2020-12

話咁快又到左年尾

我又好習慣性上水

唔知仲以為係例行工事

但係,每年既出現, 個心情都真係一點唔同

特別係2020年 - 一個香港半停止既一年

之前既我, 一直有講過, 自己係一個停止. 原地踏步既人

所以, 今年一整年黎, 可以話係我近12年黎過得最平靜, 最舒適既一年

時間過的超級超級快

快到我以為今整年沒有係到出現過~

因為依兩年

我成功畢業, 搵到一份人工唔高, 但係極穩定既工作(雖然同我讀既係兩個行業)

不過我依排會諗, 如何世界再開始行

我係唔係又要跟世界行呢?去搵一份新工?去一個新環境?去見新事物?去識新既人?

每當問到依啲問題, 我都問自己"你準備好未? 你能負擔好未?"

直到依家我自己都答唔到答案

垃圾~

不過係一方面, 我可以好成功咁講, 我已經完全放下啦, 就係愛(妳)啦,
雖然我既佔有心, 嫉妒心, 貪婪心, 都係好好好強,

仲要去到影響到人(妳)既地步

我真係好想依刻講一句, 好對唔住!, 一直影響到你地, BTW咁既我應該唔會(少啲)出現架啦

因為我想新一年可以好好控制自己, 係我自己唔影響到其他人既情況下好好控制收埋~

馮個體, YOU CAN DO IT~

當你試過, 愛過, 恨過, 離開過, 想回來過, 已經回來過, 再想離開過, 真係再離開過, 咁多年

件事已經唔係原本件事, 一切都會變貿質,

就好似食物, 終有一日會變壞, 變差, , 就算你再放多防腐劑, 雖然真係可以解決依刻問題, 但係食物就已經係變左質

咁樣係唔會健康, 係唔會好返

其實我係幾年前已經知道

所以我靜雞雞, 係你唔知(或者根本唔想知)既情況下, 試唔同方法

冇一個方法可以完全解決問題, 但係每個方法都可以解決小小, 最後直到依刻已經冇, 除左我仲記得既部份回憶, 我已經覺得係最好既存在, 

謝謝你, 我的第一次戀愛, 第一次的相愛, 第一次分手, 有你在, 一切都變得青春同童話既存在

我已經講句, 雖然我地關係變左, 但係我地既關係, 我係好想留低, 

在此用上我的真誠, 再加上我自己24年童貞資歷發誓
"能成為密友大概總帶著愛, 我不知世人眼中看的愛是那一種, 但我與你之間留下的那一種是叫友情"

雖然你冇可能成為到我的好兄弟, 但我都希望我可以係你身邊, 我會係你其中一小個好姐妹

重新識過, 你好, 我叫馮家駿