| 文章分類 |
| 訪客留言 |
| 每月文章 |
| 最新文章 |
| 日誌訂閱 |
| 好友名單 |
| 網站連結 |
| 最近訪客 |
| 日誌統計 |
| 站內搜尋 |
| RSS 訂閱 |
2021 年 2 月 7 日 星期日  |
| 07-02-2021 | 分類: 未分類 |
十月幾隔離完出黎開始上堂，不知不覺一個學期過去 已經有四個月冇打日誌，成日都諗起想打，但每次都懶得打 今日兩點幾訓醒出去食完嘢返黎五點，終於有mood做返少少嘢 臨放寒假，我就計劃去第度體驗下生活 本身好蠢，諗住揾屋租一個月左右同揾份工，但諗落就算兩樣都揾到，打工啲錢都唔知夠唔夠交租 如果唔係宿舍隔離房個台灣人講都唔知有打工換宿呢樣嘢 之後就係FB睇到臺北呢間Meander1948青旅，我就報咗 學校果邊考完試就即刻放寒假，過多幾日，1月13號我就同蔡妤婷搭高鐵走 佢返桃園屋企，我就去臺北 之後覺得就咁係呢邊住又冇嘢做會好無聊，同埋想賺返啲錢，日日就咁使錢唔太好 跟住我就係1111兼職網揾到份做酒店房務人員，姐係汁房既工 間嘢叫金都溫泉飯店，係北投果邊，然後過咗一個禮拜就開始返兩份工 逢星期四五六日，下午兩點至夜晚七點就返揾錢份工，夜晚九點到凌晨兩點就返換宿份工 持續咗兩個禮拜，果邊經理就叫我唔使返住，因爲天氣熱，冇客人冇乜生意 其實知道終於唔使返都鬆咗一口氣，因爲咁樣連續係咁去，做咗四日左右就已經覺得好悶 辛苦又唔係太辛苦，畢竟兩份工都好hea，唔似以前返倉返餐廳咁勞動，而且兩邊啲人都對我好好 但個人日日都冇乜energy，返到個樣都隱藏唔到果種厭倦既情緒 雖然唔使再返好開心，但望住啲錢之後日日要使係咁唔見就好肉赤 本身北投份工諗住賺得幾多得幾多，新年又冇咩打算，所以同佢講做埋過年果段時間，做到二月十八 然後換宿呢邊改埋十九號先走，不過北投果邊後來突然話唔使返，咁我換宿呢邊都改返原本合約期十二號走 其實係臺北已經藕到好鬼悶，一早想返去算，雖然返學校，係高雄都係覺得百無聊賴 可能因爲一個人stay係呢邊，冇太多人同我出街既關係，超過半個月已經覺得好無聊想走 返工其餘既時間幾乎都係自己揾地方行黎行去，而且我完全冇半點開心既感覺 但我諗之前係高雄間唔中同人出去hea都係會有種空虛既感覺，呢邊自己行就除咗覺得孤獨就冇其他 死啦，點解我成個人宜家變成咁樣...好似點都唔會開心，不停諗唔開心既負面嘢 揾唔到有咩嘢滿足到自己，令自己心情大好，even有拖拍... 講起拍拖，黎咗台灣短短幾個月，宜家已經經歷緊第二次... 我單身咗六年，一直都好dry，好想好想有伴侶陪，有拖拍 香港同大陸讀咗幾年，除咗跳舞同返工，上堂，朋友圈依然都係大概得小中同班男仔，飢渴到玩埋交友app 十一月係app識咗個臺中既，個樣好靚，矮矮細細有肉地，又啱傾，基本上外表同内在都令我想同佢發展落去 但最後發覺自己沉船咗落個player度，完全唔知佢想點，但佢事實做出黎既事就係俾我覺得佢好識玩 第一次臺中見面佢就好曖昧好主動，係公園傾傾下就訓落我大脾度傾 第二次黎高雄揾我，果晚係酒店訓，佢訓到半夜突然坐上黎，然後我地就發生咗... 不過好好笑，做到一半佢唔知點解果度出血，之後我都冇射就stop咗 果兩日係聖誕節，佢返咗去臺中，幾日後就跨年倒數 倒數完第二日起身睇IG,我見到係佢post下面留言個男仔stories有佢倒數果晚訓教既大頭相 姐係話佢同我曖昧，訓完跟住又同其他男仔訓甘樣，過多段時間睇佢IG profile，兩個一齊咗 我果朝起身睇到呢幅類似床照既相，崩毀咗，係厠格衝動到打爆咗棟膠門（我要强調係好薄既膠門，正常門我先冇咁勁打得爆哈哈） 其實個女仔，自從第一次見面之後，頻密同深入咗少少同佢相處，已經知佢唔係中意我同唔係好重視呢段關係 成日line佢半日先應，話傾電話次次打過去佢都同人傾緊，出街見佢搭車食嘢都好忙覆信息，有時見到佢line有男仔發信息 知道佢好多朋友，尤其是好多男性朋友，而且傾計問佢以前啲嘢，知道佢性經驗豐富，拍過幾次拖又同男仔曖昧過 但果陣我又中意佢，覺得如果可以同佢一齊我應該可以接受佢咁多呢啲歷史 可能我太耐冇拖拍，搞到宜家太飢渴，揾到個中意既人就太投入 anyway，結果...事實證明人地就只係同我date下，打下炮，係我自己太認真太投入，沉咗船先搞到自己咁 其實一開始玩交友app，就成日諗咸濕嘢，幻想揾到個炮友會好爽，好正常，男仔係咁架啦 如果樂觀啲睇咁我都做到男人玩交友app既目的既，而且揾到靚女肯同我打炮 但其實經歷過先發現，我原來追求既係真愛，唔係性方面既快感咁簡單，當我中意一個人，就好認真想發展落去，之所以點解我咁易沉船 尤其是同佢果晚既事之後，我冇覺得好爽之類，反而心情好唔開心 覺得我中意既女仔，點解可以咁隨便...再加上一早感受到佢唔係中意我... 果排真係好down，日日係度諗，無時無刻都係度諗佢，真係好折磨，結果...過咗幾日跨年之後直接出個結果俾我...OK！！直接收我皮~ 雖然呢段係好唔開心既回憶，不過都想記錄下，畢竟有可以俾將來既自己睇返既意義： ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 好奇妙地（或者算唔算我幸運？），當我崩潰，折磨咗幾日後，緊接住有個女仔既出現...我又要經歷下一段關係（或者叫愛情史...?） 聖誕同跨年之後，我同一班中意一齊出黎飲酒既同學出得好頻密，有段時間兩三日就出一次 我，湯遠銘，陳偉亨，徐百加，蔡妤婷，楊敦惠 一路去咗幾次一間叫chill house既bar，之後有一晚我哋襯放寒假走前book咗城市商旅一間房玩通頂 記得果日仲係失戀冇耐之後，成日就算出街都有好空虛既感覺 日頭同羅有成行街買衫，夜晚叫咗郭恩諾出黎食韓燒 本身果班約七點幾八點但我都要去食，結果得蔡妤婷同徐百加係房等到十點幾先人齊哈哈 去到都係平時咁啦，罰男仔飲酒，之後大家又飲咁樣，我哋幾乎次次都飲vodka，食鹽同檸檬咁樣 都係平時咁啦，我，徐百加同湯遠銘都會就住就住，冇乜點醉，kiki同楊敦惠就實會醉，陳偉亨果晚俾人灌，都有醉到 跟住玩玩下，kiki就有同我傾計，我地之後坐埋一齊傾計，講好多，包括佢屋企 冇記錯既話，之後湯遠銘同徐百加落咗樓下買嘢食，佢就係咁話中意我，要我回應...當然隔離啲人都係咁撮合我地 但我諗嘢不嬲都好負面同現實，第一個反應就諗佢醉醉地講呢啲，我點會敢信，有可能衝動亂講唔係真心 況且突然有人向我表白我都好愕然，同時都覺得咁幸福既事點會發生係我身上 所以我一路提醒佢佢醉啦，叫佢冷靜訓低休息下先，第二日酒醒咗個人清醒先再講啦 果段時間陳偉亨同楊敦惠已經佔咗一張床，得返我照顧kiki，佢又咁激動，我就覺得佢係時候要休息啦 當然我又同佢係埋同一張床啦，之後細節唔太記得，我哋大家都攰攰地，熄咗燈休息 跟住買嘢果兩個返黎，我去開門，好快佢就急急脚咁拎行李要走 我果陣都覺得好突然，有啲唔捨得佢地走，因爲仲想玩，唔想咁快散 但冇辦法啦佢地係都要走，後來問返原來佢地見到我地一對對係床上面，費事做電燈膽左住我地所以想快啲走 我承認我真係做唔到忍心拒絕佢，行開唔理佢，因爲除咗我係在場唯一可以照顧佢既人，我其實都對佢有好感 坦白講，又靚又可愛，性格又咁純情咁完美既女仔，我相信好多男仔見到都會心動 果晚我照顧到佢清晨時段，我完全冇訓，之後我極度胃痛，頂唔順揸GOKU返宿舍食藥再返去 返到去我都係盡量剋制住自己，唔好對人咁親密，我一直坐係凳度，望住佢訓 好似守護住一個中意既女仔咁，順便一提佢訓教好多時會一直輾轉反側，郁黎郁去，好特別 再過多一段時間，大家都差唔多醒，我就攤咗上床閉目養神休息下（我都故意訓好邊邊同佢保持距離），但到呢刻我都毫無睡意 之後我地又有交流講下嘢咁，跟住又唔記得點樣變咗同佢一齊攬住，握住手訓 其實係chill house見到佢已經心動，睇上咗佢（之後傾電話我都有同佢講） 但因爲我自卑同現實既性格，咁好既女仔我點會有機會呢 所以飲酒果陣就算佢就坐係我側面，我有時都有少少突燈望少啲佢果邊既心態 諗住咁樣唔會對人有太多幻想，還掂都唔會屬於自己架啦 但真係好奇妙，我都覺得自己會唔會太幸運，竟然係佢中意我 不過之後果段時間，我都質疑佢係咪真係咁中意我，雖然佢次次出黎飲酒都咁樣追求我 但一來係飲醉咗先咁，二來覺得佢有可能都唔清楚自己對我既係好朋友既友情定愛情，三來我叫佢真係要考慮清楚我呢個冇乜條件既人 不出所料，有一次係學校飲酒，佢又飲醉咗神志不清，撇除成晚講醉話追求我 有幾句係佢話果晚飯店講果啲嘢可能因爲飲醉咗，佢都唔肯定對我既諗法，又話就算之後我哋冇一齊，我都要係佢身邊之餘似類 我好記得佢講過呢啲醉話，當然中意我既説話多好多，但我諗嘢就係咁負面，唔好既説話就好記得好在意 之後佢係咁求我同佢嘗試下一齊，但我果時啱啱先崩毀完上一次失戀經歷，好恐懼失去中意既人果種感覺 果排我同佢，陳偉亨，楊敦惠連續去咗兩晚草悟道食飯，第二次JC同毆義佳都有黎 第二晚係我地搭高鐵走前既最後一晚，食壽司果陣我同佢兩個先落咗去行下傾下計 後來我除咗叫佢考慮清楚對我係咪果種感情之外，都有同佢講我都中意佢 雖然佢都好開心，果晚飲酒佢又醉醉地，成晚好主動甘靠落我度，最後叫車走企係門口果陣仲係後面攬我，果下我好感動 但後來去咗臺北同佢幾乎晚晚傾電話，瞭解佢好多之後， 有好多位都令我好憂慮到底佢係咪有咁中意我，點解感受唔到佢好似之前咁對我既果種純碎一個女生好癡戀果種熱情 由佢聼完關於我同臺中個女仔既經歷，話我太容易中意一個人，同問我點解識咗咁短時間，先兩三個禮拜就話中意佢， 之後講開佢兩個前任，佢又話好奇怪，發現佢自己每次中意一個男仔，後來當個男仔中意返佢，佢就冇感覺，宜家都係咁 佢講過既呢幾樣嘢都令我日諗夜諗，好驚佢唔係中意我，我又要失去一個中意既人 我發覺佢原來咁理智會反思情況，唔係好似其他女仔咁簡單癡心一片咁追求男仔，然後甜甜蜜蜜咁拍拖 我覺得都係好事黎，證明佢都係成熟識諗既人，但唔好既係有時係感情上面太理性太冷漠，會令對方覺得佢究竟係咪真係中意我 但後來我哋有溝通呢啲事，我同佢講我擔憂緊呢啲嘢，佢都有解答話講醉話果次佢都唔知有講過呢啲嘢同唔知點解自己會咁講 當男仔中意返佢佢就唔中意個男仔果件事後來佢就有解釋，識落之後覺得對我既感覺同之前g果兩個前任好唔同 係臺北呢一個月，我哋幾乎晚晚傾三四個鐘電話，最誇張果次傾咗成四個半鐘 我地咩都講，佢咩都同我講，我又咩都同佢講 其實客觀咁睇，都好多謝佢，有人晚晚揾我傾計，都係一件好幸運同幸福既事 尤其是我自己一個係臺北住成個月，晚晚都坐係櫃檯冇嘢做
|
|
| 發表時間：2021-02-10 10:50 PM [ 訪客留言(0) ] [ 編輯日誌 ] [ 分享至FACEBOOK ] | |
| 2014 年 6 月 24 日 星期二 |
| HIHI！！小學既同學仔~ | 分類: 未分類 |
喂喂，系你地啦..同你地講啲野啦！ 今晚我睇曬你啲以前畢業既日記啦.. 好感人喔...早知就珍惜當初既日子啦系咪先？ 睇到你地對我果陣既睇法，個個都話我COOL 其實我唔系COOL，只不過果陣唔知點解好無自信，勁怕醜 完全唔敢同女仔講野，只會同林佳李鎮東呢班好熟既老友玩 所以完全唔識你地，讀左三年都同你地唔熟 但系MSN或者QQ我又可以同你地傾好耐..唔知你地記唔記得呢？哈哈哈 我就記得好多系MSN傾計內容了.. 馮麗華：記得果陣好鐘意成日同你傾QQ，過年你同我都返左大陸， 大家都系房間玩電腦，你仲話D大人系曬樓下打麻將唔理你添..記唔記得呢？ 張凱霖：果時成日MSN講好多情情塌塌既說話，但出到黎我又成個UM春甘..粒聲唔出又唔敢行埋你度， 我諗返起小學同你地出街果陣就覺得好魚皮..仲有我地一齊玩極速快車手Online？？哈哈 吳亦融：最記得你系玩勁舞團，應該宜家仲有玩？我記得有晚深夜MSN唔知傾乜9， 之後你SEND你個死黨Winnie幅相，仲要改左顏色，個樣勁恐怖笑死我，之後好似傾到韓星 之後我話點解呢個世界D人點解唔個個去整容，甘咪好多令仔令女囖，之後好記得你話個個都甘，D明星咪無曬地位同意義囖？【你又講得幾岩既】 成日讚我可愛既黃翠珊：其實我唔明點解你成日話我可愛..我真系唔知有乜9甘可愛，哈哈！果陣話劇其實有你系度望住我地班傻仔玩，之後見到你系度笑，唔知點解我覺得甘樣好開心...因為你成日話我可愛所以到宜家我都對你特別有印象..唉上到中學想揾個好似你甘留意我既人都無了.. 之後仲有陳青宇譚詠詩李曼玲果D... 其實一直有個願望就系希望你地甘多個男男女女可以一大班人一齊出黎玩，唱K，去旅行，返小學，食飯聚舊乜都好.. 仲有果陣又話搞CAMP，如果真系搞得成就好，可以好似畢業營甘開心...點解唔搞呢又？ 其實你地上到中學好似乜都唔記得曬甘..開頭都有wts群組約出街，但無個肯出，之後宜家仲死，連群都無了，大家亦都無左聯絡 你地小學既日記成日都話BEST FRIENDS FOREVER.....唔好忘記大家多D出黎玩..但點解到宜家甘生疏呢？ 其實我好後悔六年班同你地甘疏遠，如果果陣男仔多D同女仔玩溝通多D傾計多D，甘宜家就應該唔使甘陌生斷曬聯絡了... 可能你地中學好忙，好多都乜隊乜隊要練習又話考試又話阿媽唔俾出，但唔會無日得閑吧？？？ 唔知我系咪年紀大，哈哈，越老就越懷念過去，其實講真無論對熟定唔熟果D，我到宜家都仲掛住你地.. 可能你地已經唔CARE小學同學，覺得聚唔聚舊見唔見面都唔重要無乜所謂，覺得宜家已經好多FD，中學過得好開心了 但今晚睇完你地以前D日誌，俾我揀....我要返返去小學果陣... 我要時光倒流，返返去大家玩黎玩去都系六年班果堆人，一齊練話劇，放學成班KAI兜踢下波... 離開左小學，人慢慢長大，系中學已經三年，朋友圈子礦大左，朋友多左，日日好多節目.. 成日睇戲唱K食飯行街打波.... 但講真俾我感覺無小學果堆甘實在，甘真..
|
|
| 發表時間：2014-06-24 02:09 AM [ 訪客留言(2) ] [ 編輯日誌 ] [ 分享至FACEBOOK ] | |
| 2013 年 5 月 26 日 星期日 |
| 2013-05-26 | 分類: 未分類 |
人...點解要甘？ 宜家啲女仔好多都好惡頂 果日先whatsapp話鐘意你 當你拒絕左佢之後佢好傷心 但到左第二日佢系會好似咩事都無發生過甘 過多幾日佢系會可以再鐘意第二個的 點解宜家D女仔甘假變得甘快 當個個都知佢鐘意佢之後 一齊玩果陣我系會表現得唔Care同好開心好無野.. 其實我心一D都唔好受 但你其實唔系我鐘意果類型 我宜家都仲覺得拒絕你系岩嘅 但就系唔知點解好心up.. 其實好明顯人地系好純品唔會拍拖同鐘意你嘅 但見到你對住佢個樣甘開心 身為你好朋友嘅我都好樂意幫你追佢 因為...佢始終都好過我好多.. 我..根本毫無資格學人拍拖
|
|
| 發表時間：2013-05-26 04:49 PM [ 訪客留言(0) ] [ 編輯日誌 ] [ 分享至FACEBOOK ] | |
