   
五溪一沙。
相信對于大部分人黎講。
好似好陌生。
但系對于出自五溪一沙0既人黎講。
意義特別。
五溪一沙唔系乜野公司、亦唔系乜野社團。
所以千祈唔好誤會。
呵呵。
五溪：南溪、福溪、瀝溪、梅溪、東溪（早更名為東坑）。
一沙：長沙墟。
哩六條村0既簡稱就系五溪一沙啦。
而在下正正就系出自南溪。
雖然可能并非好正宗。
但系。由五歲開始我都住系南溪。
雖然而家有一段時間唔系長期住南溪。
但對哩個地方。
都會有少少歸屬感。
熟悉的車站。
熟悉的街道。
熟悉的31路車。
熟悉的105國道。
熟悉的南溪小學。
熟悉的校車。
熟悉的早餐店。
熟悉的市場。
熟悉的小學同學。
熟悉的初中同學。
熟悉的上沖中學。
熟悉的荔枝園。
熟悉的干撈云吞。
熟悉的籃球場。
熟悉的停電。
熟悉的牽手地方。
熟悉的漫步之路。
熟悉的親吻街角。
熟悉的熟悉的。陌生人。
幾耐無見過你呢？
應該唔算好耐0既。
次次返屋企果陣。
經過果個籃球場。
間唔中都會見到。
但系。
我都會扮見唔到你。
因為。
我憎你。
我甚至唔敢承認我憎你。
因為我唔鐘意將你記響心里面0既感覺。
如果可以俾我揀。
我寧愿揀從來無見過你，
無識過你。無同你一齊過。
但系我知。
無可能。
好啦。今日重點又唔系你。唔講你。
兜返黎。
繼續講五溪一沙喇。
我決定左。
以后每次返屋企都會影低D有價值同有意義0既地方。
因為以后可能真系會穩唔返哩個地方。
拆遷系不遠將來0既事。
即使唔拆遷。
睇到而家村里面不斷甘加建。
越建越高。
就黎變成石屎森林0既南溪。
我真系一D都唔鐘意。
感覺好似以前點點滴滴0既回憶都被人拆走曬甘。
每一次返去都會覺得陌生。
尤其哩兩年。
真系。
好懷念。
懷念曾經有集體回憶0既哩個地方。
至于最熟悉0既31路。
下期待續啦。
好野沉歸底吖嘛。哈哈。
南溪妹
---------------------------------------------[待續]---------------------------------------------
|
