頭先去咗飲，因為阿叔結婚。死啦，我同阿吉去街嘅事仲未搞掂，都唔知點問阿媽好，唔通同佢講：「阿媽，我今個禮拜六約咗個男仔去街啊，得唔得呀？」哎呀！邊個可以幫到我啊？

去咗屋企樓下同埋小西灣嘅嘉年華會，但係我一直企係度，唔知做乜撚嘢。係小西灣嘅嘉年華會度見到阿雪同埋伊汶，同佢哋玩咗一陣就走咗。返到屋企之後好想打俾阿吉，但係驚阿媽知道，最尾都係無打到，希望禮拜五見到佢！聽日我阿叔結婚(唔好誤會，我阿叔得廿幾歲咋！)，放學之後要快啲返屋企，廢事遲到。今朝阿媽買咗個M記嘅通粉餐俾我食，我寫完啦！ByeBye！

我今日好開心！我估唔到阿吉會揾我，佢鐘意咗我好耐，我都鐘意咗佢好耐，咁你話啦！我哋倆個係咪應該係埋一齊呢？我就覺得應該係埋一齊啦！但係我都有嘢唔開心，有條友成日串我，好彩有梁詠霖幫我串返佢，我覺得梁詠霖串得好好囉！最後有一句嘢想同大家講，有意者可以add我msn:[email protected]！Bye Bye！