我諗我都隔左好多日無寫日記啦!因為我生日的大日子...我就搵左好多人陪我...雖然計數還差好幾個人無同我慶祝...但我今年總算開心過舊年...點解咁講...因為總共有兩個男同我慶祝添...我真係好貪心啦!
21號學校聖誕聯歡...睇左d學生表演同老師校長唱歌...22號半日返學...跟住放左工同momo一齊行cwb...
23號momo又要陪我啦...佢12點準時出嚟陪我去旺角...而泳兒同我一齊坐118嚟...我真係好開心呀!...因為佢地都係我同學...而家係好朋友添...佢地同我去左史諾比cafe添...而家係由佢地請我飲野同食野添...佢地話生日你大哂嘛...咁就咩都由我話事...嘩...跟住我同佢地回憶返以前返學的日子...不經不覺大家已經長大啦...大家都好想搵番以前ge同學...好開心呀!...momo仲要送多份聖誕禮物比我添...真係太愛佢啦...如果佢係男有多好呢...而泳兒佢就送左個好特別ge杯比我...我到而家都未用呀!好似有d浪費咁...
跟住泳兒約左人走先...而我同momo就一齊再行街食野...再去影貼紙相...我地真係無一齊影過貼紙相呀...佢真係好...
24號呢個重要ge日子...今年就唔係同momo啦...我最初常擔心...呢日揀個個人有無揀錯呢...我個日只係有少少失望囉...
早上搞電腦...下午...我同亞嫂講...我好想去megabox...佢最初話悶架...但我唔去又唔安樂喎...結果佢就帶埋bb一齊陪我啦...當然生日有bb陪特別開心架...但我竟然唔記得帶相機...唉...影響真大...跟住行左一陣...亞嫂請我去食日本料理...好味味呀!...非常之好呀!...而家諗番都特別開心...yeah...
跟住佢地陪我行左好耐...要走啦...無計...bb都眼訓啦...雖然還是4點幾...而我約科大佢呢...就7點...嘩...仲有一段時間...點算好呢..
咁我咪照搭地鐵去尖咀...跟住去d舖睇衫...拿鞋囉...時間還早...跟住太倦就坐係科大佢公司附近公園坐啦...坐左一陣...佢打嚟話...我可以收工啦...其實我真係好想坐多陣呀!真係好倦...跟住無辦法啦...點都要行...佢仲要講話...我唔記得買禮物...我ge反應就係...我都唔知有咩好講...跟住佢話比少少時間我...就係咁...我行返我地指定約好ge地點...佢送ge禮物就是朱古力一盒...而我送比佢ge野...我真係花好多心思架...
跟住佢話我生日...去食好d...跟住佢就帶左我去海港城某一間西餐廳食野...入到去ge感覺就係好驚...跟住睇到個全英文餐牌...我無野講...為左減低驚ge程度...我不停講好多野...d野食麻麻地啦...個甜品最差...令到科大佢都覺得...貴唔緊要...佢話佢地整得好求其...錢唔係問題...問題係唔好食...我都唔會要求咁多啦...因為餐野...要成400幾元埋單...
跟住就同佢去睇燈飾啦...始終佢係尖沙咀返工...佢當然會好熟路啦...諗起我之前ge聖誕...我地都唔識路...次次都係跟住人行...今次佢完全係帶住我周圍去...而佢竟然主動拖住我隻手...除左咁...佢都無講其他野嚕...不過差唔多係一直拖到至到送我去搭巴士...佢先走...12點幾就返到屋企...我返到屋企...訓唔著...好似開心過頭咁...
但到左25號...我真係好後悔打個個電話呀...我同科大...鐘唔鐘意個份禮物...佢話好似大細路咁...會轉送比其他人...聽到咁...我一直都是失望...之前ge興奮係錯架...唔好抱咁大期望呀...失望會越大...
不過講番個日...因為今次到亞嫂生日...咁今次我就請佢去唱k...嘩...有好多聖誕禮物送...因為有bb ge關係...所以大家都唔會覺得悶...本來諗住全日陪亞嫂架...但我知道老豆返大陸...我就好想留係屋企休息啦...夜晚都無出街嚕...
26號早同午都在家什息...夜晚就係約左理大啦...佢呢個人真係過份...之前不停求我陪佢食自助餐...點知佢足足遲到半個鐘...佢次次都係咁...又係尖咀嚕...呢個地方...短期內我都唔想去呀...行ge途中...佢好想同我影相...我點都唔肯...想掂我一下我又唔肯...都搞到佢幾無耐啦...跟住又係去海港城食野...今次係去食自助餐...裡面d野食麻麻地啦...不過都算可以食得好飽...而我地ge話題都係傾d好正常ge野...而佢送比我ge禮物就是音樂盒...加張聖誕卡...相比下...佢就花好多心思啦...
到埋單時...我見到張單要成700幾元...我本來拿左300元出嚟...佢係我唔覺ge時候...將d錢擺落送比我ge紙袋盒到...唉...
跟住大家都係直接去搭車走...佢走先...因為我自己特登行到佐敦搭巴士...
唔知點解心情覺得好怪呀...好想揀理大...因為佢細心好多...關心自己更多...壓力一d都無...我仲可以間中作弄下佢添...好好玩...
(理大之前講過只鐘意我一個)...有d感動添...
其實而家都唔知自己想點呀...同理大係朋友關係...同科大就唔知點咁...
而家我先知道...原來佢地兩個都是獅子座...山羊座ge性格同佢地一d都唔甲架...呢樣真係事實...
只係理大佢太就我...講咩都得...但我係科大面前...我覺得我做唔到原本ge自己呀...成日刻意改變自己...太大壓力呀!
其實我目前我並不想一定要拍拖...就係佢地兩個我都唔揀都無所謂...之前我都諗住將來只得自己一個...
因為我而家先知道...愛情係幾煩呀!...呢個大人世界...好似一d都唔岩我呀!...
除多我真真正正...找到一個同我一樣都鐘意日本ge人...咁大家先有共同話題...亦會傾得開心!...
呢排返工ge日子真係好無聊呀!...