而家我會承應我的男友...樂樂...
最初我不太明白佢對我點...常覺得佢唔細心...對錢計較...
但我發覺其實佢幾緊張我...佢比以前多左打電話比我...
佢爹哋亦終於第二次見我...就是同佢慶祝生日...(嘩...呢刻好鬼緊張...好怕自己又唔識講野呀)
琴日我亦收到佢媽咪去完澳門的手信...雖然只是一份少少的禮物...但我已經覺得好滿足...
琴日行街...見到一條紫色呔...樂樂都話...好易襯...見佢咁鍾意...就買比佢當生日禮物...(當然點會咁少呀...送住先)...
跟住佢見我買衫...話送比我...我就話下次先啦...
不過佢知道我傘壞了...一直想要把紫色傘...所以佢就買比我嚕...有d唔捨得用添...
呢個6月最煩的都是對住個男義工...佢好多野...都要人地講得好清楚...佢先會明...佢做野極慢...最大問題脾氣差...(佢仲要話自己無發過脾氣...發過都唔知...)無信心兼唔肯學野...佢無野做ge時候...鍾意聊人傾計...同佢仲有咩好傾呀...教佢野可以發人脾氣...我真係未試過...佢一嚟到大力到整壞到門...整到個cut紙機...一d都唔順...唉...
(不過睇得出佢...有幾樣係有進步ge...唔好煩到我...就唔理佢啦...)...自己仲有好多野要做...
要做ge工作好多...發書展通告...購買新書呀...讀書活動呀...網上遊戲呀...整理一大堆問題...答案...又印又print...真係勁爆煩架...
個日黑雨...真係難忘囉...第一次遲走一個鍾...學校門都鎖哂...我等唔切...自己爬出去...爬個下好驚...但又唔可以跌...隻腳踏個位又痛喎...好在無事...跟住就趕去深水埗...找樂樂同媽佢地一齊食飯啦...因為我等唔切亞叔開門呀...當然我爬出去...都照通知仲係圖書館ge主任...同義工...之後我知道亞叔嚟到...個時已經七點...好在我爬出去...
爬出去...比屋企人話我...下次唔好咁啦...會跌...個個都好擔心...但第二日我返到學校...有好多人都話我點解會做得到...佢地無怪責我...只係叫我下次唔好啦...一夜成名...變成蜘蛛俠...
當然我唔會再爬啦...亞叔佢成日都想我表演比佢睇...因為佢身型太肥...做唔到...
還有呀...我的假期...而家都有8天半呀...本來得7天...但書記記錄...我只請左半日...咁唔理啦...有得放照放...
加上今年我無加班呀...所以而家叫媽媽陪我去...而家要等佢答覆幾時呀...
7月份...校長好快會找我...我擔心ge日子好快來到...又問我留係到ge去向...唉...我唔想我的工作經驗...只有學校呀...
我要努力搵工先得啦...
呢段時間太多野煩啦...唔想諗咁多呀...學校清潔姐姐...都找到我一條白頭髮啦...唔想咁快有呀...
近來有一樣野令我一d擔心...係我電話中...成日收到一個神秘人message呀...係個男...(女都有幾多有我個手提架)
係我印象中...只有我呢個電話ge人...只有樂樂同理大...但個電話唔係理大架...內容中仲講話...會同我結婚...都唔知佢係唔係send錯比人呀...睇到呢句...我都唔回覆...亦無理個message...只係會睇下打d嘜鬼...今日再睇到...佢打ayumy hamasaki...佢自己打錯ayumi個名...但點解佢會打呢...唔通佢知道我會去睇...如果真係理大ge話...我會好驚喎...定係我疑心太多呢...
前個排...我仲煩...可唔可以訂到睇ayu演唱會...而家好朋友芒果找到另一個朋友幫手...因為我唔識佢...驚人騙錢...但而家好似一d都唔似...比左2000元佢(不是小數目,仲要我幫大佬同佢朋友...同理我二哥...我自己比左錢人地先...唔比哂錢人...人地一定唔肯幫...即係我連訂ge機會都無...唔幫佢地比住錢先...又會鬧我...到時我仲慘...做個妹做成咁...已經好偉大啦...所以唯有試下搵人幫手啦...)...訂4張480元...因為訂飛要用恒生咭...我身邊ge人無一個有...無辦法就搵佢幫忙...而家有一張佢上網訂ge確認紙...寫上我的姓名同地址電話...我今日打去恒生問...數已交易成功...我諗拿飛問題不大...起碼8月尾會收到啦...大佬都比哂1千元我啦...咁我都唔洗咁窮...而家只欠二哥...未比番我...好想快d可以欣賞到這場精采演唱會呀...(期望快d收到飛...了解心事...)
工作能盡快完成...同樂樂最好一直keep住好好的關係...期待見工成功...呢個暑假...我還是要盡情去玩呀...暫時都未搵工住...想等學生差唔多放假先專心去搵啦...
| 
