今日唔知點解訓下醒下咁．．訓到１０點就起身
食早餐啦．．之後就拖地．．順便可以減肥．．
我要減到去１００磅．．仲差１０磅就到目標架
啦．．睇黎要努力啦．．我要靚靚地著連身裙出
席謝師宴！！！下晝無乜心機做功課．．係度
玩電腦．．到２點先開始做功課．．做到４點幾
先做完．．累死左∼∼之後就出廳飲湯啦．．
睇埋個比卡超先去沖涼．．哈哈．．都好耐無睇
過啦！！夜晚食完飯後係無線度睇左個＜星期日
檔案＞．．睇完之後覺得好感動啊．．講述８歲
既朗月有一個惡瘤．．對眼睇唔到野．．佢既心
願係想去天安門度睇升旗儀式．．但奈何佢既身
體根本唔能夠應付長途跋涉．．所以記者們就請
長春ｄ人假扮係天安門度升旗．．之後朗月去到
所謂＜天安門＞睇升旗時．．佢既手都隨住音樂
而升起．．睇到我有ｄ想喊．．不過到最後佢都
可以真正去天安門．．朗月哩個故事都被拍成一
套電影．．叫做＜朗月童話＞．．好想睇啊！！！