本身請左12號假 唸住接你放工
不過你唔理我  我又唔知你個度係邊...
戴左CON就無謂浪費  結果就去左行獅子山

同一日第2次行獅子山 真係有d ON9
夜晚行左次  日頭第2次 真係挑戰身體極限
夜晚無上到獅子頭 就甘由大圍上山 竹園個邊落山
好快就行完  好輕鬆  見唔到馬嬲
全程黑麻麻 無咩好寫

至於日頭就由病子山燒烤公園正門上山
酒精已經開始掏空我既身體  令我身體大不如前
本身唔會甘辛苦 但我已經上氣唔接下氣
上到回歸亭 先發覺右眼隻CON又跌左~_~
不過我繼續上頂  獅子頭係全獅子山最難行既地方
因為一差錯腳 就好大機會跌死
<----獅子頭上面既青天日紅旗石
身體完全乏力 加上酷熱天氣警告
水份流失左6,7成  訓左係獅子頭成半個鐘 曬到唔想行
我個陣真係有種等死既感覺
嘔又嘔左5次 當我D早餐嘔哂出黎之後
唔知係米出於唔想俾人見到既心理
用盡全力甘爬返去回歸亭 

死過返生之後 我再行左去望夫石
<---望夫石
基本上 除左個頭之外 成身都已經係濕哂繼續行
用D溪水洗個面 又繼續行
係36,37度既天氣下 行個條超長既車路
不過都已經係最輕鬆既事 我仲見到隻大野豬
<-- 本少既自拍(曬死MODE)

之後又要上山 上山再上山
姐係卜 街 卜 街 再卜 街
再轉去行衛奕信徑  經過十三芴
當我見到唯一一個小食亭
我個陣真係覺得好幸福
因為我成身已經無食物無水
終於有地方可以補給
買左支水動樂就繼續出發
行條超長既車路
見到觀音堂同法藏寺
之後就到達慈雲山
睇返個鐘已經行左4個鐘多少少
係一個可以接受既成績

我行山係從來唔帶地圖 唔帶袋
所以要成日問D行山人士方向
不過甘樣係最自在 舒服
沿途D馬嬲又真係幾得意
不過會偷人野~_~

好辛苦 但係好爽^_^