我都唔知講咩好
我明明已經俾左一條100%必中既重心你
你跟住買你至少可以賺到2倍既利潤
點知..... 你跟就跟我買 但你另外加多2條 整左個3X4出黎
德國盃 柏林戴拿模 對 FSV法蘭克福
明眼人 一睇就知主隊有問題啦 你仲要買主隊下盤
主隊第4級別 客隊第2級別 但個odds竟然係331
仲要個亞盤係平半 盲既都知有問題啦
貪心唔係問題 我認我都貪心
但貪心就唔代表你可以犯呢種低級錯誤
係我眼中 你都係一個盤手黎架 你唔好做埋D賭徒先會犯既錯啦
雖然 我希望你中 之後有錢還俾我
但你買既飛 根本無可能中
上半場已經0:2 一開波3分鐘已經第一粒
琴晚 你用我4次錢 買左4條3x4
結果呢 無條中 你全部都係犯D低級錯誤
輸唔緊要 有邊個未輸過
但係你連輸甘多場 你都唔去反省下點解會輸
結果米愈輸愈多錢 愈借愈多錢...
我都已經唔追你條數 你永遠抱住一個博下既心態
所謂買個希望 根本就係送錢俾馬會出糧
你老味 點解你唔可以醒下
你有無唸過你由世界盃開始到依家
你係一個負資產
我認 你係曾經嬴過好多錢 嬴到我都好羨慕你
你夠gut 由細上到大 已經落大注從來唔手軟
但係你從來都無唸過 你會輸 玖唸住嬴左再買D咩
一個唔認為自己會輸既人 根本從一開始已經輸左
結果米就係坐過山車 由低去到最高 之後重重甘趺到谷底
你有邊次嬴多過4位數 係可以拎到錢出黎
次次都係唔心息 最後輸鬼哂
低odds唔代表一定會中 只係代表概率上比較高
玩盤 有句明言
賠率只係莊家與玩家既互動性數據 而賠率高低永遠操控在莊家手中
你唸真D啦
|
