人氣計跳都冇跳過,冇人睇,太好了

今日晏晝去左油麻地,排左n年終於有得箍牙,不對,只係箍牙前既checking

入到去又係好似上次咁等成半個鐘先到我

明明就唔多人排,都唔明點解要等咁耐,等等下又愈來愈多人來=.=

終於叫到我個名,入到去又要check下棚牙

之後又講左1輪箍牙有咩注意

有1樣又幾好笑

醫生話:無論你20,30定50歲都可以箍

之後又講讀全日制學校的話,政府包你最多去到21歲,唔讀書就去到19歲

我就諗咁即係要19歲箍啦(箍牙要2年)

跟住佢問我仲箍唔箍

咁我梗話箍(唔通來混桔咩,車費都唔平)

之後就整牙模,d膠有d似益達個隻香口膠味=.=

又去照x光(第2次照x光,已經唔問駛唔駛合埋眼=.=上次問都覺自己白痴,都唔知讀咩書)

個度d護士都幾好人,唔似上次去那打素,會寸人的=.=

等張x光片俾醫生睇,等等下又急,想去廁所都要攞鎖匙,唔通廁所鑲左金?都唔知鎖來做乜

返返去登記個度等排期,我就問櫃台個個人係咪要mok牙(點解有d字打唔到都有得讀出來,定係我見識少=.=)

佢話(有點兒寸的味道):張卡有寫嫁嘛

我之前冇留意,咁我以為我係問題

睇到張卡寫住tp+photo仲要x左(又一個打唔到既=.=)

我諗:想點呀,寫左都唔明啦,代號來既

後尾個人講返下次返來講箍牙有咩注意同影相之類,不過唔係照x光

我又諗:頭先咪講左有咩要注意囉,又講?=.=影個相又要搵日來,煩唔煩d呀

突然間諗起電視個d橋段:睇政府係要排隊,唔想等咪睇私家囉

唉....今次考英文oral比上次準備時間少好多,都估到自己表現唔多好

4點就出左門口,好在今次唔駛再早到成個鐘

一去到就見到alantony,跟住同佢吹水等5點3入場

會考果然真係咩人都有,考過咁多次都可以叫見怪不怪

(其中有個女仔化晒濃裝,樣都唔太靚=.=)

點名同等考都等左好耐下,點名個2個老師仲無啦啦有傾有笑,吹漲=.=

估唔到個個化濃裝既人係同我一team=.=

好~~到5min準備時間,1睇條題目就知唔多妥,大概係咁:

your class is going a trip to a city of China,you are discuss which transportation you are going to take:

plane, train or coach

我諗又冇city俾我就要我諗撘咩去?

果然一開波個3個諗都冇諗就講cost=.=

之後我就話唔通去廣州要撘飛機,去黑龍江就撘coach去嗎(當然係十分polite地....)

不過又係冇會應,頂

正如JL講,a話食蕉,b話食蘋果,c話食橙

即頭就我有我講,你有你講,咩叫discussion姐

唉算,不過e個仲未叫頂(上面講左了=.=)

佢一開頭冇出聲,咁我好心問佢what do you think

之後佢都係講....cheap...彈d adj,完全不太像句子就是了

然後又係得2個人吹(坐我隔離個個又係少講野,得1個ok勁=.=)

講到仲有3min剩,我問個個化濃裝既what is your idea

佢竟然可以撘 ....ur....i have no idea(伸利).....

個陣我個樣真係有幾難睇得幾難睇

直頭想一拳打埋去=.=

想點呀,小學6年,中學5年,堂堂英文堂都係訓覺?

俾成3百幾來考,剩係識講e句的話,倒不如abs好了,自殺行遠少少啦,咪拉人落水

之後我都俾佢嚇左嚇講得麻麻地了(←藉口)

indivi又係咁,講剩20秒,仲要個examiner追問多條,死得了,分又唔會高得去邊了=.=

唉....返到屋企心情超差,繼續sd返grad din相俾人

不過到10幾 bonbon sd左個naruto lf2=.=

真係幾好玩,改圖都改得靚

有人有興趣連線一齊玩嗎

相隔半年左右(最後1篇係上年11月打)

個日誌終於重開了,不,係重打了

其實考完ce amath已經想打,不過冇咩特別想打,最後都係擱置左

不過橫點都冇咩人睇啦,開左....(算耐嗎?=.=)睇既人都得6百幾,又冇人留言(一定唔係我自己狂refresh升個個人氣計)

好,講返今日,grad din終於到

由4月開始話驚考ce,話咁快就考完,真係叫時光飛逝

今次同joey個班去,前1日又冇人約我,so sad

結果早左成個鐘到....一出地鐵站就見到酒店了,近到無奈=.=

之後入去會場,唔算太大了

見到miss王(教中文的)最早到走過來同我地吹水

無啦啦走來check我有冇gel頭

佢用手摸我d 頭髮(摸嗎,似grap多d=.=)

我話:我冇gel頭喎

佢話:係咩平時見你學校又係豎起...

我話:係學校都係冇gel喎....不過e句佢行開緊,好似聽唔到

不過佢臨行開前um um 尋尋講左野.....聽落佢應該覺得好悶

之後我又同pianchio既一班坐返埋,其實個位係留左俾人= =(不好意思了)

例牌又有校長講下野

等佢講緊個陣江保無聊玩吹蠟燭,又有2個加入戰團

咁梗係俾佢地某個吹熄啦

仲趁著隔台出去攞野食個陣走去換蠟燭(ps:仲整熄多2個)=.=

講真,今次自助餐真係唔算多野食,正式唔計甜品加埋應該唔過10樣

之前我唔知係邊聽人講自助餐最抵食3樣:生蠔,sushi,甜品蛋糕

(食緊係食d貴野啦,唔同食炒飯咩=.=不過都有人攞炒飯攞到山仔咁多,個人喜好啦@@)

不過我都例牌每樣都試少少,雖然d肉真係有d鞋,唔多掂

唔知係唔係去到d隆重場合,雖然冇好緊張,咩心跳加速個d,食左1碟仔就6成飽了(ps:我冇攞d野攞到山仔咁)

攞完野食,籌委就播下片,抽獎玩遊戲

佢地原意係好,想我地可以邊野食邊享受節目,不過攞野時間好似少左d

一路都冇咩特別,直到最後抽獎個陣,估唔到有送dvd機同digital camera

我心諗點解唔送埋nds呢=.=

雖然我不嬲冇咩抽獎運and果然1份都冇我份

之後到11點幾,獎都送得7788,d人又開始影相,冇人理台上搞d乜

(成台人走剩2個,得我自己坐係度)

鴕鳥走埋來話做咩一個人咁寂寞,我答佢唔到,我都想知點解

之後我拉埋佢影相,帶左部相機終於有用~

跟住四圍去拉人影相,原來都幾好玩

可惜老師神早走鬼晒,仲諗住搵輝哥影添

等中7grad din吧,1開始就要搵老師影,不過入唔入得返都成問題=.=

無啦啦煇煇叫我影pianchio合照,我呆左呆,我有入過咩

佢話:你係3俠嘛...

我諗諗下又好似係,不過唔記得係正常,因為個名都唔多好聽=.=

是旦啦,有得影就ok了

又無啦啦俾呀莊叫住話影相,

仲記得好似form2個年好似唔知講過乜....(想講咩呀=.=)

總之應該係嬲左我啦=.=

無論睇唔睇到都好,或者應該唔記得了,我都想講對唔住

(咁又係鬼得閒去記e d小事咩=.=)

估唔到仲肯同我kiu手影相,真好

影到11點8就走了,同文c joey 同魚蛋搭271返家

係車上面睇返d相,原來我仲有幾個未同佢地影=.=

仲有發現一個好大問題

點解我張張相個posture都係射罰球咁=.=

都係留返中7先啦.....(又係個句,有機會入得返嗎=.=)

琴日去左明星打邊爐.....

.....(打得好少....)

唔通我真係透明既?