-23/5-

今日係正式既第一日既印度之旅，重點都係係一齣戲　－　一百萬零一夜　，戲中要素今日會睇哂　，　分別係貧民窟同埋維多利亞火車站，

８點左右起身食早餐（酒店自助）←　已經係最遲起身既一日。第一站就係貧民窟，好多印度人係Ｄ井字位既地方度洗衫，原來佢地係番緊工，佢地

洗足一日衫大約先有２蚊美金，而係個度住既租金大約一個月要５蚊美金。真係一個好苛刻既生活環境．．睇完之後．．．去左甘地故居去廁所，好似高級左＠＠”

之後去左維多利亞火車站，又係一百萬一零一夜既重要賣點，超激爆多人，每日會有三百萬人次，火車會分三種：特快列車、快車、普通列車；而火車內亦分三等，

三等價錢亦會有不同。頭等：最貴(=內陸機價錢$500) 有床、有SOFA。二等：有冷氣，上下格床，比頭等平少少。三等：只係得椅比你坐。

之後去左威爾斯王子博物館，好多人．．．仲要好多都一樣樣添．．真係唔知HELLO一聲，，個個轉個頭個黎都唔識認佢地邊個打邊個。

之後有一個位，係飲水機咁既野，其實係水喉水機．．．Ｄ印度人個個都行埋佢個度裝水飲．．如果唔係慣左個度Ｄ水．．我諗一陣全部都中哂霍亂都似．．．汗｜｜｜

完左Ｅ度，我地去左印度之門．．Ｅ個印度之門係用黎紀念五世皇同埋皇妃，，同威爾斯王子博物館一樣咁多人．．有好多丫差拎住啲POSTCARD 賣一百RS一本　∼

有Ｄ就賣１蚊美金　∼　仲知就好似想退哂Ｄ貨換錢咁．．咩都賣一餐啦　∼　

行完印度之門，之後領隊加遊比我地去孟買大學外圍影下相，，好大間．．超大．．學校置於一大塊綠色草地．．真係好想訓係上面　一定好多野咬　囧ｒｚ

之後去左一間有印度特色既餐廳食野，樓底好矮-______-" 我成日撼到個頭 ! 個lunch都唔錯，幾好食，唔錯唔錯!

THEN坐左粒幾鐘車，去左機場準備坐內陸機去齋普爾，我地３點左右到左機場，４點幾就拎機票，，８點起飛，９點４到站，，拖埋ｄ行李出番黎馬路邊，，

機場外面一樣好多人．．．旅遊車好乾淨好新∼　我好滿意　∼　之後坐廿幾分鐘車程去酒店！晚餐係酒店食，還可以啦！上床已經係印度時間既１２點半了！

(打住咁多先`待續 ~♫ )