１８－２２／１０
今日好早地出門口啦．．豬豬係樓下車站等我．．好快地會合佢．．去左佢屋企一陣後就一齊出大圍搭火車返大陸啦．．１０點就已經係深圳了．．１點幾就返到屋企食飯！！好熱鬧呀屋企．．勁多人係度係度食飯．．條街又多人．．之後去左睇一陣粵劇．．不過係果到都幾無聊下．．ｄ人一個都唔識．．自己同自己玩．．＝．＝係度周圍行．．夜晚時表弟妹黎食飯．．終於無咁悶．．有個ＢＢ比我玩．．嘻嘻．．到８點幾我唔係自己屋企訓．．去左舅父屋企訓．．返到去同婆婆婆傾計同狗仔（ＢＢ）玩．．夜晚同舅母去食宵夜．．唔知係咪訓唔慣既關系．．成點幾都未訓得著．．於是就同舅母傾計．．仲講左ｄ好好笑既野比我聽！！
之後果幾日都係度同狗仔玩．．佢好鐘意流口水同笑架．．好得意呀．．不過我隻手成日都有佢既口水．．佢仲好鐘意扯人頭髮．．噢．．痛鬼死我！！夜晚同表哥佢地出去行街．．仲買左好多零食返來．．依家大陸果邊好熱鬧．．話紀念彭湃同志．．所以一連兩晚都有大型節目．．仲請左ｄ歌星黎∼∼星期日７點就起左身．．同呀媽去街市買送同早餐．．到９點就去車站啦．．出門口時好唔捨得．．暗地裡係度喊．．搭巴士時係度訓覺．．起眼訓．．１點幾就到左香港了！！之後就買埋野食去豬豬屋企．．係佢度訓左陣．．到５點就返屋企啦∼∼夜晚係度拾野同溫書．．好鬼累啊！！！！！

２３／１０
今朝６點半起身幫呀哥佢地洗衫．．之後就整早餐食．．到７點幾先出門口！！今日上ｄ堂勁眼訓．．頭兩堂係度狂釣魚．．到數學堂已經頂唔住啦．．訓左４個字∼∼文學堂好專心聽書．．要追返個進度．．Ｅｎｇ堂係度溫中史．．琴晚溫左少少咋．．好多都唔係好熟．．ｌｕｎｃｈ係學校食飯．．食完聽姑姐講ＸＸＸ的衰野．．真是估唔到佢係度．．好核突啊．．嘉欣勁大反應囉．．哈哈！！中史堂測驗．．今次應該緊緊合格掛．．我都唔知．．ＡＳＳ係度做功課．．做剩Ｇｅｏ作業．．不過仲有幾有幾版未做．．今日係唯一唔使溫書既大日子．．可以休息下了！！