波池,到9點幾就返SMP收拾行李準備聽日既台灣之旅.