今日好早醒咗啦..

雖然噚晚好早就瞓咗啦...但係今日返學依然好眼瞓..>v<

今日呀!集會特別耐呀!!

多老師訓話唔計啦!~個呀sir(時事討論組)真係好勁囉..講咗廿分鐘野~~~

今期話題:會考喎!有人出貓..^^"因為會考英文卷既閱讀理解有印埋個網址....

有會考生就走入廁所!用手提電話上網!~~搵答案...唉.............

咁樣一個話題..我哋就企咗喺操場聽啦..又熱喎....有人頂唔順架....

^^最好笑既..呀sir話喺廁所出貓既人係「人渣」!!叫我哋唔好喺廁所出貓喎~~~

喺廁所出貓真係唔要得呀!d人真係「人渣」嚟架~佢話唔該我哋..

出貓都唔好喺廁所出喎..^^佢唔係鼓勵我哋出貓呀...

到佢講完啦..我哋都熱死咗啦...入到課室就唔同啦~幾涼爽呀...坐咗一陣....

唉..又要行上五樓上IS..攰死呀!!

上完3堂IS..之後小息完就上中史啦...哈哈....上完中史堂到QJ堂......

估唔到囉..佢應該唔記得要上我哋堂..外籍人士可能係咁架啦...等咗冇幾耐....

我決定瞓覺!~第一次喺學校上堂瞓眼..瞓咗廿分鐘到啦..佢哋好嘈呀!!!!!唔瞓啦!!!!

等到差唔多落堂啦..我哋咪叫班長落去叫QJ上嚟囉..之前有落過去架..不過搵唔到佢~

點知佢上到嚟仲教書喎!都就落堂啦..結果我哋都係避唔過呢個厄運...遲放Lunch!!

永遠上佢堂都係架!!可惡..

食完野返到嚟..上數學堂..唉....我天生數學白痴...好慘..完全唔知佢講咩...

classwork又唔識做..都唔知點死好啦...唉...........

music堂好悶呀..唱歌....唱歌....唱歌.......班男仔又痴線既..都唔係唱歌既....

最後一堂啦~我發覺鄭sir近排都遲咗10分鐘放學囉!!

放咗學返咗小學接我細細佬~(因為我有兩個細佬~一個細佬..讀中學~一個細細佬...讀小學~)

見返d老師好開心呀..同余姐又傾咗陣偈喎~好掛住小學d生活呀!~