上星期收到啟思既信話取錄左姮姮讀N1,要我地23號去交留位費,我當然開心啦因啟思都係一間幾好既幼兒園,但我首選始終都係迦南,因兩間相比,迦南既課程會好D,第時上小學亦多D選擇,但迦南最快都要2月底先有信通知,尋日我試過打電話去學校問,但就話係電話答唔到取錄既問題,叫我等信,死心不息既我今日再打多次電話去問,起初都係話要等下星期既信通知,咁我就講話因有第2間幼兒園已經取錄左姮姮,但我就當然希望囡囡入到迦南啦,,聽後佢就話叫我留低contact info盡量幫我check,但就話最快都要一,兩日後先覆到,咁我就話果間學校要我係今個星期六去交留位費,叫佢幫下忙盡可能星期六前回覆我,估唔到過左個幾鐘後學校就打番電話同我講話已經取錄左姮姮入N1既下午班,下星期就會有信通知詳情,聽後真係好開心呀,要為姮姮既將來努力,盡我所能將最好ga野帶比佢.