今朝七點幾起身

then,打左陣NDS

就落左去樓下果到搭車去黃大仙

臨搭車前,去有付近既七仔到買早餐

原本我想買朱奶,點知果到岩岩冇

跟住我想買高鈣低脂奶,點知都冇

咁都算la,想買支豆漿,都冇

果間簡直係一間百冇既七仔

最後隨便買左個雞包就上車

去到黃大仙到等瑋哥同燒雞

等到佢地黎到

就一齊行去九龍仔公園到越野訓練

原本我地想飛的過去

but飛的太貴啦

so決定行路過去

原本我地都幾驚會蕩失路

因為我,瑋哥,燒雞都唔係好識點行過去

then我地跟住條的士路線過到去九龍仔

去到果到,水靜鵝飛

得果幾丁友

再等多兩個字,啊Sir先黎到

再等多半粒鐘,先多番d人

跟住熱身短跑

熱身果陣,我線低左

手掌,腳指公都受左身

由其是手掌果個傷口,痛到我癡肺

跟住跑長命斜,來回六次

跑完累到死咁濟

跑完,同瑋哥去麥記

唔知係唔係太肚餓既關係

我一口氣食左兩個玉子將軍漢堡,一包薯條,一包脆香雞翼

飲左一杯汽水

食完之後,即克飽哂

then,返屋企沖涼

沖緊涼果陣時,個傷口唔少心店到水

即克痛到我死下死下

幾經辛苦,我終於捱過呢段痛苦之路

then,去瑋哥屋企玩

弓起瑋哥終於打爆肥寵第四關大佬

當我地休息下果陣,瑋哥開左套閃電十一人黎賺

第一次睇呢套動漫,我覺得唔錯幾好睇

呢套野係講踢玻既卡通

當中以必殺技黎做買點

某程度上黎講,我覺得呢套動漫比足球小將更加好睇

then,去祖母屋企食飯

食完飯之後

同班表弟,表哥玩大富翁

最後我贏左,結算果陣,我所有屋啊,地啊加埋有十三萬

我從來都未試過玩大富翁贏成咁多錢

玩完,then返屋企