又完了一個camp....由學校和中心合辦既挑戰營...

呢一個camp雖然好辛苦....但真係覺得好開心....^^

星期五出發....去左嶂上camp...

分物資= =得罐頭刀同火機....好彩罐頭刀換左兩gas

如果唔係,真係唔知點食野...家姐又搵多左一罐番黎...

又係豪華營...正...不過有屋字...好憎屋字...= =

基本上黎講兩個營都係我主要負責...

男仔訓豪華營...女仔訓屋營....

我最擔心係女仔果邊會濕營....因為起得真係唔掂...

男仔營成晚就係度滅蟲...因為有d野入左黎...

男仔營名單如下..我..阿康..阿杰..Paul..家偉..

唔知女仔果邊有冇濕....但男仔既就濕晒囉...= =我係訓水床...我訓果邊係有水滲入黎...電筒都濕晒...又勁抽筋..真係未試過去一次camp會抽咁多次筋....真係未試過...= =

家偉同家姐去煮晚餐....不知道好不好味...食左先算....^^

家偉同Paul勁大陣體味....= =

朝早起身...食早餐...執野...影左好多相...不過由星期五晚開始到星期六既早上都係好多大霧,能見度勁低....

繼續行程....家姐整親...個個人都成頭水珠...又勁落雨...= =成身濕晒= =

不過d風景就幾靚...雖然影得好少...

d斜坡真係勁斜囉- -"冇諗過會行得咁斜....

行完就去搭車車...再行去營地....

都唔知有冇搞錯....去露營...咬得兩下...去到營地多左幾顆= =

玩竹伐...好好玩呀...^^我地快過另一組....勁好玩...^0^

玩完之後...拎營...

我地男仔去錯營....我同花花仲沖埋涼....沖完就換營...細勁多..= =

之後..dinner...食完飯..有個晚會...玩得好開心...我地班男仔玩到好喪...^^

又唱歌又跳舞....好正呀..!!!

之後有十五分鐘係反思時間..我係個陣諗左好多野...

諗到朋友...諗到家人...諗到敏...真係諗左好多野....有開心有唔開心....係好珍貴既回憶...

之後分組傾野...大家都將自己心入面最想講既都講埋出黎...好多人都喊..

我都好感動..好有feel....想陪佢地一齊喊...

之後...就各自回營...我地果間房勁玩...玩完UNO..又玩枕頭大戰....玩到3點幾...正爆...!!!!

之後早上...去左做早操...跟住回房執野..執完食野...食完野又執野...

執完野去玩爬牆..好好好玩...^^

個阿SIR勁搞野...笑到想死...真係好好笑..^^

爬牆好正呀....勁好玩...!!!!

爬完牆....就將個阿SIR扔上天三次...好好玩呀!!!

扔完又執野....我一早執好左喇...^^

執完野又有個會....回憶會...

大家都講番呢幾日既活動...好感動...

有人多謝我....好開心...^^

我都好多謝幫過我既人...支持我..叫我加油既人...^^真係好多謝你地...

俾人催我地快d去食lunch...個個人都話..收聲喇..

何文偉勁搞笑...我係壓軸!!

食lunch勁得人驚....我地個組男仔係BT的..

除左阿康個個人都食左3-5碗飯....食送係咁夠食...其他組有食物剩,一拎過黎...唔洗5秒..分晒..

食完又影相,老師又分享..之後就回家了....

呢一個camp真係好開心....好唔捨得呢個camp咁快完...

係呢個camp...大家真誠互勉...互相幫助...去支持大家..

行山又會幫人....男又好女又好...大家都好盡力...去完成..去挑戰自己...

大家真係好開心...雖然係辛苦...係累..係曬...但係..講真呢個camp俾到我既唔止係呢個感覺...

我係講唔出口....但真係好great...好開心...心情真係好激動...

我希望我地既友誼唔止係今次....係以後都有...會繼續..^^