兩個月O既實習完結啦!好開心可以聽到好多正面O既反應!真係好想再同你地講多一次多謝!
唔知你地有冇發現呢,我O既教書技巧真係有進步架!好開心你地好多同學都話有學到野!希望我O既堂可以比你地知道英文唔係咁遙不可及啦!
同埋今日收到你地O既信我都好興奮呀!知多左好多野!多謝你地坦誠O既分享!(喂喂如果你地有咩想同我講都可以MSN/SEND MESSAGE 比我架!)
好多野都想同你地講架~
O係我中學O既時候,我好驚要教書,總覺得會好大壓力。入左大學讀教育文憑我都未決定係真係教書架,直至遇到你地,第一次感受到做老師O既感覺,亦知道自己喜愛呢個行業,,
好慶幸遇到O既係你地,"特別的活潑、特別的敢言、特別的的講義氣、特別的愛玩、特別的愛分心、特別的易唔見野、特別的不願聽英文。"
你地o既特別令我O既實習生活非常豐富!我每一日都好期待見到你地架~所以冇堂O既日子都會DOWN =P 雖然有時上完堂會灰左.唔明點解冇人聽我講野.會嬲你地嬲自己,但係LUNCH TIME 搵你地傾下計,玩下又會冇晒事,充滿力量咁咁計劃第二日要教咩架啦~好敬佩你地呢個BOOST UP 我O既能力呀~!哈哈所以我真係好鐘意LUNCH TIME 去搵你地架!!所以你成日會O係RECESS LUNCH 見到O我係走廊游盪等你地同我講野XDD好啦好啦我認了~~
再次要多謝你地比我學到咁多課室管理o既技巧,創作出有創意O既作文比我睇.,學到點鬧人(我之前真係唔係太識),係有人視學時非常投入專注,為我O既課堂加添幽默同笑聲,邀請我吃飯看戲...
唔好話我話,有時真係址火架,!大佬,全班零個人聽書ARRRR!都唔知點好..但係鬧人唔係我O既強項呀!所以址火O既時候通常都只會唔出聲望住你地,!有時見到你地做衰野都可能冇出聲架..因為我相信你地有自制能力架~應該係真係因為肚餓先食野,唔知係唔係呢~
仲有咩呢~~EMMM O係實習期間睇住你地有進步,成功感都幾大架!!!真係好鐘意你地專心聽書個樣呀,,可愛左十倍=]
同埋你地每一個其實真係好叻好可愛好抵錫.(如果上堂乖D會更好)=] 真係會好掛住你地~所以黎緊成日見到我O係學校出現唔駛奇怪,,我真係因為掛住你地返去搵下你地架~ 到時記住要同我SAY 個HI呀!同埋O係荃灣見到我都哎下我啦..我會好開心架~~!
最後,,好多同學都有同我MSN呢~哈哈我唔介意你地用英文同我講野架喎!!!
好啦到呢度~遲D諗到咩再打~~BYE*
|
