今日我同老公都放假,因要帶姮姮去健康院打歲半針,呢個姮姮無時停,成間健康院都被佢行勻呀,姑娘話姮姮成長得好好呀,體重比起成長線重左小小,而家25.5磅,今次打針打係手臂位,我抱住姮姮都唔敢正視望,老公亦拎定d野食等姮姮喊時可以逗佢,過左陣姑娘話打完可以出去啦,姮姮今次好叻叻無喊呀,所以攪到我打完都唔知,真失禮.攪掂後我地就返TKO瞓一陣,到5點幾就出黃埔同阿Wing & 佢家姐食晚飯,我地先去吉之島行陣,買左個學飲奶瓶,梳仔 & kitty波波池比姮姮,個波波池好靚ga,每個波都有kitty既樣係度ga,老公話我仲開心過姮姮呀,買完野join埋阿wing & 佢家姐後就去食野啦,我地去左食日本野,店舖細細但冷氣就勁凍,所以食完野後就拿臨走人啦.返到SMP就同姮姮玩波波池,起初佢都唔敢入間Kitty屋度玩,後來我引左佢入去後就玩到唔捨得收起啦.