今朝起身時覺得幾凍．．冬天又黎啦∼∼今日上ｐｅ堂著短褲同衫．．凍鬼死人．．仲要落著毛毛雨．．跑左４個圈．．攞命跑咁．．後就自由活動啦．．就同嘉欣打羽毛球啦．．好搞笑呀打到．．不過好大風．．打到手軟！！打完就同卉卉佢地玩搶波．．圍左個圈．．將個波擲黎擲去．．好搞野．．牙詩最慘．．輸左４次．．哈哈∼∼食飯果陣牙媽打比我．．話有人打比呀爸係咪我個家長．．之後就話無野啦．．所以牙媽問我係咪Ｄ老師打黎．．都唔知邊個！！打左鐘差唔多要上數學堂果陣．．我訓到成隻豬咁．．都唔知牙ｓｉｒ黎左．．訓左成半個鐘先醒．．之後就問碧碧係咪依家啱啱上數學堂．．佢話唔係喔．．睇下個鐘都差唔多２點．．哈哈．．咁又訓左成堂咁滯．．︿︿　之後果兩堂鬼咁精神∼∼放左學就去萬寧買野．．買左一枝洗面奶同兩盒面膜．．有排用呀．．嘻嘻∼∼返到屋企飯左好大碗湯同食左幾個餃子．．飽飽！到左夜晚食完飯後．．陪牙媽落街買野．．我地又買多盒面膜．．哈哈．．可以敷好耐啦．．之後就返上黎敷面膜．．嘩．．好舒服．．敷完塊面好似滑左．．嘻嘻∼∼

今朝訓到七點鐘先起身．．因佢又為好眼訓．．哈哈∼∼食完早餐就返學啦！！返到班房門口見到連炳俊．．比佢話無扎頭髮．．要記名一次．．不過唔使罰．．今日佢係咁捉女仔Ｄ頭髮．．扮晒蟹咁．．佢又唔係訓導！！＝．＝今日頭兩堂ｍｉｓｓ劉無返．．幾正呀．．係度玩同食糖．．本來諗住溫中史架．．但溫溫下又唔想溫．．索性唔溫．．係度聽ｍｐ３．．聽聽下係度訓覺．．哈哈！！兩堂中文係度作文．．勁無聊．．今日食果Ｄ飯好難食．．剩左好多飯係度．．上兩堂文學係度釣魚．．之後就叫碧碧搣我隻手．．之後先精神Ｄ∼∼最尾果堂中史係度測驗．．都唔算難既！！

琴晚失眠呀．．搞到２點幾先覺得眼訓．．慘慘．．今朝仲要訓到７點到起左身∼∼今日去左老公豬屋企．．掛住訓覺唔理我．．搞到我鬼死咁悶．．之後就上網打機．．先至無咁悶咋．．之後佢要返工．．咁我就返屋企啦！！今日有樣野笑死我呀．．居然可以可以將火鳳凰同火雞撈埋一齊講．．仲話係一様ｔｉｍ．．哈哈．．哩位仁兄就係最豬既老公豬．．笑死我！！

今朝７點３到就起左身．．之後就整早餐食．．８點幾就返學啦∼∼返到學校見到Ｄ人著既衫勁好笑．．有Ｄ就好似去飲咁．．有Ｄ就好鬼似ｋｉｄ子．．哈哈！！係操場排隊果隊老公仔突然間打比我．．嚇到邊個打比我．．好彩今日唔收電話姐．．傾左一陣就上車啦！！上到車後雀屎架ｓｅｎｄ訊息俾我．．話佢去石澳好鬼悶．．哈哈．．之後同老公仔ｓｅｎｄ訊息同埋睇漫畫．．睇到我好暈∼∼入左海洋公園之後．．我地首先搭纜車上去．．坐係纜車度好舒服．．Ｄ風係咁吹埋黎．．上到山後．．本黎諗住玩越礦飛車架．．點知排排下隊覺得好暈．．因為有好多人同好鬼熱．．之後出左去坐下．．等佢地出黎！！今日見到有好多ＬＶ既袋．．其中有一個係真既．．不過Ｄ　Ａ貨既ＬＶ袋都做得幾真喔．．哈哈∼∼玩完滑浪飛船後．．塊面同前面Ｄ頭髮濕左．．不過嘉欣就慘啦．．坐我後面都會濕左條褲．．之後去玩太空摩天輪．．當它升上去之後３６０度轉．．嚇死我．．不過都好好玩．．哈哈！！食完午餐後．．就去玩飛天韆鞦．．曄．．好舒服∼∼之後就去玩我最鐘意既海盜船．．好鬼正呀．．沖落去果下係成個心係吉左．．我全程都係度笑．．不過嘉欣同牙魚兩個就縮左落去．．好搞笑∼∼玩完個飛鷹就搭纜車落去集合啦．．到左集合處附近鋪頭買左個海豚既擺設．．好靚的！！之後去左兒童王國度玩旋轉木馬．．臨走前仲玩多兩次滑浪飛船同太空摩天輪．．好刺激呀．．玩完就搭車返屋企啦．．今日玩到好鬼累！！今日係咁比人鬧．．郁Ｄ就話我．．唔陪我玩都算啦．．玩耐少少都鬧．．

無咩野做過~唔打lu^^