本來今日話去小鳯度探佢同佢個B，不過因為張家小小爺到訪就告吹了。

其實我都唔知佢做咩要黎我屋企拜訪，呢ｄ係咪叫做禮貌呢？我諗我真係好唔識呢ｄ禮貌，佢又辛苦我又辛苦既事不如不做，但每次好認真咁講唔好咁咁，大家都係好禮貌地照單全收，然後你有你的不情，我有我的不願，著實何苦呢？真係奇怪。

攪左一個早晨，最後好晏至去到園圃，無理佢兩個禮拜，佢真係大左好多，仲好凌亂添，攪到我呢．．．一身功夫，今日係除左第一日開始時要翻雲覆雨之外最攰既一日，仲搬左棵茄番屋企，成身散晒咁，下星期係最後一個星期，ｄ野唔生唔熟咁都唔知點算囉，帶唔帶佢地番屋企好呢？有無人想收留蕃茄．．．家陣我變左愛護植物協會人員咁添，要呼籲下有無善心人仕。