做錯決定...真係好大問題呀...last day本來芝芝約左我...但我竟然選擇左陪男友...而家好似無左個fd咁...
上個禮拜六.日...開心好多...有詠兒同男友陪...
但今個禮拜...
好悶好悶...無人搵我...琴日自己一個係屋企坐成晚...連晚餐...真係食少少野...就無哂胃口...
今天本來諗住去游水...点知...去左唱k...我都無心情去唱...成個人down哂...
男友今個禮拜話唔陪得我...佢亞媽話個表哥外國返嚟...叫佢呢個禮拜都唔好出去...當我係咩喎...
一個星期只有一日陪我...都無埋...個心好想喊好想喊...一直都係自己一個人傷心...
佢對我時好時壞...男人係唔係就係咁...係唔係獨仔...孝順仔...做女朋友...一定要承受喎...
我個心搖擺不定...好想快d結束...唔想再比自己一直擔心落去呀...
琴日老豆問我...你唔出街...跟住佢返左去大陸...今日返嚟...再問我...咦...你今日陪亞媽呀...你男朋友唔陪你...
個種心情...真的而家都想喊呀...連老豆唔睇好我...佢個心都似希望我男友陪我...我只係答佢...佢唔得閒...
再係咁...我真係承受唔到呀...習慣左每個禮拜...佢有一日陪我...佢唔陪我...我個心就好安樂...笑都笑唔出...
fd同男友真係有分別...就算d fd唔得閒陪我...我都無所謂...但而家對於呢個男友...我真係希望佢每個禮拜最少都陪我一日...
亞媽睇得出都話我好辛苦...將來結左婚...仲更加痛苦...未結婚已經係咁...拍拖應該開心先岩...
一切都係我自己拿嚟...工作不順利...自己拿嚟...鬼叫自己選擇離開學校...而家呢份工都唔知挨到幾耐...
呢份工最衰就係迫人返6天...星期六d人返半日...我地就要扣半日錢...
紅假放假又要扣錢...我真係黑仔囉...去台灣睇相...人地都講左我呢段時間走係唔岩...明年先好轉...
話我男友好自私...好多野都擺係個心都唔講...人地ge意思...好似係叫我離開佢好過...佢唔想講太多...可能係d天機問題啦...
而家同佢相識ge日子...有一年...但拍拖只有8個月多...唉...我應該放棄嗎?
但之前玩塔羅牌...又幾準...我會有一個變化...但最後都話我同佢有結果...定係我誤會左個意思呢....
之前係旺角睇相...就我中秋會有姻緣...我諗可信性不大...測我兩個fd...佢地都話無...
連我去台灣睇個個...人地都話...我同佢今年都未有姻緣...但明年我同佢都有喎...究竟準唔準呢...
但佢測我其他野...都準都死喎...唉...好頭痛呀...我應該點做好呢...
近來工作不穩定...我真係唔敢亂咁洗錢呀...萬一挨唔住份工...我就要靠個d糧嚟挨日子啦...呢個考驗...真係好大好大壓力呀...