我又儲左幾日無寫啦...
先由12月29號開始...個日放左工就約定左芝芝去踏單車...太好啦...我算刻服左我10幾年無踏過單車...個時我踏三輪車都勁跌...而家踏ok呀...不過叫我踏兩輪...我都係好驚...因為始終試過好大傷害...我永遠都會記得...就算我記性幾唔好...
但個日我可以見番保良局ge同事...就係christy啦...佢依然係咁好人...同我學校d人真係無得比呀!...差太遠啦...佢個日踏完單車..跟住就去食泰國野啦...好好味呀...咁岩我同芝芝都係生日...所以佢就好大方請我地...其實比錢都無可能..最主要係開心...價錢方面都唔錯...真係食得好飽呀...所以個日好夜返屋企呀...第二日...一早就出去睇魔幻羅盤...幾好睇...雖然前段內容好多...但總括唔錯呀!...不過要睇埋第二輯嚕...跟住就同花花唱k...兩個人106元埋單...幾低呀...係旺角唱都算唱得耐...12點幾唱到3點幾....跟住再去搵寶兒...又鍚佢啦...我呢個人真係衰呀...成日都搞過bb...但同佢玩真係要好多精力呀...跟住係亞嫂屋企食埋飯...就去睇劉德華演唱會啦...不過唱到11點30ja...好少呀...可能因為大家都要返工啦...場演唱會最精采都係頭個part...其他都以跳舞歌同慢歌為主...
第三日正常5點放工...我就立即去cwb嚕...因為今天約左科大呀!...最初我諗...佢起碼7點幾嚟到...點知...我一去到cwb...佢已經係尖咀地鐵嚕...佢5點半放工呀...跟住佢先同我去工展會...我同佢都係行過圈就走...跟住就一齊去食日本野...跟住行左一陣街...傾吓計...我終於知道佢真名啦...我最初都唔記得問佢架...姓胡...係我識ge人當中...未有一個人姓胡...真係有d搞笑呀...哈哈哈...
跟住就去時代渡數啦...嘩不算多人...可能因為天氣凍關係...大家都怕迫...其實去到一d都唔迫喎...我算可以聽多d hk歌...
但我同佢ge話題始終不多...係因為我智商同佢相差太遠關係...唉...我要學習不要比自己太大壓力呀...無論點...做朋友都好...不能期望太多...
而今日就係08年1月1日啦...心情更加興奮呀...因為日本的紅白做啦...我暫時下載左部分片段...今日11點半先起身...可能因為近排太倦啦...所以訓得比較耐呀...今日全日無出街...加上天氣凍...自己又無嘜錢...廢事出去啦...
後先執一執我d雜物...我見到好多fd比我的小池...嘩...我就勁勁勁興奮啦...因為小池太靚仔啦...我見到每一張都咁鐘意呀...
小池呢年好掂呀...第三年出席紅白...著西裝真係特別有型有款呀...跟住睇佢官方網頁...更新好多野呀...佢已經影定張謹賀新年ge圖啦...1月5日小池的生日...1月16日出新碟...必買...跟住小池又拍劇...好忙呀...佢5月要開演唱會...好想飛去日本搵佢呀...
可愛的小池...真令人好鐘意佢架...
而家我滿腦都是小池呀...msn圖都要擺番張...嚟支持佢先得...