2008年2月7日
早上7:00起身,同左媽咪去黃大仙拜神,去到個到之後超多人超級香火頂盛,攪到對眼超辛苦,
流下了不少既淚水,如果唔係身在黃大仙,d人一定以為我為左d咩事而傷心tim!!!
之後媽咪就去左求簽,求左4支,跟住督去左每年都會去佢到解簽既蔡太到...
解解解,講左好來終於講完,佢講左好多野..都中左,突然覺得中國學術真係好利害,
蔡太--真係1個好高深既人士!!!!
去完黃大仙之後就返左屋企汁野,汁完野之後就返大陸,
晚上7:30終於返到婆婆堅企,之後就同父父,ar杰,細舅母,公公,婆婆同媽咪出去食飯,
食完飯返到屋企之後知道1個重大既消息----冇水沖涼!!!
不是嗎??? 之後父父就叫我同媽咪去佢到沖涼,咁我就同媽咪去左父父到沖涼同玩dog dog,
到左晚上11:30就返婆婆到訓教.....
王維別友...........我會好好咁記住呢4個字!!!!!!!
2008年2月8日
8:00a.m就起左身同公公佢地去飲荼,由於廣雅後街既路程相當遠,所以次次去都會推公公去,
等佢冇咁辛苦,公公超級攪笑,佢坐係輪椅到會做指揮指你點樣行,真係超級好笑,
同公公佢地飲完茶之後就同媽咪去左父父屋企玩dog dog,突然父父佢挑機--打羽毛球!!
大戰一輪之後結果輸左11比9..=.=" 激死左
打完ball之後就返左婆婆屋企,
見到牙e同ar笙都係到..跟住大家就決定去周記到飲下午茶,但個餐一定唔係tea黎嫁囉
叫左超多野食,成張8人台都係野食,傻嫁..=.="
雖然叫左好多野食,但最後我地竟然一d野都冇靜到,超勁,個個都係大胃王黎=.="
晚上大舅父返左黎..冇野講!!!
期間公公發脾氣,話唔見唒d錢,大舅父竟然鬧公公!!
I dislike you very much! ! Do not see you to me! ! !
食完晚飯之後父父打電話黎,問我去唔去放煙花,
梗係去啦,超開心牙,好來都冇玩過啦,跟住就跟左父父,ar杰,細舅母佢地車去祈福新村到放煙花,
係個到見到好多唔同既煙花係你頭上,好似d流星雨咁..好令..好浪漫!!!
晚上11:30去左父父到沖涼..跟住就返婆婆到訓教....
好好味既煎餃,佢煎到好脆好好味牙!!!
x.o醬罹白糕辣辣地,都係好好咪!!!
我最愛既法式西多士,超級好咪牙>.<"" !!!!
ar笙既提意,用青瓜膚眼=.=""
成張8人台都放滿唒野食,2個字 壯觀!!!
2008年2月9日
淩晨3:00公公起左身,同婆婆係到吵架,話婆婆囉哂佢d錢,叫婆婆比返佢,
媽咪起左身叫安撫公公情緒,好唔容易令到公公安靜一d,
早上6:30公公再次嘈,話婆婆囉佢d錢,唔比婆婆出去,話要打婆婆,
為免有事發生,媽咪又起左身,安撫公公,但今次冇用,唯有我起身,
哄公公,同佢講其他野,引開佢注意力,
幸好我還懂得點樣哄老人家....
最終令公公乖乖咁坐低,唔好激氣.....
食完中午飯之後就同媽咪出上下9行街,
見到有好多小食,同媽咪買左好多唔同既小食食,
全部都係超低嫁!!
到左5點幾係時侯先屋企,同媽咪搭taxi返婆婆到食飯....
回程既時侯比一部高速行駛既私家車擦過隻手,
令到隻手受傷流血..T^T
行行下見到一檔買棉花糖既..有好多人,好唔容易先走到麻去,
估都估唔到牙..d棉花糖超平牙..有$2..$3同$5又有唔同既味....
我其中一樣愛既食物---士多啤梨棉花糖,
個d棉花糖真係好好咪牙..又唔太甜喎!!!
再行多一陣,又見到我like既野食龍so糖,
超好咪牙!!!
行到去步行街,見到有冰糖胡盧買,就買左支黎食,不過呢個唔好咪既,好酸嫁>.<""
行行下媽咪見到佢鍾意食既罹白牛什,就買左一碗黎食,係咁寒冷既天氣食d熱辣辣既野,
真係別有一番風味!!!!
2008年2月10日
回程返香港,跟公公,婆婆告別後就坐直通車回hk...
今天既早餐,m記hot chocolate,
發覺原來廣州m記既hot chocolate比hk大好多倍!!!! |
